താലിബാന്‍ അഫ്ഗാന്‍ പിടിച്ചു, ഇന്ധന വില വര്‍ധനയ്ക്ക് കാരണം കണ്ടെത്തി ബിജെപി എംഎൽഎ


ഇന്ധനവില വർധനവിൽ യുപിഎ സർക്കാരിനെ കുറ്റപ്പെടുത്തി കൊണ്ട് നേരത്തെ കേന്ദ്ര ധനമന്ത്രി നിർമ്മലാ സീതാരാമൻ രംഗത്തെത്തിയിരുന്നു.

അരവിന്ദ് ബെല്ലാർഡ് | Photo: ANI

ബെംഗളൂരു: രാജ്യത്ത് ഇന്ധന വില വർധിക്കാൻ കാരണം താലിബാനാണ് എന്ന വിചിത്ര വാദവുമായി ബിജെപി എംഎൽഎ. അഫ്ഗാനിസ്താൻ താലിബാന്റെ പിടിയിലായതോടെയാണ് രാജ്യത്തെ പെട്രോൾ, ഡീസൽ, പാചക വാതക വില വർധിച്ചതെന്നാണ് കർണാടകയിലെ ഹുബ്ലി - ദർവാഡിലെ ബിജെപി എംഎൽഎ അരവിന്ദ് ബെലാഡ്‌ പറഞ്ഞത്.

അഫ്ഗാനിസ്താനില്‍ താലിബാൻ പ്രതിസന്ധി സൃഷ്ടിച്ച് തുടങ്ങിയതോടെ ലോകരാജ്യങ്ങൾ ഇന്ധന വിതരണത്തിൽ പ്രതിസന്ധി നേരിട്ടു തുടങ്ങിയിരുന്നു. ഇന്ത്യയിലെ ഇന്ധന വില വർധനവും ഇതിന്റെ ഭാഗമാണ്. ബെലാഡ്‌ പറഞ്ഞു.

നിലവിൽ പല സംസ്ഥാനങ്ങളിലും പെട്രോൾ വില നൂറ് രൂപ കടന്നിട്ടുണ്ട്. ഡൽഹിയിൽ 101.34 രൂപയാണ് ഒരു ലിറ്റർ പെട്രോളിന്. ഡീസലിന് 88.77 രൂപയും. മുംബൈയിൽ 107.39 രൂപയാണ് ഒരു ലിറ്റർ പെട്രോളിന്. ഡീസൽ വിലയും ഏകദേശം നൂറിനോടടുത്ത് തന്നെയാണ്. 96.33 രൂപയാണ് മുംബൈയിലെ ഡീസൽ വില.

പാചക വാതക വിലയിലും കുറവില്ലാതെ കുതിക്കുകയാണ്. കഴിഞ്ഞ ദിവസം രാജ്യത്ത് പാചക വാതക വില 25 രൂപ വർധിപ്പിച്ചിരുന്നു. ഗാർഹിക ആവശ്യത്തിനുള്ള സിലിണ്ടറിന് 25.50 രൂപയാണ് വർധിപ്പിച്ചത്. പുതിയ നിരക്കനുസരിച്ച് സിലിണ്ടറിന് 892 രൂപയായി ഉയരും. കഴിഞ്ഞ 15 ദിവസത്തിനുള്ളില്‍ ഗാര്‍ഹിക സിലിണ്ടറിന് വര്‍ധിച്ചത് 50 രൂപയാണ്‌.

'ഞാന്‍ എന്ത് ചെയ്യാനാ, യുപിഎ സര്‍ക്കാര്‍ ഇറക്കിയ ഓയില്‍ ബോണ്ടിന്റെ ബാധ്യത തിരിച്ചടയ്ക്കണം. പൈസ ഉണ്ടായിരുന്നെങ്കില്‍ പെട്രോള്‍ വിലയില്‍ ജനങ്ങള്‍ക്ക് ആശ്വാസം നല്‍കിയേനേ?' എന്നായിരുന്നു ഇന്ധന വില വർധനവിനെക്കുറിച്ച് കേന്ദ്ര ധനകാര്യ മന്ത്രി നിർമ്മലാ സീതാരാമൻ പറഞ്ഞത്.

വര്‍ഷകാല സമ്മേളനത്തില്‍ നിരവധി പ്രതിപക്ഷ നേതാക്കൾ ഇന്ധന വില വർധനവുമായി ബന്ധപ്പെട്ട ചർച്ചകൾക്ക് വേണ്ടി ആവശ്യപ്പെട്ടിരുന്നു. എന്നാൽ കേന്ദ്രം ഇതിന് വഴങ്ങിയിരുന്നില്ല.

Content Highlight: BJP MLA blames Afghanistan crisis for fuel price hike

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


supreme court

1 min

ക്രിസ്ത്യന്‍ വേട്ടയാടല്‍ ഇല്ല; ആരോപണം വിദേശസഹായം നേടാനാകാമെന്ന് കേന്ദ്രം സുപ്രീംകോടതിയില്‍

Aug 16, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022

Most Commented