ബാലികയ്ക്ക് നീതി നൽകുന്നതിന് പകരം ട്വിറ്ററിനെ ഭയപ്പെടുത്തുന്ന തിരക്കിലാണ് ബി.ജെ.പി - കോൺഗ്രസ്


പ്രധാനമന്ത്രിയും ആഭ്യന്തര മന്ത്രി അമിത് ഷായും ഒമ്പതു വയസുകാരിക്ക് നീതി നടപ്പിലാക്കാൻ വേണ്ടി സമയം ചെലവഴിച്ചിരുന്നുവെങ്കിൽ ഡൽഹി സുരക്ഷിതമായ സ്ഥലമായി മാറുമായിരുന്നുവെന്ന് രൺദീപ് സുർജെ വാല

രാഹുൽ ഗാന്ധിയും രൺദീപ് സുർജെവാലയും | Photo: PTI

ന്യൂഡൽഹി: ബി.ജെ.പിയും നരേന്ദ്ര മോദി സർക്കാരും ട്വിറ്ററിനെ ഭയപ്പെടുത്തുന്ന തിരക്കിലാണെന്ന് കോൺഗ്രസ്. ഡൽഹിയിൽ ഒമ്പതു വയസുകാരി പീഡനത്തിനിരയായി കൊല്ലപ്പെട്ട സംഭവത്തിൽ രാഹുൽ ഗാന്ധി പങ്കുവെച്ച ചിത്രങ്ങൾ നിയമവിരുദ്ധമെന്ന് ചൂണ്ടിക്കാട്ടി ട്വിറ്റർ നീക്കം ചെയ്തിരുന്നു. ഇതിന് പിന്നാലെ രാഹുൽ ഗാന്ധിയുടെ അക്കൗണ്ട് ബ്ലോക്ക് ചെയ്തിരുന്നു. ഇതിൽ പ്രതികരിക്കുകയായിരുന്നു കോണ്‍ഗ്രസ് വക്താവ് രണ്‍ദീപ് സുര്‍ജെവാല.

ബി.ജെ.പിയുടെ പരാതിപ്രകാരം രാഹുൽ ഗാന്ധിയുടെ ട്വിറ്റർ അക്കൗണ്ട് ബ്ലോക്ക് ചെയ്തിരിക്കുകയാണ്. 9 വയസുകാരിയായ ദലിത് പെൺകുട്ടിക്ക് നീതി നൽകുന്നതിന് പകരം മോദി സർക്കാരും ബി.ജെ.പിയും ട്വിറ്ററിനെ ഭീഷണിപ്പെടുത്തുന്ന തിരക്കിലാണെന്നും രാഹുൽ ഗാന്ധിയെ നിയമവിരുദ്ധമായി പിന്തുടരുകയാണെന്നും സുർജെവാല പറഞ്ഞു. ഈ സമയം കൊണ്ട് പ്രധാനമന്ത്രിയും ആഭ്യന്തര മന്ത്രി അമിത് ഷായും ഒമ്പതു വയസുകാരിക്ക് നീതി നടപ്പിലാക്കാൻ വേണ്ടി സമയം ചെലവഴിച്ചിരുന്നുവെങ്കിൽ ഡൽഹി സുരക്ഷിതമായ സ്ഥലമായി മാറുമായിരുന്നുവെന്ന് രൺദീപ് സുർജെ വാല കൂട്ടിച്ചേർത്തു.

ഡൽഹിയിൽ ക്രൂര ബലാത്സംഗത്തിനിരയായി കൊല്ലപ്പെട്ട ബാലികയുടെ മാതാപിതാക്കളെ രാഹുൽ ഗാന്ധി സന്ദർശിച്ചിരുന്നു. ഇതിന് ശേഷം ഇവരെ ആശ്വസിപ്പിക്കുന്ന ദൃശ്യങ്ങൾ ട്വീറ്റ് ചെയ്യുകയായിരുന്നു.

എന്നാൽ ഇരയുടെ വ്യക്തിത്വം വെളിപ്പെടുത്തുന്ന ദൃശ്യങ്ങൾ സോഷ്യൽ മീഡിയയിൽ പങ്കുവെക്കുന്നത് കുറ്റകരമാണെന്ന് ചൂണ്ടിക്കാട്ടി ദേശീയ ബാലാവകാശ കമ്മീഷൻ ട്വിറ്ററിന് നോട്ടീസ് നൽകിയിരുന്നു. ഇതിന് പിന്നാലെയായിരുന്നു ട്വീറ്റ് നീക്കം ചെയ്തത്. തുടർന്ന് രാഹുൽ ഗാന്ധിയുടെ അക്കൗണ്ട് ബ്ലോക്ക് ചെയ്യുകയായിരുന്നു.

Content highlights: BJP busy intimidating Twitter, saying Randeep Surjewala after twitter block Rahul Gandhi


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented