സംസ്ഥാനത്തിന്റെ സഹകരണമില്ല; പഞ്ചാബിലെ അഗ്നിപഥ് റിക്രൂട്ട്‌മെന്റ് റാലി നിര്‍ത്തിവെക്കുമെന്ന് സേന


പ്രതീകാത്മക ചിത്രം

ചണ്ഡീഗഡ്: പഞ്ചാബ് സര്‍ക്കാരില്‍നിന്ന് പിന്തുണ ലഭിക്കാത്തതിനാല്‍ സംസ്ഥാനത്തെ അഗ്നിപഥ് റിക്രൂട്ട്‌മെന്റ് റാലികള്‍ നിര്‍ത്തിവെക്കുകയോ മറ്റിടങ്ങളിലേക്ക് മാറ്റുകയോ ചെയ്യേണ്ടിവരുമെന്ന് ഇന്ത്യന്‍ സേന. പ്രാദേശിക ഭരണകൂടത്തില്‍ നിന്ന് യാതൊരു വിധത്തിലുള്ള പിന്തുണയും അഗ്നിപഥ് റിക്രൂട്ട്‌മെന്റ് റാലികള്‍ക്ക് ലഭിക്കുന്നില്ലെന്ന് കാണിച്ച് കരസേനയുടെ ജലന്ധര്‍ സോണല്‍ റിക്രൂട്ട്‌മെന്റ് ഓഫീസര്‍ മേജര്‍ ജനറല്‍ ശരദ് ബിക്രം സിങ് എഎപി സര്‍ക്കാരിന് കത്തയച്ചു. സംസ്ഥാന ഭരണകൂടത്തില്‍നിന്ന് തികച്ചും നിരുത്തരവാദപരമായ പ്രതികരണമാണ് ലഭിക്കുന്നതെന്ന് മേജര്‍ ജനറല്‍ അറിയിക്കുകയും ചെയ്തു. ഇതോടെ അഗ്നിപഥ് പദ്ധതിക്കാവശ്യമായ എല്ലാവിധ സഹായവും നല്‍കാന്‍ മുഖ്യമന്ത്രി ഭഗവന്ത് മാന്‍ ജില്ലാഭരണകൂടങ്ങള്‍ക്ക് നിര്‍ദേശം നല്‍കി. ഇതില്‍ അശ്രദ്ധ വരുത്തിയാല്‍ കര്‍ശന നടപടി നേരിടേണ്ടി വരുമെന്നും സംസ്ഥാനത്ത് നിന്ന് ഏറ്റവും കൂടുതല്‍ യുവാക്കളെ സൈനിക സേവനത്തിനായി സജ്ജരാക്കുമെന്നും ഭഗവന്ത് മാന്‍ വ്യക്തമാക്കി.

സര്‍ക്കാര്‍ വ്യക്തമായ നിര്‍ദേശം നല്‍കാത്തതിനാലാണ് പഞ്ചാബിലെ അധികൃതരില്‍നിന്ന് സഹകരണം ലഭിക്കാത്തതെന്ന് പഞ്ചാബ് ചീഫ് സെക്രട്ടറി, പ്രിന്‍സിപ്പല്‍ സെക്രട്ടറി എന്നിവരെ അഭിസംബോധന ചെയ്‌തെഴുതിയ കത്തില്‍ മേജര്‍ ജനറല്‍ ആരോപിച്ചിരുന്നു. സംസ്ഥാനത്തെ അഗ്നിപഥ് റിക്രൂട്ട്‌മെന്റ് റാലികള്‍ മരവിപ്പിക്കണമെന്നോ അല്ലെങ്കില്‍ അയല്‍സംസ്ഥാനങ്ങളില്‍ വെച്ച് നടത്തണമെന്നോ സേനാആസ്ഥാനത്തോട് ആവശ്യപ്പെടുമെന്നും അദ്ദേഹം കത്തില്‍ സൂചിപ്പിച്ചു..

എഎപി സര്‍ക്കാരില്‍ നിന്ന് പിന്തുണ ലഭിച്ചതോടെ റിക്രൂട്ട്‌മെന്റ് റാലികള്‍ നിര്‍ത്തി വെക്കാനോ അയല്‍സംസ്ഥാനങ്ങളിലേക്ക് മാറ്റാനോ തീരുമാനിക്കില്ലെന്ന് ഇന്ത്യന്‍ സേന അറിയിച്ചു.

പതിനേഴര മുതല്‍ 23 വയസ് വരെയുള്ള യുവാക്കള്‍ക്ക് ഹ്രസ്വകാല സൈനികസേവനത്തിന് അവസരമൊരുക്കുന്ന അഗ്നിപഥ് പദ്ധതി ജൂണിലാണ് കേന്ദ്ര സര്‍ക്കാര്‍ അവതരിപ്പിച്ചത്. നാല് വര്‍ഷത്തേക്കുള്ള കരാറിന്റെ അടിസ്ഥാനത്തിലാണ് തിരഞ്ഞെടുപ്പ്. അഗ്നിപഥ് പദ്ധതിക്കെതിരെ രാജ്യത്തൊട്ടാകെ പ്രതിഷേധം അലയടിച്ചപ്പോള്‍ ഭൂരിപക്ഷതാത്പര്യം മുന്‍നിര്‍ത്തി പദ്ധതി പിന്‍വലിക്കണമെന്ന് കേന്ദ്രസര്‍ക്കാരിനോട് ആവശ്യപ്പെട്ട് പഞ്ചാബ് സര്‍ക്കാര്‍ ഒരു പ്രമേയം അവതരിപ്പിക്കുകയും ശബ്ദവോട്ടോടെ പാസാക്കുകയും ചെയ്തിരുന്നു.

Content Highlights: Agnipath Scheme, Punjab, Bhagwant Mann, Assurance, Lack Of Support


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented