ബിബിസി മാതൃകയില്‍ ദൂരദർശന്റെ അന്താരാഷ്ട്ര ചാനല്‍ വരുന്നു; പ്രതിച്ഛായ മെച്ചപ്പെടുത്താന്‍ സർക്കാർ


പ്രധാനമന്ത്രി മോദി |ഫോട്ടോ:PTI

ന്യൂഡല്‍ഹി: ഇന്ത്യന്‍ കാഴ്ചപ്പാടുകള്‍ ലോകത്തിന് മുന്നില്‍ അവതരിപ്പിക്കുന്നതിനായി ബിബിസി മാതൃകയില്‍ അന്താരാഷ്ട്ര ചാനല്‍ ആരംഭിക്കാന്‍ ഒരുങ്ങി കേന്ദ്രസര്‍ക്കാര്‍. കോവിഡ് വ്യാപനത്തിന്റെ രണ്ടാംതരംഗം കൈകാര്യം ചെയ്യുന്നതില്‍ അന്താരാഷ്ട്ര മാധ്യമങ്ങളില്‍ സര്‍ക്കാരിനെതിരേ വാര്‍ത്തകള്‍ വന്നതിന്റെ പശ്ചാത്തലത്തിലാണ് ലോകത്തിന് മുന്നില്‍ ഇന്ത്യയുടെ പ്രതിച്ഛായ മെച്ചപ്പെടുത്തുക എന്ന ലക്ഷ്യത്തോടെ അന്താരാഷ്ട്രചാനല്‍ തുടങ്ങുന്നത്.

കഴിഞ്ഞ ആഴ്ച പ്രസാര്‍ ഭാരതി വിശദമായ പദ്ധതിരേഖ സമര്‍പ്പിക്കുന്നതിനായുളള താല്പര്യപത്രം പുറപ്പെടുവിച്ചിരുന്നു. അന്താരാഷ്ട്ര മാധ്യമങ്ങളുമായി ചേര്‍ന്ന് പ്രവര്‍ത്തിച്ചിട്ടുളള കണ്‍സള്‍ട്ടന്‍സികളെയാണ് പദ്ധതിരേഖ സമര്‍പ്പിക്കുന്നതിനായി ക്ഷണിച്ചിരിക്കുന്നത്.

കഴിഞ്ഞ കുറച്ചുമാസങ്ങളായി ഇതുസംബന്ധിച്ചുളള ചര്‍ച്ചകള്‍ പ്രസാര്‍ ഭാരതിയില്‍ നടന്നുകൊണ്ടിരിക്കുകയാണെന്ന് പ്രസാര്‍ ഭാരതിയുമായി ബന്ധപ്പെട്ട വൃത്തങ്ങള്‍ പറയുന്നു. ദൂരദര്‍ശന് ആഗോളതലത്തില്‍ ഒരു സാന്നിധ്യം സൃഷ്ടിക്കുന്നതിനും ഇന്ത്യയുടെ ശബ്ദം ആഗോളതലത്തില്‍ ഉയര്‍ത്തുന്നതിനും വേണ്ടിയാണ് ഡിഡി അന്താരാഷ്ട്ര ചാനല്‍ വിഭാവനം ചെയ്യുന്നതെന്ന് താല്പര്യപത്രത്തില്‍ പറയുന്നുണ്ട്.

ബിബിസിയെ പോലെ ഒരു യഥാര്‍ഥ ആഗോള ചാനല്‍ ആണ് ദൂരദര്‍ശൻ അന്താരാഷ്ട്ര ചാനലിലൂടെ ലക്ഷ്യമിടുന്നത്. ഇന്ത്യന്‍ പ്രേക്ഷകരെ മാത്രമല്ല ആഗോളതലത്തിലുളള പ്രേക്ഷകരെ മുഴുവന്‍ ചാനല്‍ ലക്ഷ്യമിടുന്നുണ്ട്. ആഭ്യന്തര-ആഗോള പ്രേക്ഷകരെ തൃപ്തിപ്പെടുത്തുന്ന എല്ലാത്തരം പരിപാടികളും തുല്യപ്രധാന്യത്തോടെ ചാനലില്‍ അവതരിപ്പിക്കും.

ആഭ്യന്തര-ആഗോള വാര്‍ത്തകള്‍ നല്‍കുന്ന ഡിഡി ഇന്ത്യയില്‍ നിന്ന് വിഭിന്നമായിരിക്കും ചാനല്‍. ലോകത്തിന്റെ വിവിധ ഭാഗങ്ങളില്‍ അന്താരാഷ്ട്ര ചാനലിന് ബ്യൂറോകളും റിപ്പോര്‍ട്ടര്‍മാരുമുണ്ടായിരിക്കും. വിവിധ പ്രദേശങ്ങള്‍ക്ക് അനുയോജ്യമായ പരിപാടികളും ചാനലില്‍ ഇടംപിടിക്കും.

ബിബിസി, സിഎന്‍എന്‍ അല്ലെങ്കില്‍ ഡിഡബ്ല്യു എന്നിവ ഇന്ത്യയിലെ സംഭവങ്ങള്‍ റിപ്പോര്‍ട്ട് ചെയ്യുന്നത് പോലെ ആഗോളതലത്തില്‍ നടക്കുന്ന സംഭവങ്ങള്‍ നമ്മളും റിപ്പോര്‍ട്ട് ചെയ്യേണ്ടതുണ്ട്. പ്രസാർഭാരതി മുന്‍ചെയര്‍മാന്‍ എ.സൂര്യപ്രകാശ് പറഞ്ഞു.

സമാനലക്ഷ്യത്തോടെയുളള ദൂരദര്‍ശന്റെ രണ്ടാമത്തെ ചാനലാണ് ഇത്. ആഗോളതലത്തില്‍ പ്രേക്ഷകശ്രദ്ധ നേടുക എന്ന ലക്ഷ്യത്തോടെയാണ് കാലിക വിഷയങ്ങള്‍ കൈകാര്യം ചെയ്യുന്ന ഇംഗ്ലീഷ് ന്യൂസ് ചാനലായ ഡിഡി ഇന്ത്യ ആരംഭിക്കുന്നത്. ഒരിക്കല്‍ ഡിഡി വേള്‍ഡ് എന്ന് ഇത് പുനര്‍നാമകരണം ചെയ്യുകയുമുണ്ടായി.

Content Highlights:BBC world like DD international Channel


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021


ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022

Most Commented