ബെംഗളൂരുവിലെ പ്രളയത്തിന് കാരണം മുൻ കോൺഗ്രസ് സർക്കാരെന്ന് ബസവരാജ് ബൊമ്മെ; തിരിച്ചടിച്ച് കോൺഗ്രസ്


ബെംഗളൂരുവിൽ നിന്നുള്ള ദൃശ്യം, ബസവരാജ് ബൊമ്മെ | Photo: ANI/ PTI

ബെംഗളൂരു: കർണാടകയിലെ മുൻ കോൺഗ്രസ് സർക്കാരിന്റെ ആസൂത്രിതമല്ലാത്ത ഭരണമാണ് ബെംഗളൂരുവിലെ പ്രളയത്തിന് കാരണമെന്ന് മുഖ്യമന്ത്രി ബസവരാജ് ബൊമ്മെ. കോൺഗ്രസ് സർക്കാർ ഇടതും വലതും മധ്യത്തിലുമായി തടാകങ്ങളും ബഫർ സോണുകൾക്കും അനുമതി നൽകിയെന്ന് ബസവരാജ് ബൊമ്മെ കുറ്റപ്പെടുത്തി. എന്നാൽ ബിജെപി സർക്കാരിന്റെ പരാജയമാണ് ബെംഗളൂരു വെള്ളക്കെട്ടിലായതെന്ന് കോൺഗ്രസ് തിരിച്ചടിച്ചു.

ആധുനിക അടിസ്ഥാന സംവിധാനങ്ങൾ ഉപയോഗിച്ച് ബെംഗളൂരുവിനെ ലോകോത്തര നഗരമാക്കുമെന്ന് വാഗ്ദാനത്തെക്കുറിച്ച് ബിജെപി സർക്കാരിനെ ഓർമ്മപ്പെടുത്തേണ്ട സമയമാണ് ഇത്. ഇനി എന്താണ് നിങ്ങളുടെ പരിഹാരമെന്ന് മുൻ മുഖ്യമന്ത്രിയും കോൺഗ്രസ് നേതാവുമായ സിദ്ധരാമയ്യ ട്വീറ്റ് ചെയ്തു.

എന്നാൽ പ്രളയത്തിനെതിരെ സർക്കാർ യുദ്ധം പ്രഖ്യാപിച്ചിരിക്കുകയാണെന്നും യുദ്ധ സമയത്ത് ഐക്യദാർഢ്യം പ്രകടിപ്പിക്കാതെ രാഷ്ട്രീയം കളിക്കുന്നത് ശരിയല്ലെന്ന് മുഖ്യമന്ത്രി ബസവരാജ് ബൊമ്മെ പറഞ്ഞു.

കർണാടകയിൽ, പ്രത്യേകിച്ച് ബെംഗളൂരുവിൽ കനത്ത മഴയാണ് ഉണ്ടായിരിക്കുന്നത്. എന്നാൽ ഇത് ബെംഗളൂരുവിനെ മുഴുവനായും ബാധിച്ചിട്ടില്ല. രണ്ട് സോണുകളിലാണ് കാര്യമായി ബാധിച്ചിട്ടുള്ളത്. ഇതിന്റെ കാരണം ചെറിയ പ്രദേശത്ത് 69 ടാങ്കുകളാണ് നിരന്നു കിടക്കുന്നത്. എല്ലാം കവിഞ്ഞൊഴുകുകയാണ്. മറ്റൊരു കാര്യം ഇവ താഴ്ന്ന പ്രദേശമാണ്. കൂടാതെ ക്രമക്കേടുകളും പ്രതിസന്ധി ഗുരുതരമാക്കി.

അതേസമയം ബെംഗളൂരുവിൽ മഴക്കെടുതി രൂക്ഷമാകുകയാണ്. 430 വീടുകൾ പൂർണ്ണമായും തകർന്നു, 2188 വീടുകൾ ഭാഗികമായി തകർന്നു, 225 കിലോ മീറ്ററിലേറെ റോഡ് തകർന്നു, പാലം, വൈദ്യുതി തൂണുകൾ തുടങ്ങിയവയും തകർന്നതായി മുഖ്യമന്ത്രി ബസവരാജ് ബൊമ്മെ പറഞ്ഞു. നഗരത്തിലെ വെള്ളക്കെട്ട് പരിഹരിക്കാനും മറ്റുപ്രവർത്തനങ്ങൾക്കുമായി സംസ്ഥാന സർക്കാർ 1,800 കോടി രൂപ അനുവദിച്ചതായി മുഖ്യമന്ത്രി പറഞ്ഞു.

Content Highlights: As rain ravages Bengaluru, Congress, BJP take shelter in politics


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

22:40

എന്റെ റൂംമേറ്റാണ് ഐഎഎസും ഐപിഎസും എന്താണെന്നെന്നെ പഠിപ്പിച്ചത് - കളക്ടർ കൃഷ്ണ തേജ | Interview Part 1

Sep 28, 2022


11:48

ബ്രിട്ടന്‍, യു.കെ, ഇംഗ്ലണ്ട്... ഇതൊക്കെ രാജ്യങ്ങളാണോ? കണ്‍ഫ്യൂഷന്‍ തീര്‍ക്കാം | Inside Out

Sep 27, 2022


pfi

1 min

തീരുമാനം അംഗീകരിക്കുന്നു: പോപ്പുലര്‍ ഫ്രണ്ട് പിരിച്ചുവിട്ടതായി സംസ്ഥാന സെക്രട്ടറി

Sep 28, 2022

Most Commented