കോവിഡ് അവസാനഘട്ടത്തിലെന്ന മന്ത്രിമാരുടെ പ്രസ്താവന: മുന്നറിയിപ്പുമായി ഐഎംഎ


പ്രതീകാത്മക ചിത്രം | photo:AFP

ന്യൂഡല്‍ഹി: കോവിഡ് മഹാമാരിയെക്കുറിച്ച് മന്ത്രിമാര്‍ നടത്തിയ ചില പ്രസ്താവനകള്‍ ജനങ്ങള്‍ക്കിടയില്‍ തെറ്റായ ധാരണ ഉണ്ടാകാന്‍ ഇടയാകുമെന്ന് ഇന്ത്യന്‍ മെഡിക്കല്‍ അസോസിയേഷന്‍. മഹാമാരി അവസാനിക്കുകയാണെന്ന മട്ടില്‍ കേന്ദ്ര ആരോഗ്യമന്ത്രി ഹര്‍ഷ വര്‍ധനും ഡല്‍ഹി ആരോഗ്യമന്ത്രി സത്യേന്ദര്‍ ജയിനും നടത്തിയ പ്രസ്താവനകളുടെ പശ്ചാത്തലത്തിലാണ് ഐഎംഎയുടെ പ്രതികരണം. സര്‍ക്കാരിന്റെ ഭാഗത്തുനിന്നുള്ള ഇത്തരം പ്രസ്താവനകള്‍ ജനങ്ങളില്‍ 'സുരക്ഷയെക്കുറിച്ചുള്ള തെറ്റായ ബോധം' ഉണ്ടാക്കുമെന്ന് ഐഎംഎ ചൂണ്ടിക്കാട്ടി.

കോവിഡിന്റെ ഇപ്പോഴത്തെ സ്ഥിതിയെക്കുറിച്ച് രാഷ്ട്രീയ ഇടനാഴികളില്‍ നടക്കുന്ന ചര്‍ച്ചകള്‍ വേദനാജനകമാണ്. ലോകാരോഗ്യ സംഘടന, ഐസിഎംആര്‍ എന്നിവ ശാസ്ത്രീയ തെളിവുകളിലൂടെ തെളിയിക്കാതെ രോഗത്തെക്കുറിച്ചുള്ള ഇത്തരം പ്രസ്താവനകള്‍ പാടില്ല. ജനങ്ങള്‍ മാസ്‌കുകള്‍ ധരിക്കുകയും സാമൂഹ്യ അകലം പാലിക്കുകയും ചെയ്ത് കരുതലോടെ ഇരിക്കേണ്ടത് അനിവാര്യമാണെന്നും ഐഎംഎ പ്രസ്താവനയില്‍ അറിയിച്ചു.



ആധാകാരികമല്ലാത്ത രാഷ്ട്രീയ പ്രസ്താവനകളിലൂടെ ആത്മപ്രശംസ നടത്തുന്നതും കൊട്ടിഘോഷിക്കുന്നതും ഒഴിവാക്കുക. കഴിഞ്ഞ ഒരാഴ്ചയ്ക്കിടെ രോഗികളുടെ എണ്ണത്തില്‍ വിവിധ സംസ്ഥാനങ്ങളില്‍ 35-40 ശതമാനം വര്‍ധന ഉണ്ടായിട്ടുണ്ടെന്ന് ഐഎംഎ ചൂണ്ടിക്കാട്ടി.

ഇന്ത്യയില്‍ കോവിഡ് മഹാമാരി അതിന്റെ അവസാനഘട്ടത്തിലേക്ക് പ്രവേശിച്ചിരിക്കുകയാണെന്ന് ഹര്‍ഷ വര്‍ധന്‍ കഴിഞ്ഞ ദിവസം പ്രസ്താവിച്ചിരുന്നു. ഡല്‍ഹിയില്‍ കോവിഡ് അവസാനിക്കാന്‍ പോകുകയാണെന്ന തരത്തില്‍ ഡല്‍ഹി ആരോഗ്യമന്ത്രി സത്യേന്ദര്‍ ജയിനും പ്രസ്താവന നടത്തിയിരുന്നു.

Content Highlights: As Ministers Talk End Of Pandemic, A Strong Warning From IMA, Covid 19


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
death

1 min

രാത്രി കാമുകിയെ കാണാന്‍ എത്തിയതിന് നാട്ടുകാര്‍ മര്‍ദിച്ചു; കോളേജ് വിദ്യാര്‍ഥി ജീവനൊടുക്കി

Nov 29, 2022


03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022


04:32

'കാന്താര' സിനിമയില്‍ നിറഞ്ഞാടുന്ന ഭൂതക്കോലം, 'പഞ്ചുരുളി തെയ്യം' | Nadukani

Oct 27, 2022

Most Commented