Image: ANI
ന്യൂഡല്‍ഹി: കോവിഡ് മഹാമാരിക്കെതിരെ മുന്‍നിരയില്‍ പ്രവര്‍ത്തിച്ച ഇന്ത്യയിലെ ഡോക്ടര്‍മാര്‍ക്കും ആരോഗ്യപ്രവര്‍ത്തകര്‍ക്കും രാജ്യത്തെ പരമോന്നത സിവിലിയന്‍ ബഹുമതിയായ ഭാരതരത്ന പുരസ്കാരം നല്‍കണമെന്ന് ഡല്‍ഹി മുഖ്യമന്ത്രി അരവിന്ദ് കെജ്‌രിവാള്‍. ഈ ആവശ്യം ഉന്നയിച്ച് കെജ്‌രിവാള്‍ പ്രധാനമന്ത്രിക്ക് കത്തയച്ചു. എല്ലാ ഡോക്ടര്‍മാരേയും സംഘമായി ആദരിക്കാന്‍ ചട്ടങ്ങള്‍ പരിഷ്‌കരിക്കണമെന്നും കെജ്‌രിവാള്‍ പ്രധാനമന്ത്രിക്കയച്ച കത്തില്‍ ആവശ്യപ്പെടുന്നു.
ഈ വര്‍ഷത്തെ ഭാരതരത്ന ഇന്ത്യയിലെ ഡോക്ടര്‍മാര്‍ക്ക് സമര്‍പ്പിക്കണം. പ്രത്യേകം ഒരാള്‍ക്ക് നല്‍കണമെന്നല്ല ഉദ്ദേശിക്കുന്നത്. രാജ്യത്തെ എല്ലാ ഡോക്ടര്‍മാര്‍ക്കും നേഴ്‌സുമാര്‍ക്കും പാരമെഡിക്കല്‍ വിഭാഗത്തില്‍പ്പെട്ടവര്‍ക്കും ഈ ബഹുമതി ലഭിക്കണം. ഇത്തരമൊരു തീരുമാനം കോവിഡ് പോരാട്ടത്തില്‍ ജീവന്‍ നഷ്ടപ്പെട്ട ആരോഗ്യപ്രവര്‍ത്തകര്‍ക്കുള്ള യഥാര്‍ഥ ആദരവായിരിക്കുമെന്നും അദ്ദേഹം പ്രധാനമന്ത്രിക്കയച്ച കത്തില്‍ പറയുന്നു.
ഇന്ത്യന്‍ മെഡിക്കല്‍ അസോസിയേഷന്റെ കണക്കുകള്‍ പ്രകാരം രാജ്യത്ത് 798 ആരോഗ്യപ്രവര്‍ത്തകര്‍ക്കാണ് കോവിഡ് രണ്ടാം തരംഗത്തില്‍ ജീവന്‍ നഷ്ടമായത്. ഇതില്‍ 128 പേര്‍ ഡല്‍ഹിയില്‍ നിന്നുള്ളവരാണ്.
Content Highlights: Arvind Kejriwal Demands Bharat Ratna For Indian Doctors, Writes To PM Modi
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
Also Watch
RELATED STORIES
.jpg?$p=246738b&f=1x1&w=100&q=0.8)
.jpg?$p=6638802&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
IN CASE YOU MISSED IT
.jpg?$p=2613afe&f=1x1&w=100&q=0.8)
.jpg?$p=8a7b7b1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..