പൗരത്വ നിയമ ഭേദഗതി: വന്‍പ്രതിഷേധവുമായി ചെന്നൈയിലെ മുസ്ലീം സംഘടനകള്‍


-

ചെന്നൈ: പൗരത്വ നിയമ ഭേദഗതിക്കെതിരെ തമിഴ്നാട്ടില്‍ വന്‍പ്രതിഷേധം. സംസ്ഥാന സെക്രട്ടറിയേറ്റിലേക്കും ജില്ലാ കേന്ദ്രങ്ങളില്‍ കളക്ടറേറ്റിിലേക്കും മുസ്ലിം സംഘടനകളുടെ നേതൃത്വത്തിലാണ് മാര്‍ച്ച് നടന്നത്. ചെന്നൈയില്‍ ചെപ്പോക്ക്, പാരീസ്, ഐലന്‍ഡ് ഗ്രൗണ്ട് എന്നീ മൂന്ന് കേന്ദ്രങ്ങളില്‍ പ്രതിഷേധ സംഗമം നടന്നു. ഇവിടങ്ങളില്‍ നിന്ന് തുടങ്ങി സെക്രട്ടറിയേറ്റ് വളയാനായിരുന്നു പ്രതിഷേധക്കാരുടെ മുന്‍ തീരുമാനം. എന്നാല്‍ മാര്‍ച്ച് 11 വരെ നഗരത്തില്‍ പ്രതിഷേധങ്ങള്‍ക്ക് ഹൈക്കോടതി വിലക്ക് ഉള്ളതിനാല്‍ മാര്‍ച്ച് ആരംഭിച്ച സ്ഥലങ്ങളില്‍ തന്നെ പോലീസ് തടഞ്ഞു.

ചെന്നൈ ചെപ്പോക്കിലാണ് പ്രധാന സമരം നടന്നത്. ഇവിടെ പതിനായിരത്തിലധികം പേര്‍ സംഗമിച്ചു. ഡിഎംകെ ഉള്‍പ്പെടെയുള്ള പ്രതിപക്ഷപ്പാര്‍ട്ടികള്‍ സമരത്തിന് പിന്തുണയുമായി ചെപ്പോക്കിലെ വേദിയിലെത്തി. സ്വതന്ത്ര എംഎല്‍എമാരായ കര്‍ണാസും തമീമുന്‍ അന്‍സാരിയും സമരത്തില്‍ പങ്കെടുത്തു.

ജില്ലാ കേന്ദ്രങ്ങളിലെ കളക്ടറേറ്റുകള്‍ക്ക് മുന്നില്‍ നടന്ന പ്രതിഷേധ പരിപാടികളിലും വലിയ ജനപങ്കാളിത്തമുണ്ടായിരുന്നു. കഴിഞ്ഞ ആറ് ദിവസമായി ചെന്നൈ വണ്ണാറപ്പേട്ടയില്‍ നടക്കുന്ന 'ഷഹീന്‍ബാഗ് മോഡല്‍' രാപ്പകല്‍ സമരം ഇപ്പോഴും തുടരുകയാണ്. വണ്ണാറപ്പേട്ടിയില്‍ കഴിഞ്ഞ വെള്ളിയാഴ്ച രാത്രി സമരക്കാര്‍ക്കു നേരെ പോലീസ് നടത്തിയ ലാത്തിച്ചാര്‍ജ്ജാണ് തമിഴ്നാട്ടില്‍ വീണ്ടും സിഎഎ വിരുദ്ധ പ്രക്ഷോഭങ്ങള്‍ സജീവമാക്കിയത്. വരും ദിവസങ്ങളില്‍ കൂടുതല്‍ സമരങ്ങളിലേക്ക് കടക്കും എന്ന് നേതാക്കള്‍ വ്യക്തമാക്കി.

Content highlights: Anti CAA protest: Thousands of Muslims protest in Chennai

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
antony raju

1 min

പിന്നില്‍ രാഷ്ട്രീയശക്തികള്‍; ആക്രമിക്കപ്പെട്ട നടിക്കെതിരേ ഗുരുതര ആരോപണങ്ങളുമായി മന്ത്രി ആന്റണി രാജു

May 24, 2022


vismaya

11 min

'അവൾ അന്ന് പൊട്ടിക്കരഞ്ഞുകൊണ്ട് ചോദിച്ചു: ഞാൻ വേസ്റ്റാണോ ചേച്ചി...'

May 23, 2022


dileep highcourt

1 min

ദിലീപും ഭരണമുന്നണിയും തമ്മില്‍ അവിശുദ്ധബന്ധം, മറ്റൊരു വഴിയും ഇല്ല; നടി ഹൈക്കോടതിയില്‍

May 23, 2022

More from this section




Most Commented