Supreme Court | Photo: PTI
ന്യൂഡല്‍ഹി: വാഹനങ്ങളില്‍ കൊണ്ടുപോകുന്ന കന്നുകാലികളെ ബലം പ്രയോഗിച്ചു പിടിച്ചെടുത്ത് ഗോശാലകളിലേക്ക് അയക്കുന്നതിനായി കൊണ്ടുവന്ന ചട്ടങ്ങള്‍ സ്റ്റേ ചെയ്യുമെന്ന് സുപ്രീം കോടതി മുന്നറിയിപ്പ് നല്‍കി. 2017 ലെ ചട്ടങ്ങള്‍ കേന്ദ്ര സര്‍ക്കാര്‍ ഭേദഗതി ചെയ്യണം എന്നും കോടതി വാക്കാല്‍ നിര്‍ദേശിച്ചു. കാലികളടക്കമുള്ള മൃഗങ്ങള്‍ വരുമാന മാര്‍ഗമാണെന്നും ചീഫ് ജസ്റ്റിസ് അധ്യക്ഷനായ ബെഞ്ച് അഭിപ്രായപ്പെട്ടു.
കന്നുകാലികളെ കടത്തുന്ന വാഹനങ്ങള്‍ പിടിച്ചെടുക്കാനും, കാലികളെ ഗോശാലകളിലേക്ക് മാറ്റുന്നതിനും ആയി 2017 ല്‍ ആണ് കേന്ദ്ര സര്‍ക്കാര്‍ രണ്ട് ചട്ടങ്ങള്‍ കൊണ്ട് വന്നത്. ചട്ടങ്ങളുടെ ഭരണഘടന സാധുത ചോദ്യം ചെയ്ത് നല്‍കിയ ഹര്‍ജി പരിഗണിക്കവെ ആണ് ചീഫ് ജസ്റ്റിസ് അധ്യക്ഷനായ ബെഞ്ച് മുന്നറിയിപ്പ് നല്‍കിയത്. മൃഗങ്ങളോടുഉള്ള അതിക്രമം തടയുന്നതിനുഉളള നിയമത്തിലെ 29-ാം വകുപ്പിന്റെ ഘടക വിരുദ്ധമാണ് ചട്ടങ്ങളിലെ വിവിധ നിര്‍ദേശങ്ങള്‍ എന്ന് കോടതി ചൂണ്ടിക്കാട്ടി.
മൃഗങ്ങളോട് ക്രൂരത കാട്ടുന്നവരില്‍ നിന്ന് മാത്രമെ മൃഗങ്ങളെ മാറ്റാന്‍ നിയമം അനുവദിക്കുന്നുള്ളുവെന്ന് ചീഫ് ജസ്റ്റിസ് വ്യക്തമാക്കി. അതിനാല്‍ തന്നെ ക്രൂരത ഉണ്ടെങ്കില്‍ മാത്രമേ നടപടിക്ക് സാധ്യത ഉള്ളു. പട്ടി, പൂച്ച എന്നിവ പോലെ അല്ല വരുമാന മാര്‍ഗമായ കാലികള്‍ എന്ന് ചീഫ് ജസ്റ്റിസ് ചൂണ്ടിക്കാട്ടി. ചട്ടങ്ങള്‍ ഭേദഗതി ചെയ്യുന്നത് സംബന്ധിച്ച നിലപാട് സത്യവാങ്മൂലത്തിലൂടെ അറിയിക്കാന്‍ കോടതി കോടതി നിര്‍ദേശിച്ചു. ചട്ടങ്ങള്‍ക്ക് എതിരായ ഹര്‍ജി കോടതി തിങ്കളാഴ്ച പരിഗണിക്കും.
RELATED STORIES
.jpg?$p=c426bcc&f=1x1&w=100&q=0.8)
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=80131df&f=1x1&w=100&q=0.8)
.jpg?$p=c521eaf&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..