തിരിച്ചെത്തിയവരുടെ മേല്‍ അണുനാശിനി തളിച്ച സംഭവം; വിമര്‍ശനവുമായി അഖിലേഷ് യാദവ്


ന്യൂഡല്‍ഹി: ഉത്തര്‍പ്രദേശില്‍ തിരിച്ചെത്തിയ തൊഴിലാളികളുടെ മേല്‍ അണുനാശിനി തളിച്ച സംഭവത്തില്‍ രൂക്ഷ വിമര്‍ശനവുമായി മുന്‍ മുഖ്യമന്ത്രി അഖിലേഷ് യാദവ്. ലോകാരോഗ്യ സംഘടന ഇക്കാര്യത്തില്‍ എന്തെങ്കിലും നിര്‍ദ്ദേശം നല്‍കിയിട്ടുണ്ടൊയെന്നും രാസവസ്തുക്കള്‍ മൂലമുണ്ടാകുന്ന പൊള്ളലിനെ ഏങ്ങനെ കൈകാര്യം ചെയ്യുമെന്നും അദ്ദേഹം ചോദിച്ചു.

" കുടിയേറ്റക്കാരെ ശുചീകരിക്കാനെന്ന നിലയില്‍ രാസവസ്തുക്കള്‍ തളിക്കുന്നത് ചില ചോദ്യങ്ങള്‍ ഉയര്‍ത്തുന്നു. ഇക്കാര്യത്തില്‍ ലോകാരോഗ്യ സംഘടന എന്തെങ്കിലും നിര്‍ദ്ദേശം നല്‍കിയിട്ടുണ്ടൊ? രാസവസ്തുക്കള്‍ മൂലമുണ്ടാകുന്ന പൊള്ളലിനെ എങ്ങനെ കൈകാര്യം ചെയ്യും? നനഞ്ഞ വസ്ത്രങ്ങള്‍ മാറ്റാന്‍ ആളുകള്‍ക്ക് എന്ത് ക്രമീകരണമാണ് ഏര്‍പ്പെടുത്തിയത് ? സ്‌പ്രേ ചെയ്യുന്നതിലൂടെ നനയുന്ന ഭക്ഷണത്തിന് ബദലായി എന്ത് നല്‍കും ?" - അഖിലേഷ് യാദവ് ട്വീറ്റ് ചെയ്തു.

പിഴവ് സംഭവിച്ചുവെച്ച് ജില്ലാ കളക്ടര്‍ നിതീഷ് കുമാര്‍ സമ്മതിച്ചു. അമിത ആവേശമുള്ള തദ്ദേശ സ്ഥാപനത്തിലെ ജീവനക്കാരാണ് ഇത്തരത്തില്‍ പെരുമാറിയതെന്നും കുറ്റക്കാര്‍ക്ക് എതിരെ നടപടി സ്വീകരിക്കുമെന്നും അദ്ദേഹം വ്യക്തമാക്കി. ഇവര്‍ക്ക് ചികിത്സ ഉറപ്പാക്കുമെന്നും അദ്ദേഹം വ്യക്തമാക്കി.

ഉത്തര്‍ പ്രദേശിലെ ബെറേലി ജില്ലയിയില്‍ സുരക്ഷാ വസ്ത്രങ്ങളണിഞ്ഞ ചിലര്‍ റോഡില്‍ ഇരിക്കുന്നവരുടെ മേല്‍ അണുനാശിനി തളിക്കുന്നതാണ് ദൃശ്യം നേരത്തെ പുറത്ത് വന്നിരുന്നു. സ്ത്രീകളും കുട്ടികളും അടക്കമുള്ളവരുടെ മേലാണ് അണുനാശിനി തളിക്കുന്നത്. നിങ്ങളുടെ കണ്ണുകള്‍ അടയ്ക്കുക, കുട്ടികളുടെ കണ്ണുകളും പൊത്തിപ്പിടിക്കുക എന്ന് ഒരാള്‍ പറയുന്നത് കേള്‍ക്കാം. പോലീസുകാര്‍ അടക്കം സംഭവത്തിന് സാക്ഷികളായിരുന്നു.

Content Highlights:Akhilesh Yadav targets UP govt over spraying disinfectant over migrants

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
antony raju

1 min

പിന്നില്‍ രാഷ്ട്രീയശക്തികള്‍; ആക്രമിക്കപ്പെട്ട നടിക്കെതിരേ ഗുരുതര ആരോപണങ്ങളുമായി മന്ത്രി ആന്റണി രാജു

May 24, 2022


vismaya

11 min

'അവൾ അന്ന് പൊട്ടിക്കരഞ്ഞുകൊണ്ട് ചോദിച്ചു: ഞാൻ വേസ്റ്റാണോ ചേച്ചി...'

May 23, 2022


dileep highcourt

1 min

ദിലീപും ഭരണമുന്നണിയും തമ്മില്‍ അവിശുദ്ധബന്ധം, മറ്റൊരു വഴിയും ഇല്ല; നടി ഹൈക്കോടതിയില്‍

May 23, 2022

More from this section




Most Commented