ഉപരിപഠനത്തിനായി വിദ്യാര്‍ഥികളുടെ ഒഴുക്ക്;യുഎസിലേക്ക് വിമാന സര്‍വീസ് വര്‍ധിപ്പിക്കാന്‍ എയര്‍ഇന്ത്യ


കോവിഡ് വ്യാപനത്തിന്റെ പശ്ചാത്തലത്തില്‍ ഇന്ത്യയില്‍ നിന്നുളള വിമാനങ്ങള്‍ക്ക് അമേരിക്ക നിയന്ത്രണം ഏര്‍പ്പെടുത്തിയിരുന്നു.

എയർ ഇന്ത്യ| ഫോട്ടോ:എ.എഫ്.പി

ന്യൂഡല്‍ഹി: ഇന്ത്യയില്‍ നിന്നും അമേരിക്കയിലേക്കുള്ള വിമാന സര്‍വീസ് വര്‍ധിപ്പിക്കാനൊരുങ്ങി എയര്‍ ഇന്ത്യ. ഓഗസ്റ്റ് ആദ്യവാരം മുതല്‍ സര്‍വീസ് വര്‍ധിപ്പിക്കുമെന്ന് എയര്‍ഇന്ത്യ പ്രഖ്യാപിച്ചു. ഉന്നതപഠനത്തിനായി അമേരിക്കയിലേക്ക് പോകുന്ന വിദ്യാര്‍ഥികള്‍ക്ക് ആശ്വാസം പകരുന്നതാണ് തീരുമാനം. മുന്‍കൂട്ടി അറിയിക്കാതെ എയര്‍ഇന്ത്യ വിമാനസര്‍വീസുകള്‍ പുനഃക്രമീകരിക്കുന്നതായി വിദ്യാര്‍ഥികള്‍ സാമൂഹിക മാധ്യമങ്ങള്‍ വഴി ആരോപിച്ചിരുന്നു.

കോവിഡ് വ്യാപനത്തിന്റെ പശ്ചാത്തലത്തില്‍ ഇന്ത്യയില്‍ നിന്നുളള വിമാനങ്ങള്‍ക്ക് അമേരിക്ക നിയന്ത്രണം ഏര്‍പ്പെടുത്തിയിരുന്നു. 'ഇന്ത്യയില്‍ നിന്നുളള വിമാനങ്ങള്‍ക്ക് നിയന്ത്രണങ്ങള്‍ ഏര്‍പ്പെടുത്തിക്കൊണ്ടുളള യുഎസ് പ്രസിഡന്റിന്റെ പ്രഖ്യാപനത്തെ തുടര്‍ന്ന് യുഎസിലേക്കുളള ഞങ്ങളുടെ ചില വിമാനങ്ങള്‍ റദ്ദാക്കേണ്ടതായി വന്നു. ഞങ്ങളുടെ നിയന്ത്രണത്തിലല്ലാത്ത കാരണങ്ങളാല്‍ വിമാനങ്ങള്‍ റദ്ദാക്കിയ വിവരം യാത്രക്കാരെ അറിയിച്ചിരുന്നു.' ഒരു ദേശീയ മാധ്യമത്തിന് നല്‍കിയ പ്രതികരണത്തില്‍ എയര്‍ഇന്ത്യ അറിയിച്ചു.

വിമാനങ്ങള്‍ക്ക് നിയന്ത്രണമേര്‍പ്പെടുത്തിക്കൊണ്ടുളള അമേരിക്കന്‍ പ്രസിഡന്റിന്റെ പ്രഖ്യാപനം വരുന്നതിന് മുന്‍പ് 40 വിമാനസര്‍വീസുകളാണ് യുഎസിലേക്ക് എയര്‍ഇന്ത്യ നടത്തിയിരുന്നത്. ജൂലായ് 2021ല്‍ ആഴ്ചയില്‍ 11 സര്‍വീസുകളാണ് നടത്താനായത്. ഓഗസ്റ്റ് ഏഴോടെ ഈ സര്‍വീസുകളുടെ എണ്ണം 22 ആയി ഉയര്‍ത്താനാണ് എയര്‍ഇന്ത്യയുടെ തീരുമാനം. ഓഗസ്റ്റ് മുതല്‍ കഴിയുന്നത്ര യാത്രക്കാരെ ഉള്‍ക്കൊളളിക്കാന്‍ തങ്ങള്‍ ശ്രമിക്കുമെന്നും എയര്‍ഇന്ത്യ അറിയിച്ചു.

എന്നാല്‍ ഓഗസ്റ്റില്‍ അമേരിക്കയിലേക്ക് പോകാനിരുന്ന വിദ്യാര്‍ഥികള്‍ക്ക് സര്‍വീസ് പുനഃക്രമീകരിച്ചതായി അറിയിപ്പ് ലഭിച്ചിട്ടുണ്ട്. ഇതുസംബന്ധിച്ച് കൂടുതല്‍ വിശദീകരണത്തിനായി എയര്‍ഇന്ത്യയിലേക്ക് വിദ്യാര്‍ഥികള്‍ ഫോണ്‍മുഖാന്തരം ബന്ധപ്പെടാന്‍ ശ്രമിച്ചെങ്കിലും നടന്നില്ല. ഇത്തരത്തില്‍ വിമാന സര്‍വീസ് പുനഃക്രമീകരിച്ചതിനാല്‍ ക്ലാസ് ആരംഭിക്കുന്നതിന് മുമ്പായി അമേരിക്കയില്‍ എത്തിച്ചേരാനാകില്ലെന്ന ആശങ്കയിലാണ് വിദ്യാര്‍ഥികള്‍.

അതേസമയം ഓഗസ്റ്റ് 6,13,20, 27 തീയതികളിലായി മുബൈയില്‍ നിന്നും നെവാര്‍ക്കിലേക്ക് അധിക വിമാനസര്‍വീസുകള്‍ നടത്തുമെന്ന് എയര്‍ഇന്ത്യ ട്വീറ്റ് ചെയ്തിട്ടുണ്ട്. വിദേശത്ത് ഉപരിപഠനം നടത്താന്‍ ആഗ്രഹിക്കുന്ന പലര്‍ക്കും വിമാനങ്ങളുടെ റദ്ദാക്കലും സമയക്രമം മാറ്റുന്നതും തിരിച്ചടിയായിരിക്കുകയാണ്.

Content Highlights: air india to increase flight service to usa considering students who go abroad for higher studies

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
manoram

3 min

ഭാര്യയുടെ മൃതദേഹം ചുടുകട്ടകെട്ടി കിണറ്റില്‍; ഹൃദയംപൊട്ടി ദിനരാജ്, അന്യസംസ്ഥാന തൊഴിലാളിയെ കാണാനില്ല

Aug 8, 2022


K Surendran

2 min

'ദിലീപിന് സിനിമയിലഭിനയിക്കാം; ശ്രീറാമിന് കളക്ടറാകാന്‍ പാടില്ലേ?'; അതെന്ത് ന്യായമെന്ന് സുരേന്ദ്രന്‍

Aug 7, 2022


10:51

പട്ടാളമില്ലെങ്കിലും സേഫായ രാജ്യം, ഉയര്‍ന്ന ശമ്പളം, വിശേഷദിനം ഓഗസ്റ്റ് 15 | Liechtenstein

Jul 25, 2022

Most Commented