ഗുജറാത്ത് തദ്ദേശ തിരഞ്ഞെടുപ്പില്‍ ഭാരതീയ ട്രൈബല്‍ പാര്‍ട്ടിയുമായി കൈകോര്‍ക്കാന്‍ ഒവൈസി


തര്‍ക്കങ്ങളെ തുടര്‍ന്ന് കോണ്‍ഗ്രസുമായുള്ള സഖ്യം ഉപേക്ഷിച്ചതിനു പിന്നാലെയാണ് ബിടിപിയുടെ പുതിയ പ്രഖ്യാപനം.

ബിടിപി നേതാവ് മഹേഷ് ഭായ് ഛോട്ടു വാസവ |Photo: Official Facebook account

അഹമ്മദാബാദ്: ഗുജറാത്ത് തദ്ദേശ തിരഞ്ഞെടുപ്പില്‍ ഒവൈസിയുടെ എ.ഐ.എം.ഐ.എമ്മുമായി(ഓള്‍ ഇന്ത്യ മജിലിസെ ഇത്തിഹാദുല്‍ മുസ്ലിമീന്‍)കൈകോര്‍ക്കുമെന്ന് ബിടിപി. (ഭാരതീയ ട്രൈബല്‍ പാര്‍ട്ടി. എ.ഐ.എം.ഐ.എം നേതാവ് ഇമിത്യാസ് ജലീലുമായുള്ള കൂടിക്കാഴ്ചയ്ക്ക് ശേഷം ബിടിപി നേതാവ് മഹേഷ് ഭായ് ഛോട്ടു വാസവയാണ് ഇക്കാര്യം വ്യക്തമാക്കിയത്. തര്‍ക്കങ്ങളെ തുടര്‍ന്ന് കോണ്‍ഗ്രസുമായുള്ള സഖ്യം ഉപേക്ഷിച്ചതിനു പിന്നാലെയാണ് ബിടിപിയുടെ പുതിയ പ്രഖ്യാപനം.

ഇന്ത്യന്‍ ഭരണഘടന സംരക്ഷിക്കാന്‍ പ്രവര്‍ത്തിക്കുന്നവര്‍ക്കൊപ്പമാണ് അസദുദീന്‍ ഒവൈസി, മോദി സര്‍ക്കാര്‍ ഇല്ലാതാക്കിയ ഞങ്ങളുടെ അവകാശങ്ങള്‍ക്ക് വേണ്ടി ചേര്‍ന്ന് പ്രവര്‍ത്തിക്കും. അവര്‍ പാവങ്ങള്‍ക്ക് വേണ്ടി ഒന്നും ചെയ്യുന്നില്ല. ഇതിനെതിരേ പ്രവര്‍ത്തിക്കാന്‍ വരുന്ന തിരഞ്ഞെടുപ്പില്‍ ഞങ്ങള്‍ എഐഎംഎമ്മുമായി ചേര്‍ന്നു പ്രവര്‍ത്തിക്കുമെന്ന് വാസവ പ്രതികരിച്ചു. ഛോട്ടു വാസവയുമായി ഫലവത്തായ ചര്‍ച്ചനടത്തിയെന്ന് ഇമിത്യാസ് ജലീലും പ്രതികരിച്ചു.

ബിടിപി-എഐഎംഐഎം സഖ്യം നടപ്പിലാവുന്നതോടെ ഗുജറാത്തിലെ ജനങ്ങളുടെ ദീര്‍ഘകാലത്തെ കാത്തിരിപ്പ് അവസാനിക്കും. ഇത് പുതിയ രാഷ്ട്രീയ ശക്തിയായി വളരുമെന്ന് ഇമിത്യാസ് ജലീല്‍ ട്വീറ്റ് ചെയ്തു. 'ബിജെപിക്കും കോണ്‍ഗ്രസിനുമെതിരെ ശക്തരായ എതിരാളിയായിരിക്കും ഞങ്ങളുടെ പുതിയ സഖ്യം, വരുന്ന തിരഞ്ഞെടുപ്പില്‍ ഇത് പ്രതിഫലിക്കും. ജനങ്ങള്‍ക്കും ഈ കൂട്ടുകെട്ടില്‍ പ്രതീക്ഷയുണ്ടെന്നും അദ്ദേഹം പ്രതികരിച്ചു'.

നിലവില്‍ ഗുജറാത്തില്‍ ബിടിപിക്ക് രണ്ട് എംഎല്‍എമാരാണുള്ളത്. 2017ലെ തിരഞ്ഞെടുപ്പില്‍ കോണ്‍ഗ്രസുമായി ചേര്‍ന്നാണ് പാര്‍ട്ടി തിരഞ്ഞെടുപ്പ് കളത്തിലിറങ്ങിയത്. തുടര്‍ന്നുണ്ടായ വിവാദങ്ങളെ തടര്‍ന്ന് ഡിസംബറിലാണ് കോണ്‍ഗ്രസുമായി സഖ്യം ബിടിപി അവസാനിപ്പിച്ചത്.

ഗുജറാത്തില്‍ തദ്ദേശ തിരഞ്ഞെടുപ്പ് കഴിഞ്ഞ നവംബറില്‍ നടക്കേണ്ടിയിരുന്നെങ്കിലും കോവിഡിന്റെ പശ്ചാത്തലത്തില്‍ മൂന്ന് മാസത്തേക്ക് മാറ്റിവെക്കുകയായിരുന്നു.

Content Highlights: AIMIM joins hands with Bhartiya Tribal Party to contest local polls in Gujarat


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Bala Against unnimukundan, shefeekkinte santhosham controversy

1 min

ഉണ്ണിമുകുന്ദന്‍ പ്രതിഫലം നല്‍കാതെ പറ്റിച്ചു; ആരോപണവുമായി ബാല

Dec 8, 2022


image

2 min

ആ കനല്‍ത്തരി അണഞ്ഞു; ഹിമാചലില്‍ സിറ്റിങ് സീറ്റില്‍ സിപിഎം നാലാമത്‌

Dec 8, 2022


10:28

EXPLAINED | വിഴിഞ്ഞം സമരം ഒത്തുതീർപ്പിനു പിന്നിലെന്ത്? വാഗ്ദാനങ്ങൾ എന്തൊക്കെ?

Dec 7, 2022

Most Commented