ന്യൂഡല്‍ഹി: സംഘടനാ തലത്തില്‍ കോണ്‍ഗ്രസില്‍ വീണ്ടും അഴിച്ചുപണി. മോത്തിലാല്‍ വോറയെ മാറ്റി അഹമ്മദ് പട്ടേലിനെ ട്രഷററായി നിയമിച്ചു. പാര്‍ട്ടി അധ്യക്ഷയായിരുന്ന സോണിയ ഗാന്ധിയുടെ രാഷ് ട്രീയ കാര്യ സെക്രട്ടറിയായിരുന്നു അഹമ്മദ് പട്ടേല്‍.
മോത്തിലാല്‍ വോറയെ അഡ്മിനിസ്‌ട്രേഷന്‍ ചുമതലയുള്ള എഐസിസി ജനറല്‍ സെക്രട്ടറിയാക്കി. മുന്‍ കേന്ദ്രമന്ത്രി ആനന്ദ് ശര്‍മ്മയെ എഐസിസിയുടെ വിദേശ കാര്യ ചുമതലയുള്ള ചെയര്‍പേഴ്‌സണാക്കി. കരണ്‍ സിങ്ങിനായിരുന്നു ഇതുവരെ ഈ ചുമതല. മീരാ കുമാറിനെ പ്രവര്‍ത്തക സമിതിയില്‍ സ്ഥിരം ക്ഷണിതാവാക്കിയതാണ് മറ്റൊരു മാറ്റം.
ഗോവയിലെ പ്രമുഖ നേതാക്കളില്‍ ഒരാളായ ലൂസീഞ്ഞോ ഫാലീറോയെ അസം ഒഴികെയുള്ള വടക്ക് കിഴക്കന്‍ സംസ്ഥാനങ്ങളുടെ ചുമതലയുള്ള എഐസിസി ജനറല്‍ സെക്രട്ടറിയായും നിയമിച്ചിട്ടുണ്ട്. സിപി ജോഷിയായിരുന്നു ഈ ചുമതല ഇതുവരെ വഹിച്ചിരുന്നത്.
RELATED STORIES
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=a80322e&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..