സമരപരിപാടികളില്‍ മാറ്റമില്ലെന്ന് സംയുക്ത കിസാന്‍ മോര്‍ച്ച; 29-ന് പാര്‍ലമെന്റ് മാര്‍ച്ച്


ഗാസിപുരിലെ സമരഭൂമി | photo: PTI

ന്യൂഡല്‍ഹി: കാര്‍ഷിക നിയമങ്ങള്‍ പിന്‍വലിക്കുന്നതായി പ്രധാനമന്ത്രി പ്രഖ്യാപിച്ചെങ്കിലും സമര പരിപാടികളുമായി മുന്നോട്ടു പോകുമെന്ന് സംയുക്ത കിസാന്‍ മോര്‍ച്ച. ഈ മാസം 29ന് പാര്‍ലമെന്റിന്റെ ശീതകാല സമ്മേളനം തുടങ്ങുന്ന ദിവസം നടത്താന്‍ നിശ്ചയിച്ചിരുന്ന പാര്‍ലമെന്റ് മാര്‍ച്ചുമായി മുന്നോട്ട് പോകാന്‍ സിംഘുവിന്‍ ചേര്‍ന്ന സംയുക്ത കിസാന്‍ മോര്‍ച്ച യോഗം തീരുമാനിച്ചു. കര്‍ഷകപ്രശ്നങ്ങള്‍ സംബന്ധിച്ച് പ്രധാനമന്ത്രിക്ക് ഒരു തുറന്ന കത്ത് എഴുതാനും നിയമങ്ങള്‍ പിന്‍വലിക്കുന്നുവെന്ന പ്രധാനമന്ത്രിയുടെ പ്രഖ്യാപനത്തിന് ശേഷം ആദ്യമായി ചേര്‍ന്ന യോഗത്തില്‍ തീരുമാനമായി.

സംയുക്ത കിസാന്‍ മോര്‍ച്ച പ്രഖ്യാപിച്ച സമര പരിപാടികളില്‍ മാറ്റമില്ലെന്ന് കര്‍ഷക സംഘടന നേതാവ് ബല്‍ബീര്‍ സിങ് രജേവല്‍ പറഞ്ഞു. നവംബര്‍ 22-ന് മഹാപഞ്ചായത്ത്, 26-ന് അതിര്‍ത്തികളില്‍സമ്മേളനങ്ങള്‍, 29-ന് പാര്‍ലമെന്റ് ട്രാക്ടര്‍ റാലി എന്നിവ നടക്കും. എന്നാല്‍ 29-ന് നടക്കുന്ന റാലി സംബന്ധിച്ച അന്തിമ തീരുമാനം 27-ലെ യോഗത്തിന് ശേഷമായിരിക്കും എടുക്കുകയെന്നും അദ്ദേഹം പറഞ്ഞു.



പ്രധാനമന്ത്രിക്ക് അയക്കുന്ന തുറന്ന കത്ത് അടുത്ത ദിവസംതന്നെ പുറത്തിറക്കും. താങ്ങുവില, വൈദ്യുതി ഭേദഗതി ബില്‍, കേസുകള്‍ പിന്‍വലിക്കല്‍, ലഖിംപൂര്‍ ഖേരി സംഭവത്തില്‍ ഉള്‍പ്പെട്ട മന്ത്രി അജയ് മിശ്രയെ പുറത്താക്കല്‍, കര്‍ഷകര്‍ക്കുള്ള നഷ്ടപരിഹാരം തുടങ്ങിയവ കത്തില്‍ ഉള്‍പ്പെടുത്തുമെന്നും കര്‍ഷക സംഘടന നേതാവ് ബല്‍ബീര്‍ സിങ് രജേവല്‍ കൂട്ടിച്ചേര്‍ത്തു.

27-ന് ചേരുന്ന യോഗത്തില്‍ കത്തിനുള്ള മറുപടി വിലയിരുത്തും. ഈ യോഗത്തിലായിരിക്കും സമരം എങ്ങനെ മുന്നോട്ടുകൊണ്ടുപോകണം എന്ന കാര്യത്തില്‍ തീരുമാനം ഉണ്ടാകുക. നിലവില്‍ നിശ്ചയിച്ചിട്ടുള്ള 27-ാം തീയതി വരെയുള്ള സമരപരിപാടികള്‍ അതനുസരിച്ചുതന്നെ നടക്കും. സമരസമിതി നേതാക്കളെ സര്‍ക്കാര്‍ അനൗദ്യോഗികമായി ബന്ധപ്പെട്ട് ചര്‍ച്ചയ്ക്ക് തയ്യാറാണെന്ന് അറിയിച്ചതായും റിപ്പോര്‍ട്ടുണ്ട്.

Content Highlights: After Centre's Climbdown, Farmers Announce "Sansad Chalo" On Nov 29


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
FIFA World Cup 2022 Argentina vs Mexico group c match

2 min

മെക്‌സിക്കന്‍ പ്രതിരോധക്കോട്ട തകര്‍ത്തു; ജീവന്‍ തിരികെപിടിച്ച് മെസ്സിയും സംഘവും

Nov 27, 2022


nazer faizy koodathayi

2 min

'പോര്‍ച്ചുഗല്‍ അധിനിവേശം നടത്തിയ രാജ്യം, എതിര്‍പ്പ് വഴിവിട്ട ആരാധനയോട്'; വിശദീകരണവുമായി സമസ്ത

Nov 25, 2022


അര്‍ജന്റീനന്‍ ടീം| photo: Getty Images

1 min

സൗദിയെ വീഴ്ത്തി പോളണ്ട്; ഇനി അര്‍ജന്റീനയുടെ ഭാവി എന്ത്?

Nov 26, 2022

Most Commented