ഡല്‍ഹി മുനിസിപ്പല്‍ ഉപതിരഞ്ഞെടുപ്പ്; അഞ്ചില്‍ നാല് സീറ്റും നേടി എ.എ.പി; ബിജെപിക്ക് പൂജ്യം


പ്രതീകാത്മക ചിത്രം |ഫോട്ടോ:twitter.com|JarnailSinghAA

ന്യൂഡല്‍ഹി: ഡല്‍ഹിയിലെ അഞ്ച് മുനിസിപ്പല്‍ വാര്‍ഡുകളിലേക്ക് നടന്ന ഉപതിരഞ്ഞെടുപ്പില്‍ നാല് സീറ്റുകളും നേടി ആം ആദ്മി പാര്‍ട്ടി.

രോഹിണി-സി, ഷാലിമാര്‍ബാഗ് നോര്‍ത്ത്, ചൗഹാന്‍ ബംഗര്‍, കല്യാണ്‍പുരി, ത്രിലോക്പുരി വാര്‍ഡുകളിലാണ് ഉപതിരഞ്ഞെടുപ്പ് നടന്നത്. ചൗഹാന്‍ ബംഗറിലാണ് കോണ്‍ഗ്രസ് ജയിച്ചത്. മറ്റെല്ലായിടത്തും ആം ആദ്മി പാര്‍ട്ടി ജയിച്ചു.

2022-ലെ ഡല്‍ഹി മുനിസിപ്പല്‍ കോര്‍പ്പറേഷന്‍ തിരഞ്ഞെടുപ്പിന് മുന്നോടിയായുള്ള ശക്തിപ്രകടനമെന്ന നിലയ്ക്കാണ് ഉപതിരഞ്ഞെടുപ്പിനെ രാഷ്ട്രീയപ്പാര്‍ട്ടികള്‍ കണ്ടിരുന്നത്. മൂന്ന് മുനിസിപ്പല്‍ കോര്‍പ്പറേഷനുകളിലുമായി 272 വാര്‍ഡുകളിലേക്കാണ് അടുത്തവര്‍ഷം തിരഞ്ഞെടുപ്പ് നടക്കാനിരിക്കുന്നത്.

2012 മുതല്‍ ഡല്‍ഹിയിലെ മൂന്ന് മുനിസിപ്പല്‍ കോര്‍പ്പറേഷനുകളും ഭരിക്കുന്നത് ബി.ജെ.പി.യാണ്. എന്നാല്‍ ഉപതിരഞ്ഞെടുപ്പില്‍ ഒന്നില്‍ പോലും ബിജെപിക്ക് ജയിക്കാനായില്ല. ഉപതിരഞ്ഞെടുപ്പ് നടന്ന അഞ്ച് സീറ്റുകളില്‍ നാലെണ്ണം ആം ആദ്മി പാര്‍ട്ടിയുടേതും ഒരെണ്ണം ബിജെപിയുടേയും സിറ്റിങ് സീറ്റുകളായിരുന്നു.

നിയമസഭാ തിരഞ്ഞെടുപ്പില്‍ എ.എ.പി. മികച്ച വിജയം കൈവരിച്ചെങ്കിലും മുനിസിപ്പല്‍ കോര്‍പ്പറേഷനുകള്‍ അവര്‍ക്ക് കീറാമുട്ടിയായിരുന്നു. ഏറെ പിന്നിലായി രണ്ടാംസ്ഥാനമാണ് 2017-ലെ മുനിസിപ്പല്‍ കോര്‍പ്പറേഷന്‍ തിരഞ്ഞെടുപ്പില്‍ എ.എ.പി.ക്ക് ലഭിച്ചത്. ബി.ജെ.പി.ക്ക് 181 സീറ്റുകള്‍ ലഭിച്ചപ്പോള്‍ എ.എ.പി.ക്ക് 48-ഉം കോണ്‍ഗ്രസിന് 30 സീറ്റുകളുമാണ് അന്ന് കിട്ടിയത്.


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


v muraleedharan

1 min

കേരളം കത്തുമ്പോള്‍ പിണറായി ചെണ്ടകൊട്ടി രസിച്ചു, ഒരുമഹാന്‍ കണ്ടെയ്‌നറില്‍ കിടന്നുറങ്ങി- വി മുരളീധരന്‍

Sep 24, 2022

Most Commented