അരവിന്ദ് കെജ്രിവാളും ജോഗീന്ദറും | ഫോട്ടോ: twitter.com/AamAadmiParty
ചണ്ഡീഗഡ്: പാര്‍ട്ടി വിട്ട് ആം ആദ്മിയില്‍ ചേര്‍ന്ന കോണ്‍ഗ്രസ് എംഎല്‍എ ജൊഗീന്ദര്‍ സിങ് മാന് നിയമസഭ തിരഞ്ഞെടുപ്പില്‍ സീറ്റ് നല്‍കി എഎപി. ഞായറാഴ്ച പ്രഖാപിച്ച സ്ഥാനാര്‍ഥി പട്ടികയിലാണ് പഗ്‌വാര മണ്ഡലത്തില്‍ നിന്ന് ജൊഗീന്ദറിനെ മത്സരിപ്പിക്കാന്‍ തീരുമാനിച്ചത്. കോണ്‍ഗ്രസ് ടിക്കറ്റില്‍ മൂന്ന് തവണ ഇവിടെ നിന്ന് മത്സരിച്ച് വിജയിച്ച നേതാവാണ് ജൊഗീന്ദര്‍.
സംസ്ഥാനത്തെ സ്‌കോളര്‍ഷിപ്പ് അഴിമതി സംബന്ധിച്ച് താന്‍ ഉന്നയിച്ച ആരോപണങ്ങള്‍ പരിഗണിക്കുകയോ കുറ്റക്കാര്‍ക്കെതിരെ നടപടിയെടുക്കുകയോ ചെയ്യാത്തതില്‍ പ്രതിഷേധിച്ചാണ് ജൊഗീന്ദര്‍ കോണ്‍ഗ്രസ് വിട്ടത്. കോണ്‍ഗ്രസുകാരനായി മരിക്കണമെന്നായിരുന്നു സ്വപ്‌നമെന്നും എന്നാല്‍ നിലവിലെ അവസ്ഥയില്‍ അതിന് കഴിയുന്നില്ലെന്നും സോണിയ ഗാന്ധിക്ക് അയച്ച കത്തില്‍ ജൊഗീന്ദര്‍ പറയുന്നു.
ജൊഗീന്ദറിന്റെ വരവ് പഞ്ചാബില്‍ പാര്‍ട്ടിക്ക് വലിയ ഗുണം ചെയ്യുമെന്ന് ആം ആദ്മി കണ്‍വീനര്‍ രാഘവ് ചന്ദ പ്രതികരിച്ചു. പിന്നാക്ക വിഭാഗത്തില്‍ നിന്നുള്ള നേതാവായ ജൊഗീന്ദറിനെ മത്സരിപ്പിക്കുന്നതിലൂടെ ആ വിഭാഗത്തിന്റെ പിന്തുണ ഉറപ്പാക്കാമെന്നാണ് എഎപി കണക്ക് കൂട്ടുന്നത്.
RELATED STORIES
.jpg?$p=2922c1a&f=1x1&w=100&q=0.8)
.jpg?$p=1990e2a&f=1x1&w=100&q=0.8)
IN CASE YOU MISSED IT
.jpg?$p=430c1f1&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..