Image: NDTV
വരി വരിയായി ഹോണടിച്ച് നീങ്ങുന്ന കാറുകള്‍. തുറന്ന വിന്‍ഡോ ഗ്ലാസിലൂടെ പുറത്തേക്ക് നീളുന്ന പലവര്‍ണ പ്ലക്കാര്‍ഡുകളില്‍ താങ്ക് യൂ ഡോക്ടര്‍ എന്നെഴുതിയിട്ടുണ്ട്. തങ്ങളെ ചികിത്സിച്ച ഡോക്ടറോടുള്ള അതിരറ്റ നന്ദി അറിയിക്കാന്‍ യുഎസിലെ ഒരു സംഘം ആളുകള്‍ കണ്ടെത്തിയ വഴിയാണ് ഈ വാഹന പരേഡ്. അതേറ്റു വാങ്ങിയതാവട്ടെ ഇന്ത്യക്കാരിയായ ഡോക്ടറും.
യുഎസിലെ സൗത്ത് വിന്‍ഡ്‌സോര്‍ ഹോസ്പിറ്റലിലെ ഡോ. ഉമ മധുസൂദനനാണ് താന്‍ ചികിത്സിച്ച രോഗികളുടെ സ്‌നേഹവും ആദരവും നേടിയത്. കോവിഡ് രോഗികളെയാണ് ഉമ ചികിത്സിച്ചത്. ഭയമേതുമില്ലാതെ, ആത്മാര്‍ഥതയോടെ ഡോക്ടര്‍ നല്‍കിയ സേവനം രോഗികളുടെ ഉള്ളില്‍ നിറച്ചത് പ്രത്യാശയും സ്‌നേഹവും ആദരവുമായിരുന്നു.
ഡോക്ടര്‍ക്കായി നടത്തിയ വാഹന പരേഡിന്റെ വീഡിയോ വ്യവസായിയായ ഹര്‍ഷ ഗോയങ്കയാണ് ട്വിറ്ററില്‍ ഷെയര്‍ ചെയ്തത്. ഡോക്ടര്‍ ഉമയുടെ വീടിന് മുന്നിലെ റോഡിലാണ് വാഹനങ്ങള്‍ നിരയായി നീങ്ങിയത്. വീടിന് മുന്നില്‍ നിന്ന് ഡോക്ടര്‍ ആഹ്‌ളാദത്തോടെ കൈവീശിക്കാണിക്കുന്നതും വീഡിയോയിലുണ്ട്. കാറുകള്‍ കൂടാതെ പോലീസ്-ഫയര്‍ഫോഴ്‌സ് വാഹനങ്ങളും പരേഡില്‍ പങ്കെടുക്കുന്നുണ്ട്.
കോവിഡ് രോഗികള്‍ക്കായി ഇന്ത്യക്കാരിയായ ഡോ. ഉമ മധുസൂദന്‍ നല്‍കിയ നിസ്വാര്‍ഥസേവനത്തിന് രോഗമുക്തി നേടിയവര്‍ നല്‍കിയ വ്യത്യസ്തമായ നന്ദിപ്രകടനം എന്ന കുറിപ്പോടെ ഹര്‍ഷ ഗോയങ്ക പോസ്റ്റ് ചെയ്ത വീഡിയോ 45,000 ലധികം പേര്‍ കണ്ടുകഴിഞ്ഞു. ഒട്ടേറെ പേര്‍ പോസ്റ്റിനോട് പ്രതികരിക്കുകയും ചെയ്തു. മൈസൂരുവിലെ ജെ.എസ്.എസ്. മെഡിക്കല്‍ കോളേജിലെ 1990 ബാച്ചിലെ വിദ്യാര്‍ഥിനിയായിരുന്നു ഡോ. ഉമ.
Content Highlights: A Unique Thank You For Indian Doctor Treating COVID Patients In US
RELATED STORIES
.jpg?$p=573889c&f=1x1&w=100&q=0.8)
IN CASE YOU MISSED IT
.jpg?$p=cf32acb&f=1x1&w=100&q=0.8)
.jpg?$p=e4e93ab&q=0.8&f=16x11&w=104)
.jpg?$p=8a7b7b1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..