പി.എം. കിസാനിലും തട്ടിപ്പ്; 40 ലക്ഷം അനര്‍ഹര്‍ക്ക് പണം ലഭിച്ചുവെന്ന് കേന്ദ്ര കൃഷിമന്ത്രി


പി.എം. കിസാന്‍ പദ്ധതി പ്രകാരം 40 ലക്ഷം അനര്‍ഹര്‍ക്ക് പണം ലഭിച്ചുവെന്ന് കേന്ദ്ര കൃഷിമന്ത്രി

നരേന്ദ്ര സിങ് തോമർ| ഫോട്ടോ: PTI

ന്യൂഡല്‍ഹി: പി.എം കിസാന്‍ പദ്ധതി പ്രകാരം 40 ലക്ഷം അനര്‍ഹര്‍ക്ക് പണം ലഭിച്ചുവെന്ന് കേന്ദ്രകൃഷിമന്ത്രി നരേന്ദ്ര സിങ് തോമര്‍. അസം, തമിഴ്‌നാട്, ചത്തീസ്ഗഢ്, പഞ്ചാബ്, ബിഹാര്‍ തുടങ്ങിയ സംസ്ഥാനങ്ങളിലെ അനര്‍ഹര്‍ക്കാണ് പി.എം. കിസാന്‍ പദ്ധതി പ്രകാരം അക്കൗണ്ടിലേക്ക് പണമെത്തിയത്. ഇവരുടെ പക്കല്‍നിന്നും തുക പിടിച്ചെടുക്കാനുള്ള എല്ലാ നടപടികളും സ്വീകരിക്കുമെന്ന് അദ്ദേഹം പറഞ്ഞു.

അസം, തമിഴ്‌നാട്, ഛത്തീസ്ഗഢ്‌, പഞ്ചാബ്, ബിഹാര്‍ തുടങ്ങിയ സംസ്ഥനാങ്ങള്‍ കൂടാതെ നിരവധി സംസ്ഥാനങ്ങളിലും അനര്‍ഹര്‍ക്ക് പണം ലഭിച്ചുവെങ്കിലും ഏറിയ പങ്കും ഈ സംസ്ഥാനങ്ങളിലാണെന്നും അദ്ദേഹം കൂട്ടിച്ചേര്‍ത്തു.

പി.എം. കിസാന്‍ പദ്ധതിപ്രകാരം ക്യഷിഭൂമിയുള്ള കര്‍ഷകര്‍ക്ക് പ്രതിവര്‍ഷം 6,000 രൂപ നല്‍കും. 2,000 വീതം മൂന്ന് ഗഡുക്കളായിട്ടാണ് പണം നല്‍കുക. കഴിഞ്ഞ മേയ് മാസം 19,000 കോടി രൂപയാണ് കേന്ദ്രം വിതരണം ചെയ്തത്. പദ്ധതിപ്രകാരം കേന്ദ്രസര്‍ക്കാര്‍ 1.15 ലക്ഷം കോടിയാണ് ഇതുവരെ വിതരണം ചെയ്തത്.

പി.എം. കിസാന്‍ പദ്ധതിപ്രകാരം അര്‍ഹരായ കര്‍ഷകരെ കണ്ടെത്തുന്ന ചുമതല സംസ്ഥാനങ്ങള്‍ക്കാണ്. 2019 ഫെബ്രുവരി 24-നാണ് പദ്ധതി കേന്ദ്ര സര്‍ക്കാര്‍ അവതരിപ്പിക്കുന്നത്. 2020-ല്‍ പി.എം. കിസാന്റെ പേരില്‍ അസമില്‍ നടന്ന തട്ടിപ്പില്‍ അന്വേഷണത്തിന് കേന്ദ്ര കൃഷിമന്ത്രി ഉത്തരവിട്ടു. ഇതുമൂലം തുകവിതരണം മുടങ്ങുകയും ചെയ്തു.

അസമില്‍ 554 കോടി തിരിച്ചുപിടിക്കാനുണ്ട്. യു.പിയില്‍ 258 കോടിയും ബിഹാറില്‍ 425 കോടിയുമാണ് തിരിച്ചുപിടിക്കാനുള്ളത്‌. പഞ്ചാബില്‍ 437 കോടി തിരികെ പിടിക്കാനുണ്ട്. രാജ്യത്ത്, പദ്ധതിപ്രകാരം ഏറ്റവും കൂടുതല്‍ തട്ടിപ്പ് നടന്നത് അസമിലാണ്. ഇവിടെ 8,35,268 അനര്‍ഹര്‍ക്ക് പണം ലഭിച്ചു.

രണ്ടാം സ്ഥാനത്ത് തമിഴ്‌നാടാണ്. ഇവിടെ 7,22,271 അനര്‍ഹര്‍ക്ക് പണം ലഭിച്ചു. ഛത്തീസ്ഢില്‍ 58,289 അനര്‍ഹര്‍ക്ക് പണം ലഭിച്ചപ്പോള്‍ പഞ്ചാബിലിത് 5,62,256 ആണ്. എല്ലാ സംസ്ഥാനങ്ങളിലും ക്രിമിനല്‍ നടപടി പ്രകാരം അനര്‍ഹര്‍ക്കെതിരെ നടപടിയെടുക്കാനും പണം തിരികെ പിടിക്കാനും ഉത്തരവിട്ടെന്ന് സൂചന.

കൃഷിയോഗ്യമായ ഭൂമിയുള്ള ഭര്‍ത്താവ്, ഭാര്യ, പ്രായപൂര്‍ത്തിയാകാത്ത കുട്ടികള്‍ എന്നിവരുള്‍പ്പെടുന്ന കാര്‍ഷിക കുടുംബത്തിനാണ് പദ്ധതിയുടെ ആനുകൂല്യം ലഭിക്കുക. കര്‍ഷകര്‍ അല്ലാത്തവരും ആദായനികുതി അടയ്ക്കുന്നവരും 10,000 രൂപ പ്രതിമാസം പെന്‍ഷന്‍ വാങ്ങുന്നവരും പദ്ധതിക്ക് അര്‍ഹരല്ല. ഗവണ്‍മെന്റ് ജോലിയോ സര്‍വ്വീസില്‍ നിന്നോ വിരമിച്ചവരും ഒഴിവാക്കിയ വിഭാഗത്തില്‍പെടുന്നു. പദ്ധതിപ്രകാരം 40 ലക്ഷം അര്‍ഹര്‍ക്ക് 2,900 കോടി ലഭിച്ചിട്ടുണ്ട്.

Content Highlights: 4 million ineligible got money through PM Kisan

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Nambi, Sasikumar

9 min

നമ്പി നാരായണൻ അപമാനിക്കുന്നത് ഐ.എസ്.ആർ.ഒയെ- ശശികുമാർ

Aug 10, 2022


swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022


higher secondary exam

1 min

ഗുജറാത്ത് കലാപം പാഠപുസ്തകത്തിൽ നിന്ന് ഒഴിവാക്കില്ല; കേന്ദ്രനിർദ്ദേശം കേരളത്തിൽ അതേപടി നടപ്പാക്കില്ല

Aug 10, 2022

Most Commented