പരിമിതമായ വന്ദേ ഭാരത വിമാനങ്ങളില്‍ അവസരം കിട്ടാത്തവര്‍ക്ക് ആശ്വാസമായി പ്രവാസ ലോകത്തെ സാമൂഹിക സംഘടനകള്‍ ഒരുക്കുന്ന ചാര്‍ട്ടേര്‍ഡ് വിമാനങ്ങളെ കൂടി ഇല്ലാതാക്കുന്നത് പ്രവാസികളെ കൊലക്ക് കൊടുക്കുന്നതിന് തുല്യമാണ്. 48 മണിക്കൂറിന് മുമ്പ് ടെസ്റ്റ് നടത്തി നെഗറ്റീവ് റിസല്‍റ്റ് കിട്ടിയാല്‍ തന്നെ ഒരാള്‍ക്ക് അതിന് ശേഷം കോവിഡ് ബാധിക്കില്ല എന്നതിന് എന്താണുറപ്പാണെന്ന് കൂടി സര്‍ക്കാര്‍ വ്യക്തമാക്കണം. നിലവിലുളള സാഹചര്യത്തില്‍ എവിടെ നിന്നും ഒരാള്‍ക്ക് രോഗം ബാധിക്കാം എന്നിരിക്കെ ചാര്‍ട്ടേര്‍ഡ് വിമാനത്തില്‍ വരുന്നവര്‍ക്ക് മാത്രം ഉണ്ടാക്കിയ ഈ നിയമം പ്രവാസികള്‍ നാട്ടിലേക്ക് വരേണ്ടതില്ല എന്ന് സര്‍ക്കാര്‍ പരോക്ഷമായി പറയുകയാണ്.
പ്രവാസികളെ കൂടുതല്‍ മാനസിക സമ്മര്‍ദ്ദത്തിലേക്ക് തള്ളിവിടുന്നതാണ് പുതിയ തീരുമാനം. നേരത്തെ തന്നെ പ്രവാസികള്‍ നാട്ടിലേക്ക് വരുന്നതിനെ തടയാന്‍ പല വഴിക്കും ശ്രമിച്ച് പരാജയപ്പെട്ട കേരള സര്‍ക്കാറിന്റെ പുതിയ നീക്കമാണിതെന്ന കാര്യത്തില്‍ യാതൊരു സംശയവുമില്ല. ഈ നിരുത്തരവാദപരമായ പ്രവാസി വിരുദ്ധ സമീപനത്തില്‍ നിന്നും സര്‍ക്കാര്‍ പിന്തിരിയണമെന്നും എല്ലാ പ്രവാസി സംഘടനകളും രാഷ്ട്രീയ സാമൂഹിക നേതൃത്വങ്ങളും ഇതിനെതിരെ പ്രതികരിക്കണമെന്നും സോഷ്യല്‍ വെല്‍ഫെയര്‍ അസോസിയേഷന്‍ പ്രസ്താവനയില്‍ ആവശ്യപ്പെട്ടു.
RELATED STORIES
IN CASE YOU MISSED IT
.jpg?$p=5fe1628&f=1x1&w=100&q=0.8)
.jpg?$p=246738b&f=1x1&w=100&q=0.8)
.jpeg?$p=ba13cf8&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..