പ്രതീകാത്മക ചിത്രം | PTI
ജിദ്ദ: സൗദി അറേബ്യയില്‍ റിപ്പോര്‍ട്ട് ചെയ്യുന്ന കോവിഡ് വ്യാപനം അതിരൂക്ഷമായി തുടരുന്നു. കഴിഞ്ഞ 24 മണിക്കൂറിനുള്ളില്‍ 1,251 പുതിയ കൊവിഡ് കേസുകളാണ് റിപ്പോര്‍ട്ട് ചെയ്തതെന്ന് സൗദി ആരോഗ്യ മന്ത്രാലയം അറിയിച്ചു.
വൈറസ് മൂലമുണ്ടായ സങ്കീര്‍ണതകള്‍ കാരണം കഴിഞ്ഞ 24 മണിക്കൂറിനുള്ളില്‍ 15 മരണങ്ങള്‍ കൂടി മന്ത്രാലയം റിപ്പോര്‍ട്ട് ചെയ്തു. ഇതോടെ സൗദിയില്‍ റിപ്പോര്‍ട്ട് ചെയ്ത ആകെ കോവിഡ് രോഗികളുടെ എണ്ണം 4,51,687 ആയി ഉയര്‍ന്നു. 7,377 മരണങ്ങളാണ് ഇതുവരെ സ്ഥിരീകരിച്ചത്.കഴിഞ്ഞ 24 മണിക്കൂറിനുള്ളില്‍ 1,026 പേര്‍ രോഗമുക്തരായിട്ടുണ്ട്. ആകെ രോഗമുക്തരുടെ എണ്ണം 434,439 ആയി.
മക്ക മേഖലയിലാണ് ഏറ്റവും കൂടുതല്‍ പുതിയ രോഗികള്‍ റിപ്പോര്‍ട്ട് ചെയ്തത്. 367 പേരിലാണ് മക്ക മേഖലയില്‍ രോഗം റിപ്പോര്‍ട്ട് ചെയ്തത്. റിയാദ് മേഖല 349, കിഴക്കന്‍ മേഖല 148, മദീന മേഖല 88 എന്നിങ്ങനെയാണ് സൗദിയിലെ വിവിധ ഇടങ്ങളില്‍ റിപ്പോര്‍ട്ട് ചെയ്ത കേസുകള്‍.
നിലവില്‍ വിവിധ ആശുപത്രികളില്‍ ചികിത്സയിലുള്ളത് 9,871 പേരാണ്. ഇതില്‍ 1,443 പേരുടെ നില ഗുരുതരാവസ്ഥയിലാണ് എന്നും സൗദി ആരോഗ്യ മന്ത്രാലയം അറിയിച്ചു.
RELATED STORIES
IN CASE YOU MISSED IT
%20(1).jpg?$p=bb281d8&f=1x1&w=100&q=0.8)
.jpg?$p=a80322e&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..