കഴിഞ്ഞ മാസം മദീനയിലെത്തിയത് ഒരുലക്ഷത്തിലധികം ഉംറ തീര്‍ഥാടകര്‍


ജാഫറലി പാലക്കോട്

.

റിയാദ്: ജൂലായ് 30ന് ഇസ്ലാമിക പുതുവര്‍ഷം ആരംഭിച്ചത് മുതല്‍ മദീനയിലെ പ്രിന്‍സ് മുഹമ്മദ് ബിന്‍ അബ്ദുല്‍ അസീസ് അന്താരാഷ്ട്ര വിമാനത്താവളത്തില്‍ ഒരു ലക്ഷത്തിലധികം ഉംറ തീര്‍ത്ഥാടകര്‍ എത്തിയതായി സൗദി പ്രസ് ഏജന്‍സി റിപ്പോര്‍ട്ട് ചെയ്തു.

ഓഗസ്റ്റ് 29 വരെ 1,01,109 തീര്‍ഥാടകര്‍ പുണ്യനഗരിയിലെത്തിയിട്ടുണ്ട്. 5,452 പേര്‍ ഞായറാഴ്ച മാത്രം മദീന വിമാനത്താവളത്തില്‍ എത്തി.
ജൂലായ് 30 മുതല്‍ വിമാനമാര്‍ഗം 2,68,529 തീര്‍ഥാടകരും കരമാര്‍ഗം 29,689 പേരും രാജ്യത്ത് എത്തിയതായി ഹജ്, ഉംറ മന്ത്രാലയം അറിയിച്ചു.

ജൂലായ് 30 മുതല്‍ ഇന്നുവരെ ഏറ്റവും കൂടുതല്‍ തീര്‍ത്ഥാടകര്‍ ഉംറക്കെത്തിയത് ഇന്തോനേഷ്യയില്‍നിന്നാണ്. 1,27,789 തീര്‍ത്ഥാടകര്‍ ഇന്തോനേഷ്യയില്‍നിന്നെത്തി ഉംറ നിര്‍വഹിച്ചു. പാകിസ്ഥാന്‍ 90,253 പേര്‍, ഇന്ത്യ 54,287 പേര്‍, ഇറാഖില്‍ നിന്ന് 36,457 പേര്‍, യെമനില്‍ നിന്ന് 22,224 പേര്‍, ജോര്‍ദാനില്‍ നിന്ന് 12,959 പേര്‍ എന്നിങ്ങനെയാണ് ഇന്തോനേഷ്യ കഴിഞ്ഞാല്‍ ഏറ്റവും കൂടുതല്‍ പേര്‍ ഉംറക്കെത്തിയത്.

മക്കയിലെ വിശുദ്ധ ഹറമിലെ ഉംറ തീര്‍ഥാടകര്‍ക്കും മദീനയിലെ പ്രവാചക മസ്ജിദിലെ സന്ദര്‍ശകര്‍ക്കും നല്‍കുന്ന സേവനങ്ങള്‍ കൂടുതല്‍ വിപുലീകരിക്കാന്‍ ഇരു ഹറം കാര്യാലയം വലിയ ശ്രമങ്ങളാണ് നടത്തിവരുന്നതെന്ന് സൗദി അറേബ്യയുടെ ഔദ്യോഗീക വാര്‍ത്താ ഏജന്‍സിയായ എസ്പിഎ പറഞ്ഞു.

Content Highlights: saudi arabia


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
rahul Gandhi

3 min

നടന്നു പോകുന്ന മനുഷ്യാ... നിങ്ങൾക്കൊപ്പമെത്താൻ ഇന്ത്യയ്ക്കാവുമെന്നു തോന്നുന്നില്ല

Sep 26, 2022


sreenath bhasi

1 min

അവതാരകയെ അപമാനിച്ച കേസ്; ശ്രീനാഥ് ഭാസിയെ ജാമ്യത്തില്‍വിട്ടു, കേസുമായി മുന്നോട്ടെന്ന് പരാതിക്കാരി

Sep 26, 2022


wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022

Most Commented