.
റിയാദ്: സൗദി ഹജജ്, ഉംറ മന്ത്രാലയം നിശ്ചയിച്ച ഹജജ് 2022 റിസര്‍വേഷന്‍ ഫീസ് അടയ്ക്കുന്നതിനുള്ള സമയപരിധി ഞായറാഴ്ച അവസാനിച്ചതായി മന്ത്രാലയം അറിയിച്ചു. ഈ വര്‍ഷം ഹജജ് നിര്‍വഹിക്കാനുള്ള ഇ-നറുക്കെടുപ്പില്‍ വിജയിച്ച ആഭ്യന്തര തീര്‍ഥാടകര്‍ അവരുടെ ബുക്കിംഗ് റദ്ദാക്കുന്നത് ഒഴിവാക്കാന്‍ ജൂണ്‍ 19 സമയപരിധിക്ക് മുമ്പ് റിസര്‍വേഷന്‍ ഫീസ് അടയ്ക്കണമെന്ന് മന്ത്രാലയം നേരത്തെ അഭ്യര്‍ത്ഥിച്ചിരുന്നു. പണം അടയ്ക്കാനുള്ള സമയപരിധി ഞായറാഴ്ച, രാത്രി 9 മണിയായിരുന്നു നിശ്ചയിച്ചിരുന്നത്. തുടര്‍ന്നുള്ള ദിവസങ്ങളില്‍ അധിക സീറ്റുകള്‍ ലഭ്യമാകുമ്പോള്‍ ആദ്യ ഇ-നറുക്കെടുപ്പില്‍ ഭാഗ്യം ലഭിക്കാത്ത ആഭ്യന്തര തീര്‍ഥാടകര്‍ക്ക് അടുത്ത ഇ-നറുക്കെടുപ്പില്‍ രണ്ടാം അവസരം ലഭിക്കുവാനായി കാത്തിരിക്കണമെന്ന് മന്ത്രാലയം അഭ്യര്‍ത്ഥിച്ചു.
അടുത്ത ഹജജ് നിര്‍വഹിക്കാന്‍ അപേക്ഷിച്ച തീര്‍ത്ഥാടകര്‍ ഹജജ് അനുമതി ലഭ്യമായിട്ടുണ്ടോ എന്ന് പരിശോധിക്കുകയും ഫീസടച്ച് രജിസ്ട്രേഷന്‍ പൂര്‍ത്തിയാക്കുവാനും സന്ദേശങ്ങളിലൂടെ മന്ത്രാലയം ബന്ധപ്പെട്ടവരോട് നേരത്തെ അഭ്യര്‍ത്ഥിച്ചിരുന്നു.
ഈ വര്‍ഷത്തെ ഹജജിനുള്ള ആദ്യ ഇ-ഡ്രോയില്‍ 2,97,444 സൗദി പൗരന്മാരും പ്രവാസികളുമാണ് രജിസ്റ്റര്‍ ചെയ്തത്. അപേക്ഷകരില്‍ 62 ശതമാനം പുരുഷന്മാരും 38 ശതമാനം സ്ത്രീകളും ഉള്‍പ്പെടുന്നു. ആഭ്യന്തര തീര്‍ഥാടകര്‍ക്കായുള്ള ഇഅ്തമാര്‍ന ആപ്പിലൂടെയും ഇ-പോര്‍ട്ടലിലൂടെയും പൂരിപ്പിച്ച അപേക്ഷകളുടെ ആകെ എണ്ണം 2,17,000 ല്‍ അധികമായിരുന്നുവെന്ന് മന്ത്രാലയം പത്രക്കുറിപ്പില്‍ അറിയിച്ചു. നറുക്കെടുപ്പില്‍ അവസരം ലഭിച്ചവര്‍ 48 മണിക്കൂറിനുള്ളില്‍ നിര്‍ദ്ദിഷ്ട പേയ്മെന്റ് സംവിധാനങ്ങള്‍ വഴി പണമടയ്ക്കുന്നതിന് സന്ദേശം കൈമാറുകയും ചെയ്തിരുന്നു.
Content Highlights: saudi arabia
RELATED STORIES
IN CASE YOU MISSED IT
.jpg?$p=8a7b7b1&f=1x1&w=100&q=0.8)
.jpg?$p=818dc93&q=0.8&f=16x11&w=104)
.jpg?$p=85b4690&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..