Photo: PTI
കുവൈറ്റ് സിറ്റി: രണ്ട് ഡോസ് കോവിഡ് വാക്‌സിന്‍ സ്വീകരിച്ച വിദേശ യാത്രക്കാര്‍ക്ക് ആര്‍.ടി.പി.സി.ആര്‍ പരിശോധനയും, നാട്ടില്‍ ഏഴു ദിവസ ക്വാറന്റീനും ആവശ്യമില്ലെന്ന കേന്ദ്ര സര്‍ക്കാറിന്റെ പുതുക്കിയ യാത്രാ നയത്തില്‍ ഉള്‍പ്പെട്ട രാജ്യങ്ങളുടെ പട്ടികയില്‍ കുവൈറ്റിനെ ഉള്‍പ്പെടുത്തിയ നടപടി സ്വാഗതം ചെയ്ത് ഫിറ കുവൈറ്റ്.
ഈ വിഷയത്തില്‍ കുവൈറ്റിലെ ഇന്ത്യന്‍ സംഘടനകളുടെ പൊതു കൂട്ടായ്മയായ ഫെഡറേഷന്‍ ഓഫ് ഇന്ത്യന്‍ രജിസ്‌ട്രേഡ് അസോസിയേഷന്‍സ് കുവൈറ്റ് കണ്‍വീനര്‍ ബാബു ഫ്രാന്‍സീസ്, കേന്ദ്ര ആരോഗ്യ കുടുംബ ക്ഷേമ വകുപ്പു മന്ത്രി ഡോ: മന്‍സൂഖ് മാണ്ഡവ്യ , വിദേശ കാര്യ വകുപ്പു മന്ത്രി ഡോ: ജയശങ്കര്‍, സഹമന്ത്രി വി.മുരളീധരന്‍ എന്നിവര്‍ക്ക് നേരത്തെ നിവേദനം നല്‍കിയിരുന്നു.
കേന്ദ്ര സര്‍ക്കാരിന്റെ പുതിയ തീരുമാനം വഴി കുവൈറ്റില്‍ നിന്ന് നാട്ടിലേക്ക് വരുന്ന പ്രവാസികള്‍ക്ക് യാത്രക്ക് മുമ്പ് ആവശ്യമായിരുന്ന ആര്‍.ടി.പി.സി.ആര്‍ ടെസ്റ്റ് ആവശ്യമില്ല. കേന്ദ്ര സര്‍ക്കാര്‍ നടപടിയെ കുവൈറ്റ് പ്രവാസി സമൂഹത്തിനു വേണ്ടി സ്വാഗതം ചെയ്യുന്നതായി ഫിറ കുവൈറ്റ് കണ്‍വീനര്‍ ബാബു ഫ്രാന്‍സീസ്, സെക്രട്ടറി ചാള്‍സ് പി ജോര്‍ജ് എന്നിവര്‍ പത്രക്കുറിപ്പില്‍ അറിയിച്ചു.
Content Highlights: RTPCR
Also Watch
RELATED STORIES
IN CASE YOU MISSED IT
.jpg?$p=8a7b7b1&f=1x1&w=100&q=0.8)
.jpg?$p=bdadd5b&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..