സംസ്‌കൃതി സിവി ശ്രീരാമൻ സാഹിത്യ പുരസ്‌കാര സമർപ്പണം.
ദോഹ: ഗള്‍ഫ് പ്രവാസികള്‍ക്കായി ഖത്തര്‍ സംസ്‌കൃതി സംഘടിപ്പിച്ച സംസ്‌കൃതി സി.വി ശ്രീരാമന്‍ സാഹിത്യ പുരസ്‌കാരം വെള്ളിയാഴ്ച്ച ഐസിസി അശോക ഹാളില്‍ നടന്ന ചടങ്ങളില്‍ സമ്മാനിച്ചു. ഈ വര്‍ഷത്തെ പുരസ്‌കാര ജേതാവ് യു.എ.ഇ പ്രവാസിയായ എഴുത്തുകാന്‍ സാദിഖ് കാവിലിനു കോവിഡ് സാഹചര്യം കാരണം ഖത്തറിലേക്ക് വരാന്‍ സാധിക്കാത്തതിനാല്‍ അദ്ദേഹത്തിന്റെ ഖത്തറിലുള്ള സുഹൃത്ത് ഉണ്ണി കുലുക്കല്ലൂര്‍ പുരസ്‌കാരം ഏറ്റുവാങ്ങി. 50,000 രൂപയും ഫലകവും അടങ്ങുന്ന പുരസ്‌കാരം ഐസിസി പ്രസിഡണ്ട് പി എന്‍ ബാബുരാജന്‍, സംസ്‌കൃതി ഭാരവാഹികള്‍, മുന്‍ ഭാരവാഹികള്‍ എന്നിവരുടെ സാന്നിധ്യത്തില്‍ സംസ്‌കൃതി പ്രസിഡണ്ട് അഹമ്മദ് കുട്ടി, ജനറല്‍ സെക്രട്ടറി എ.കെ ജലീല്‍ എന്നിവര്‍ ചേര്‍ന്ന് കൈമാറി.
വിവിധ ഗള്‍ഫ് രാജ്യങ്ങളില്‍ നിന്നായി 75 ചെറുകഥകളാണ് ഈ വര്‍ഷം പുരസ്‌കാര നിര്‍ണ്ണയത്തിന് പരിഗണിച്ചത്. ഇന്ത്യയില്‍ നിന്നും മറ്റു യൂറോപ്യന്‍ രാജ്യങ്ങളില്‍ നിന്നും പ്രവാസി എഴുത്തുകാര്‍ കഥകള്‍ അയച്ചിരുന്നു എങ്കിലും, നിലവില്‍ ഗള്‍ഫ് പ്രവാസികള്‍ക്ക് മാത്രമായി നടത്തുന്ന ഈ മത്സരത്തില്‍ പരിഗണിക്കാന്‍ സാധിക്കുമായിരുന്നില്ല. കൂടുതല്‍ പ്രവാസി എഴുത്തുകാര്‍ക്ക് പങ്കെടുക്കാവുന്ന തരത്തില്‍ കേരളത്തിനു പുറത്തുള്ള മുഴുവന്‍ പ്രവാസികളെയും ഉള്‍പ്പെടുത്തി സംസ്‌കൃതി സി.വി ശ്രീരാമന്‍ സാഹിത്യ പുരസ്‌കാരം വിപുലീകരിക്കുന്നതിനെ കുറിച്ച് ആലോചിക്കുമെന്ന് ജനറല്‍ സെക്രട്ടറി പറഞ്ഞു.
സംസ്‌കൃതി പ്രസിഡണ്ട് അധ്യക്ഷനായ പരിപാടിയില്‍ ജനറല്‍ സെക്രട്ടറി സ്വാഗതവും പുരസ്‌കാര സംഘാടക സമിതി കണ്‍വീനര്‍ ഇ എം സുധീര്‍, ഐസിസി പ്രസിഡണ്ട് പി എന്‍ ബാബുരാജന്‍ എന്നിവര്‍ സംസാരിച്ചു. പുരസ്‌കാര നിര്‍ണ്ണയ സമിതി അംഗമായ സാഹിത്യകാരനും നിരൂപകനുമായ ഇ പി രാജഗോപാലന്‍ കഥകള്‍ വിലയിരുത്തിയും, പുരസ്‌കാര ജേതാവ് സാദിഖ് കാവില്‍ മറുപടിപ്രസംഗവുമായും ഓണ്‍ലൈനായി ചടങ്ങില്‍ പങ്കെടുത്തു. സംസ്‌കൃതി സെക്രട്ടറി സുഹാസ് പാറക്കണ്ടി നന്ദിയും പറഞ്ഞു.
RELATED STORIES
.jpg?$p=74c14e2&f=1x1&w=100&q=0.8)
.jpg?$p=bca3a2d&f=1x1&w=100&q=0.8)
.jpg?$p=1578776&f=1x1&w=100&q=0.8)
IN CASE YOU MISSED IT
.jpg?$p=a9e40d0&f=1x1&w=100&q=0.8)
.jpg?$p=6e57a3f&f=1x1&w=100&q=0.8)
.jpg?$p=94807fb&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..