-
കുവൈത്ത് സിറ്റി: കോവിഡ് രോഗമല്ലാത്ത കാരണത്താല്‍ ഗള്‍ഫ് രാജ്യങ്ങളില്‍ മരണപ്പെട്ട പ്രവാസി ഇന്ത്യക്കാരുടെ മൃതദേഹങ്ങള്‍ നാട്ടിലെത്തിക്കണമെന്ന ആവശ്യവുമായി പ്രവാസി ലീഗല്‍ സെല്‍ കേന്ദ്ര അഭ്യന്തര മന്ത്രാലയത്തിന് നിവേദനം സമര്‍പ്പിച്ചു.
പുതിയ ഉത്തരവ് പ്രകാരം ഗള്‍ഫ് രാജ്യങ്ങളില്‍ നിന്നും മൃതദേഹങ്ങള്‍ നാട്ടിലേക്ക് കൊണ്ടുവരുന്നതിന് ഡല്‍ഹിയിലുള്ള ആഭ്യന്തര മന്ത്രാലയത്തിന്റെ എന്‍ഒസി വേണമെന്ന് ആവശ്യപ്പെടുന്നു. ഈ കാരണത്താല്‍ വിദേശത്തു നിന്നുള്ള മൃതദേഹങ്ങള്‍ നാട്ടിലേക്ക് അയക്കുന്നതിന് തടസ്സം തുടങ്ങിയത്.
ഈ സാഹചര്യങ്ങള്‍ കണക്കിലെടുത്താണ് പ്രവാസി ലീഗല്‍ സെല്‍ പ്രസിഡന്റ് അഡ്വ. ജോസ് എബ്രഹാം കേന്ദ്ര അഭ്യന്തര മന്ത്രാലയത്തിനും കേന്ദ്ര വ്യോമയാന മന്ത്രാലയത്തിനും വിദേശകാര്യാ മന്ത്രാലയത്തിനും നിവേദനം സമര്‍പ്പിച്ചത്. മാന്യമായ മൃതദേഹസംസ്‌കാരം ഇന്ത്യന്‍ ഭരണഘടനയുടെ 21-ാം വകുപ്പ് ഉറപ്പ് വരുത്തുന്ന മൗലിക അവകാശമാണെന്നും അതിനാല്‍ കോവിഡ് 19 രോഗകാരണങ്ങളില്ലാതെ മരണപ്പെട്ട പ്രവാസി ഇന്ത്യക്കാരുടെ മൃതദേഹം അടിയന്തരമായി നാട്ടിലെത്തിക്കുന്നതിന് ആവശ്യമായ നടപടികള്‍ സ്വീകരിക്കണമെന്ന് പ്രവാസി ലീഗല്‍ സെല്‍ നല്‍കിയ നിവേദനത്തില്‍ ആവശ്യപ്പെടുന്നു.
കുവൈറ്റില്‍ നിന്നുള്ള പ്രവാസി ഇന്ത്യക്കാരുടെ മൃതദേഹങ്ങള്‍ തടഞ്ഞു വച്ചിരിക്കുന്ന വിവരവും ഇതുകൂടാതെ യുഎഇ, സൗദി, ബഹ്റൈന്‍ തുടങ്ങിയ രാജ്യങ്ങളിലും സമാനമായി മൃതദേഹങ്ങള്‍ തടഞ്ഞുവച്ചിരിക്കുകയാണെന്നും നിവേദനത്തില്‍ പറയുന്നു. ഇന്ത്യന്‍ പ്രവാസികള്‍ക്ക് സ്വന്തം നാട്ടില്‍ നീതി ലഭിക്കുന്നതിനുള്ള നടപടികള്‍ തുടരുമെന്ന് പ്രവാസി ലീഗല്‍ സെല്‍ കുവൈറ്റ് കണ്‍ട്രി ഹെഡ് ബാബു ഫ്രാന്‍സീസും, ജനറല്‍ സെക്രട്ടറി, ബിജു സ്റ്റീഫനും അറിയിച്ചു.
Also Watch
RELATED STORIES
.jpg?$p=8c20c9b&f=1x1&w=100&q=0.8)
.jpg?$p=a80322e&f=1x1&w=100&q=0.8)
IN CASE YOU MISSED IT
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..