മനാമ: ബഹ്‌റൈന്‍ പ്രതിഭ ഗുദൈബിയ യൂണിറ്റിന്റെ ആഭിമുഖ്യത്തില്‍ നോര്‍ക്ക- പ്രവാസി ക്ഷേമനിധി പദ്ധതികളുടെ വിശദീകരണവും പ്രവാസികള്‍ അഭിമുഖീകരിക്കുന്ന തൊഴില്‍ പ്രശ്‌നങ്ങളുടെ സംശയ നിവാരണത്തിനുമായി യോഗം ചേരുന്നു. ജനുവരി 24 വെള്ളിയാഴ്ച വൈകുന്നേരം നാലുമണിക്ക് ഗുദൈബിയ ആസ്റ്റര്‍ ക്ലിനിക്കിന് സമീപമുള്ള അല്‍ മന്നായ് ഹാളില്‍ വെച്ചായിരിക്കും പരിപാടി സംഘടിപ്പിക്കുന്നതെന്ന് ഗുദൈബിയ യൂണിറ്റ് സെക്രട്ടറി ടി വി രാജേഷും പ്രസിഡണ്ട് വി രജീഷും അറിയിച്ചു.
പ്രസ്തുത പരിപാടിയില്‍ പ്രവാസി കമ്മീഷന്‍ അംഗവും ലോക കേരള സഭ അംഗവുമായ സുബൈര്‍ കണ്ണൂര്‍, പ്രവാസി ക്ഷേമനിധി ബോര്‍ഡ് ഡയറക്ടറും ലോക കേരള സഭ അംഗവുമായ ജോര്‍ജ് വര്‍ഗീസ് എന്നിവര്‍ നോര്‍ക്ക-ക്ഷേമനിധി പദ്ധതികളെപ്പറ്റി വിശദീകരിക്കും. ബഹ്‌റൈനിലെ നോര്‍ക്ക ലീഗല്‍ കണ്‍സള്‍ട്ടന്റ് ആയ അഡ്വക്കേറ്റ് ശ്രീജിത്ത് കൃഷ്ണന്‍ പ്രവാസികള്‍ അഭിമുഖീകരിക്കുന്ന തൊഴില്‍-വിസ നിയമ പ്രശ്‌നങ്ങളെപ്പറ്റി വിശദീകരിക്കും.
സദസ്യരുടെ ചോദ്യങ്ങള്‍ക്കും സംശയങ്ങള്‍ക്കും ബന്ധപ്പെട്ടവര്‍ മറുപടി നല്‍കുന്നതായിരിക്കും എന്ന് സംഘാടകര്‍ അറിയിച്ചു. പ്രവാസി ക്ഷേമനിധി അംഗത്വ രജിസ്‌ട്രേഷനും തദവസരത്തില്‍ ഉണ്ടായിരിക്കുന്നതാണ്. എല്ലാ പ്രവാസി മലയാളികളെയും ഈ പരിപാടിയിലേക്ക് സ്വാഗതം ചെയ്യുന്നു. അന്വേഷണങ്ങള്‍ക്ക് 37760202, 39475370 എന്നീ നമ്പരുകളില്‍ ബന്ധപ്പെടാവുന്നതാണ്.
Also Watch
RELATED STORIES
.jpg?$p=430c1f1&f=1x1&w=100&q=0.8)
IN CASE YOU MISSED IT
.jpg?$p=09e9aed&f=1x1&w=100&q=0.8)
.jpg?$p=cc29bd4&q=0.8&f=16x11&w=104)
.jpg?$p=c521eaf&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..