-
കുവൈത്ത് സിറ്റി: ഇന്ത്യയില്‍ പോയി മടങ്ങി വരാന്‍ കഴിയാതെ കുടുങ്ങിയവര്‍ക്ക് കുവൈത്തിലേക്ക് വരാന്‍ വഴി തെളിഞ്ഞു. ഓഗസ്റ്റ് 10 മുതല്‍ ഒക്ടോബര്‍ 24 വരെ താത്കാലിക വിമാന സര്‍വീസ് ആരംഭിക്കുന്നതിന് വ്യോമയാന മന്ത്രാലയങ്ങള്‍ തമ്മില്‍ ധാരണയിലെത്തി.
ഇന്ത്യന്‍ വ്യോമയാന മന്ത്രാലയം മുന്നോട്ട് വച്ച നിര്‍ദേശങ്ങള്‍ കുവൈത്ത് വ്യോമയാന മന്ത്രാലയം അംഗീകരിച്ചതോടെ താത്കാലിക വിമാന സര്‍വീസ് ആരംഭിക്കുന്നതിന് നീക്കങ്ങള്‍ ആരംഭിച്ചു.
ഇതനുസരിച്ചു ഇരു രാജ്യങ്ങളിലെയും വിമാന കമ്പനികള്‍ക്ക് പ്രതിദിനം 500 സീറ്റുകള്‍ വീതം അനുവദിക്കുന്നതാണ്. കുവൈത്ത് എയര്‍വേസിന് പ്രതിദിനം 300 സീറ്റുകളും ജെസ്സീറ എയര്‍ വേസിന് 200 സീറ്റുകളുമാണ് കുവൈത്ത് ഡിജിസിഎ അനുവദിച്ചിട്ടുള്ളത്. ഇന്ത്യയില്‍ കൊച്ചി, കണ്ണൂര്‍, കോഴിക്കോട്, തിരുവനന്തപുരം, ഡല്‍ഹി, മുംബൈ, ചെന്നൈ തുടങ്ങി 15 വിമാന താവളങ്ങളിലേക്കാണ് സര്‍വീസ് ഉണ്ടാവുക.
ഇതോടെ കുവൈത്തില്‍ താമസ വിസയുള്ള ഇന്ത്യക്കാര്‍ക്ക് കുവൈത്തിലേക്ക് മടങ്ങാന്‍ അവസരം ഒരുങ്ങുകയാണ്. വിമാന സര്‍വീസ് ഇല്ലാതായതോടെ നാട്ടില്‍ പോയി മടങ്ങി വരാന്‍ കഴിയാത്ത ആയിരകണക്കിന് മലയാളികള്‍ക്കാണ് വലിയ ആശ്വാസമാകുന്നത്.
Also Watch
RELATED STORIES
IN CASE YOU MISSED IT
.jpg?$p=79c0b37&f=1x1&w=100&q=0.8)
.jpg?$p=cc29bd4&q=0.8&f=16x11&w=104)
.jpg?$p=c521eaf&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..