പ്രകീകാത്മക ചിത്രം| Photo: AFP
കുവൈത്ത്‌സിറ്റി: ആറു മാസത്തിലേറെയായി കുവൈത്തിന് പുറത്ത് വിദേശ രാജ്യങ്ങളില്‍ കഴിയുന്ന ഗാര്‍ഹിക തൊഴിലാളികളുടെ താമസരേഖ റദ്ദാക്കുന്നു. ഗാര്‍ഹിക തൊഴിലാളികളുടെ താമസരേഖ അഥവാ ഇക്കാമ ഓട്ടോമാറ്റിക് സംവിധാനത്തില്‍ റദ്ദാക്കുന്നതിനാണ് തീരുമാനം.അതേസമയം ഗാര്‍ഹിക തൊഴിലാളികളുടെ സിവില്‍ ഐഡി കാര്‍ഡ് പുതിയ രൂപത്തില്‍ പുറത്തിറക്കി.
തിരിച്ചറിയല്‍ കാര്‍ഡിനൊപ്പം തൊഴിലാളിയുടെ സമ്പൂര്‍ണ്ണ വിവരം അടങ്ങുന്ന ചിപ്പു ഉള്‍പ്പെടുന്ന ആധുനിക സിവില്‍ ഐഡി കാര്‍ഡാണ് ഇനി മുതല്‍ ലഭിക്കുന്നത്. നിലവിലുള്ള സിവില്‍ ഐഡി കാര്‍ഡ് പുതുക്കുന്നതോടെ പുതിയ ആധുനിക കാര്‍ഡ് ലഭ്യമാകുക.
ആറുമാസത്തിലധികം കുവൈത്തിന് പുറത്തു കഴിയുന്ന ഗാര്‍ഹിക തൊഴിലാളികളുടെ ഇഖാമ സ്വമേധയാ റദ്ദാക്കാനുള്ള സംവിധാനമാണ് കുവൈത്ത് പുനഃസ്ഥാപിച്ചതു. 2021 ഡിസംബര്‍ ഒന്ന് മുതലാണ് ആറുമാസ കാലയളവ് കണക്കിലെടുത്തു താമസരേഖ റദ്ദക്കുന്നത്. കോവിഡ് സാഹചര്യത്തില്‍ ഏര്‍പ്പെടുത്തിയ ഇളവാണ് അധികൃതര്‍ ഇപ്പോള്‍ പിന്‍വലിക്കുന്നത്. കുവൈത്തിലേക്കുള്ള യാത്ര നിയന്ത്രണങ്ങള്‍ കാരണം ഗാര്‍ഹിക തൊഴിലാളികള്‍ക്ക് പ്രത്യേക ഇളവ് നല്‍കിയിരുന്നത്.
അതേസമയം ഗാര്‍ഹികത്തൊഴിലാളികള്‍ ഒഴികെയുള്ളവര്‍ക്ക് ആറുമാസത്തിലേറെ രാജ്യത്തിന് പുറത്തായാലും ഇഖാമ കാലാവധിയുണ്ടെങ്കില്‍ കുവൈത്തിലേക്ക് വരാവുന്നതാണ്. ഇക്കാര്യത്തില്‍ പുതിയ തീരുമാനങ്ങളൊന്നും അധികൃതര്‍ സ്വീകരിച്ചിട്ടില്ല .
Also Watch
RELATED STORIES
IN CASE YOU MISSED IT
.jpg?$p=2dd1c87&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..