മനാമ: സുഹൃത്തുക്കളുടെ ചതിയില്‍പെട്ട് കഴിഞ്ഞ 5 മാസമായി ജയിലിലായിരുന്ന കൊല്ലം കരിക്കോട് സ്വദേശി ബിജു ജോയ് നാട്ടിലേക്കു യാത്രയായി. നാട്ടില്‍ നിന്നും ബിജുവിന്റെ ഭാര്യ കൊല്ലം പ്രവാസി അസ്സോസിയേഷന്‍ ബഹ്റൈന് ഭാരവാഹികളെ ബന്ധപ്പെട്ടതിനനുസരിച്ച് ജയിലിലുള്ള ബിജുവുമായി ഭാരവാഹികള്‍ ബന്ധപ്പെട്ടു. തുടര്‍ന്നു നടപടിക്രമങ്ങള്‍ പൂര്‍ത്തീകരിച്ചു വന്ദേഭാരത് വഴിയുള്ള എയര്‍ഇന്‍ഡ്യ എക്‌സ്പ്രസ്സ് വിമാനത്തില്‍ തിരുവനന്തപുരത്തേക്കുള്ള ടിക്കറ്റും കൊല്ലം പ്രവാസി അസോസിയേഷന്‍ എടുത്തു നല്കി.
അടച്ചുറപ്പില്ലാത്ത പലകയടിച്ച വീട്ടിലാണ് രണ്ടുമക്കളും ഭാര്യയും കഴിയുന്നത്. സാമ്പത്തികമായി വളരെയധികം പ്രയാസത്തിലായിരുന്നു ബിജുവും കുടുംബവും. നാട്ടിലേക്കുള്ള ബിജുവിന്റെ മടങ്ങിവരവില്‍ ഭാര്യയും കുട്ടികളും ആശ്വാസത്തിലാണ്. തങ്ങളുടെ ഈ അവസ്ഥയില്‍ സഹായത്തിനായി മുന്നോട്ട് വന്ന കൊല്ലം പ്രവാസി അസ്സോസിയേഷനിലെ എല്ലാ അംഗത്തിനും അവര്‍ നന്ദി അറിയിച്ചു. തുടര്‍ന്നും പ്രവാസികളുടെ ഇത്തരം അവസ്ഥകളില്‍ പരമാവധി സഹായം ചെയ്യുമെന്നു ഭാരവാഹികള്‍ അറിയിച്ചു.
Also Watch
RELATED STORIES
IN CASE YOU MISSED IT
.png?$p=2bd0e28&f=1x1&w=100&q=0.8)
.png?$p=c0551d8&f=1x1&w=100&q=0.8)
.jpg?$p=2922c1a&f=1x1&w=100&q=0.8)
.jpg?$p=cc29bd4&q=0.8&f=16x11&w=104)
.jpg?$p=c521eaf&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..