.jpg?$p=d8cbf09&f=16x10&w=852&q=0.8)
.
റിയാദ്: കേളി കലാ സാംസ്‌കാരിക വേദിയുടെ ഉമ്മുല്‍ ഹമാം ഏരിയ അഞ്ചാം സമ്മേളനത്തോടനുബന്ധിച്ച് ക്രിക്കറ്റ് ടൂര്‍ണമെന്റ് സംഘടിപ്പിച്ചു. കേളിയുടെ പതിനൊന്നാം കേന്ദ്ര സമ്മേളനത്തിന്റെ മുന്നോടിയായാണ് വിവിധ ഏരിയ സമ്മേളനങ്ങള്‍ നടന്നു വരുന്നത്.
റിയാദ് എക്‌സിറ്റ് ആറിലെ ഗ്രൗണ്ടില്‍ നടന്ന ടൂര്‍ണമെന്റ് ഉമ്മുല്‍ ഹമാം ഏരിയ പ്രസിഡന്റ് ബിജുവും, ട്രഷറര്‍ നൗഫല്‍ സിദ്ദിഖും ചേര്‍ന്ന് ഉദ്ഘാടനം നിര്‍വഹിച്ചു. എട്ട് ടീമുകള്‍ പങ്കെടുത്ത ടൂര്‍ണമെന്റിന്റെ ആദ്യ സെമിയില്‍ ലെ മെറിഡിയന്‍സിനെ പരാജയപ്പെടുത്തി ബ്ലൂസ്റ്റാറും, രണ്ടാം സെമിയില്‍ ഖാന്‍ സിസിയെ പരാജയപ്പെടുത്തി ടീം മുറൂജ് ഇലവനും ഫൈനലില്‍ പ്രവേശിച്ചു. ഫൈനല്‍ മത്സരത്തില്‍ ടീം മുറൂജ് ഇലവന്‍ നാല് വിക്കറ്റിന് ബ്ലൂ സ്റ്റാറിനെ പരാജയപ്പെടുത്തി ജേതാക്കളായി. മത്സരത്തിലെ മാന്‍ ഓഫ് ദി മാച്ച് ആയി ടീം മുറൂജ് ഇലവന്‍ അംഗം ദിവേഷ് തിരഞ്ഞെടുക്കപ്പെട്ടു. മന്‍സൂര്‍, ബാസിത്, റബ്ബാനി, ഷീന്‍ എന്നിവര്‍ അമ്പയര്‍മാരായി കളി നിയന്ത്രിച്ചു.
സമാപന-സമ്മാന വിതരണ ചടങ്ങില്‍ ഏരിയ രക്ഷാധികാരി സമിതി അംഗം ചന്ദുചൂഢന്‍ അധ്യക്ഷത വഹിച്ചു. ഏരിയ രക്ഷാധികാരി സെക്രട്ടറി പി.പി ഷാജു, ഏരിയ പ്രസിഡന്റ് ബിജു, സംഘാടക സമിതി കണ്‍വീനര്‍ സുരേഷ്, ജോയിന്റ് കണ്‍വീനര്‍ മന്‍സൂര്‍, സംഘാടക സമിതി ചെയര്‍മാന്‍ കലാം, ഏരിയ കമ്മിറ്റി അംഗം അഷ്റഫ്, സംഘാടക സമിതി വൈസ് ചെയര്‍മാന്‍ അനില്‍, ഏരിയ ട്രഷറര്‍ നൗഫല്‍ സിദ്ദിഖ് എന്നിവര്‍ വിജയികള്‍ക്കും റണ്ണേഴ്സിനുമുള്ള ട്രോഫികളും വ്യക്തിഗത സമ്മാനങ്ങളും വിതരണം ചെയ്തു. അബ്ദുല്‍ ബാസ്സിത്, വിപീഷ് രാജന്‍, അബ്ദുസലാം, മുഹമ്മദ് റാഫി എന്നിവര്‍ ടൂര്‍ണ്ണമെന്റ് വിജയിപ്പിക്കുന്നതിന് നേതൃത്വം നല്‍കി.
Content Highlights: Keli, Riyadh, cricket tournament
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
Also Watch
RELATED STORIES
.jpg?$p=a80322e&f=1x1&w=100&q=0.8)
.jpg?$p=2922c1a&f=1x1&w=100&q=0.8)
IN CASE YOU MISSED IT
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..