കേളി 2021 കലണ്ടർ പ്രകാശനം അൽ കോബ്ലാൻ തെർമോ പൈപ്പ് പ്രതിനിധി ഹസ്സൻ അബ്ദുൽ ഹാദി നിർവ്വഹിക്കുന്നു
റിയാദ്: കേളി കലാസാംസ്‌കാരിക വേദിയുടെ 2021 ലെ കലണ്ടര്‍ പ്രകാശനം ബത്ഹയിലെ ഹോട്ടല്‍ അപ്പോളോ ഡിമോറയിലെ കേളി വാര്‍ഷികാഘോഷ സദസില്‍ വെച്ച് നടന്നു. കേളി ആക്റ്റിംഗ് പ്രസിഡന്റ് ചന്ദ്രന്‍ തെരുവത്തിന്റെ അധ്യക്ഷതയില്‍ ചേര്‍ന്ന ചടങ്ങില്‍, കലണ്ടറിന്റെ പ്രധാന പ്രയോജകരായ അല്‍ കോബ്ലാന്‍ തെര്‍മോ പൈപ്പ് റീജിയണല്‍ മാര്‍ക്കറ്റിംഗ് മാനേജര്‍, എന്‍ജിനീയര്‍ ഹസ്സന്‍ അബ്ദുല്‍ ഹാദിയാണ് കലണ്ടര്‍ പ്രകാശനം ചെയ്തത്. 2021 ലെ കലണ്ടറിന്റെ മുഖ്യ പ്രായോജകര്‍ അല്‍ കോബ്ലാനും സഹപ്രായോജകര്‍ അല്‍ മാതേഷ് എസ്റ്റാബ്ലിഷ്മെന്റുമാണ്.
കേളി വൈസ് പ്രസിഡണ്ട് പ്രഭാകരന്‍ കണ്ടോന്താര്‍ ആമുഖ പ്രഭാഷണം നടത്തിയ കലണ്ടര്‍ പ്രകാശന ചടങ്ങില്‍ സെക്രട്ടറി ഷൗക്കത്ത് നിലമ്പൂര്‍ സ്വാഗതം പറഞ്ഞു. കേളി രക്ഷാധികാരി സമിതി അംഗം ഗീവര്‍ഗ്ഗീസ്, ജോയിന്റ് സെക്രട്ടറി സുരേഷ് കണ്ണപുരം എന്നിവര്‍ ആശംസകള്‍ നേര്‍ന്ന് സംസാരിച്ചു. സഹ പ്രായോജകരായ അല്‍ മാതേഷ് എസ്റ്റാബ്ലിഷ്മെന്റ് പ്രതിനിധി പ്രസാദ് വഞ്ചിപ്പുര, 'കേളിദിനം 2021' മുഖ്യ പ്രയോജകരായ ഫ്യുച്ചര്‍ എജുക്കേഷന്‍ പ്രതിനിധി സിദ്ദിഖ് അഹമ്മദ്, കേളി രക്ഷാധികാരി കണ്‍വീനര്‍ കെ.പി.എം.സാദിഖ്, രക്ഷാധികാരി സമിതി അംഗം സതീഷ് കുമാര്‍ എന്നിവര്‍ ചടങ്ങില്‍ സന്നിഹിതരായിരുന്നു.
2012 മുതല്‍ കേളി തുടര്‍ച്ചയായി കലണ്ടര്‍ പ്രസിദ്ധീകരിച്ചു വരുന്നുണ്ട്. ഇടതുപക്ഷ ജനാധിപത്യ മുന്നണി സര്‍ക്കാരിന്റെ നേട്ടങ്ങള്‍ വരച്ചു കാട്ടുന്ന പ്രമേയവുമായാണ് ഇത്തവണത്തെ കലണ്ടര്‍ രൂപകല്‍പ്പന ചെയ്തിരിക്കുന്നത്. കേളി ജോയിന്റ് സെക്രട്ടറി സുരേഷ് കണ്ണപുരത്തിന്റെ നേതൃത്വത്തില്‍ സൈബര്‍ വിങ് കണ്‍വീനര്‍ സിജിന്‍ കൂവള്ളൂരാണ് കലണ്ടറിന്റെ രൂപകല്‍പ്പന നിര്‍വ്വഹിച്ചത്. കേളി അംഗങ്ങള്‍ക്കും അഭ്യുദയകാംക്ഷികള്‍ക്കും വേണ്ടി തയ്യാറാക്കുന്ന കലണ്ടര്‍ തികച്ചും സൗജന്യമായാണ് വിതരണം ചെയ്യുന്നത്.
Contnt Highlights: Keli has released 2021 calendar
Also Watch
RELATED STORIES
.jpg?$p=1990e2a&f=1x1&w=100&q=0.8)
.jpg?$p=298ab5c&f=1x1&w=100&q=0.8)
IN CASE YOU MISSED IT
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..