.
റിയാദ്: കേളി കലാസാംസ്‌കാരിക വേദിയുടെ പതിനൊന്നാമത് കേന്ദ്രസമ്മേളനത്തിന്റെ ഭാഗമായി അല്‍ഖര്‍ജ് ഏരിയയിലെ മലഫ് യൂണിറ്റ്, ബത്ഹ ഏരിയയിലെ മര്‍ഗബ് യൂണിറ്റ് സമ്മേളനങ്ങള്‍ നടന്നു. ഓഗസ്റ്റ് മാസം നടക്കുന്ന കേന്ദ്ര സമ്മേളനത്തിന്ന് മുന്നോടിയായി ജനുവരി മുതല്‍ ഏപ്രില്‍ മാസം വരെ യൂണിറ്റ് സമ്മേളനങ്ങളും, മെയ് മുതല്‍ ജൂലൈ വരെ ഏരിയ സമ്മേളനങ്ങളും നടക്കും.
സി.കെ.രാജു നഗറില്‍ നടന്ന മലഫ് യൂണിറ്റ് സമ്മേളനം ഏരിയ ആക്ടിങ് സെക്രട്ടറി ഷബി അബ്ദുല്‍ സലാം ഉദ്ഘാടനം ചെയ്തു. മൊയ്തീന്‍ സ്വാഗതവും, സാദിഖ് അധ്യക്ഷതയും വഹിച്ചു. യൂണിറ്റ് ആക്ടിംഗ് സെക്രട്ടറി ആഷിഖ് ബഷീര്‍ പ്രവര്‍ത്തന റിപ്പോര്‍ട്ടും, ട്രഷറര്‍ അബ്ദുല്‍ അലി വരവ്-ചെലവു കണക്കും, കേളി കേന്ദ്ര കമ്മിറ്റി അംഗവും റൗദ രക്ഷാധികാരി കണ്‍വീനറുമായ ജോഷി പെരിഞ്ഞനം സംഘടനാ റിപ്പോര്‍ട്ടും അവതരിപ്പിച്ചു. കേളി കേന്ദ്ര കമ്മിറ്റിയംഗം സെന്‍ ആന്റണി, യൂണിറ്റ് ആക്ടിങ് സെക്രട്ടറി ആഷിഖ് ബഷീര്‍ എന്നിവര്‍ ചര്‍ച്ചകള്‍ക്ക് മറുപടി പറഞ്ഞു. ഷിഹാബ് രക്തസാക്ഷി പ്രമേയവും, ബഷീര്‍ അനുശോചന പ്രമേയവും അവതരിപ്പിച്ചു. ഷുക്കൂര്‍, ഏരിയ രക്ഷാധികാരി കണ്‍വീനര്‍ പ്രദീപ് കൊട്ടാരത്തില്‍, ഏരിയപ്രസിഡന്റ് സുബ്രഹ്‌മണ്യന്‍, ഏരിയ രക്ഷാധികാരി അംഗം ബാലു വേങ്ങേരി, മണികണ്ഠന്‍, ഏരിയ കമ്മിറ്റി അംഗം ഗോപാലന്‍ എന്നിവര്‍ സമ്മേളനത്തെ അഭിവാദ്യം ചെയ്തു സംസാരിച്ചു. പ്രസിഡന്റ് സാദിഖ്, സെക്രട്ടറി ഷുക്കൂര്‍, ട്രഷറര്‍ ഷിഹാബ് എന്നിവരെ പുതിയ ഭാരവാഹികളായി സമ്മേളനം തിരഞ്ഞെടുത്തു. ഷുക്കൂര്‍ സമ്മേളനത്തിന് നന്ദി പറഞ്ഞു.
രക്തസാക്ഷി സന്ദീപ് നഗറില്‍ നടന്ന മര്‍ഗബ് യൂണിറ്റ് സമ്മേളനം ബത്ഹ ഏരിയ രക്ഷാധികാരി കമ്മറ്റി അംഗം പി.എസ്.എ.റഹ്‌മാന്‍ ഉദ്ഘാടനം ചെയ്തു. വിജയകുമാര്‍ സ്വാഗതവും, യൂണിറ്റ് പ്രസിഡന്റ് ഗോപിനാഥ് അധ്യക്ഷതയും വഹിച്ചു. യൂണിറ്റ് സെക്രട്ടറി ബിജു ഉള്ളാട്ടില്‍ പ്രവര്‍ത്തന റിപ്പോര്‍ട്ടും ട്രഷറര്‍ രാജേഷ് ചാലിയാര്‍ വരവ് ചെലവ് കണക്കും, കേളി കേന്ദ്രകമ്മറ്റി അംഗം സെന്‍ ആന്റണി സംഘടനാ റിപ്പോര്‍ട്ടും അവതരിപ്പിച്ചു. ബിജു ഉള്ളാട്ടില്‍, കേളി ആക്ടിങ് സെക്രട്ടറി ടി ആര്‍ സുബ്രമണ്യന്‍ എന്നിവര്‍ ചര്‍ച്ചകള്‍ക്ക് മറുപടി പറഞ്ഞു. പ്രശാന്ത്, ഏരിയ രക്ഷാധികാരി കമ്മിറ്റി കണ്‍വീനര്‍ രജീഷ് പിണറായി, ഏരിയ സെക്രട്ടറി പ്രഭാകരന്‍, ഏരിയ പ്രസിഡന്റ് രാമകൃഷ്ണന്‍, ഏരിയ വൈ:പ്രസിഡന്റ് കെ.പി കൃഷ്ണന്‍, ഏരിയ കമ്മറ്റി അംഗം ഉമ്മര്‍, വിനോദ്, ബിജു തായമ്പത്ത് എന്നിവര്‍ സമ്മേളനത്തെ അഭിവാദ്യം ചെയ്തു സംസാരിച്ചു. സിജിന്‍ കൂവള്ളൂര്‍ രക്തസാക്ഷി പ്രമേയവും വിശ്വനാഥന്‍ അനുശോചന പ്രമേയവും അവതരിപ്പിച്ചു. നവാസ്, ഉണ്ണികൃഷ്ണന്‍ എന്നിവര്‍ വിവിധ രാഷ്ട്രീയ പ്രമേയങ്ങള്‍ അവതരിപ്പിച്ചു. പ്രസിഡന്റ് വിശ്വനാഥന്‍, സെക്രട്ടറി ബിജു ഉള്ളാട്ടില്‍, ട്രഷറര്‍ ഗോപിനാഥ് എന്നിവരെ പുതിയ ഭാരവാഹികളായി സമ്മേളനം തിരഞ്ഞെടുത്തു. ബിജു ഉള്ളാട്ടില്‍ സമ്മേളനത്തിന് നന്ദി പറഞ്ഞു.
Content Highlights: keli
Also Watch
RELATED STORIES
.jpg?$p=2922c1a&f=1x1&w=100&q=0.8)
.jpg?$p=1990e2a&f=1x1&w=100&q=0.8)
IN CASE YOU MISSED IT
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..