05 March 2022, 04:15 PM IST

1 min read

Read later

റിയാദ്: കേളി കലാസാംസ്‌കാരിക വേദിയുടെ പതിനൊന്നാമത് കേന്ദ്രസമ്മേളനത്തിന്റെ ഭാഗമായി ബദിയ ഏരിയയിലെ വാദിലബന്‍ യൂണിറ്റ് സമ്മേളനം കോവിഡ് മാനദണ്ഡങ്ങള്‍ പ്രകാരം നടന്നു. ഓഗസ്റ്റ് മാസം നടക്കുന്ന കേന്ദ്ര സമ്മേളനത്തിന് മുന്നോടിയായി ജനുവരി മുതല്‍ ഏപ്രില്‍ മാസം വരെ യൂണിറ്റ് സമ്മേളനങ്ങളും, മെയ് മുതല്‍ ജൂലൈ വരെ ഏരിയ സമ്മേളനങ്ങളും നടക്കും.

മുഹമ്മദ് ഷാന്‍ നഗറില്‍ നടന്ന യൂണിറ്റ് സമ്മേളനത്തില്‍ ഷാജി സ്വാഗതവും, യൂണിറ്റ് പ്രസിഡന്റ് ബാലന്‍ അധ്യക്ഷതയും വഹിച്ചു. ഏരിയ കമ്മിറ്റി അംഗം ജയന്‍ സമ്മേളനം ഉദ്ഘാടനം ചെയ്തു. യൂണിറ്റ് സെക്രട്ടറി പ്രസാദ് വഞ്ചിപുര പ്രവര്‍ത്തന, വരവ്-ചെലവ് റിപ്പോര്‍ട്ടും, കേളി കേന്ദ്ര കമ്മറ്റി അംഗം മധു എടപ്പുറത്ത് സംഘടനാ റിപ്പോര്‍ട്ടും അവതരിപ്പിച്ചു. കേളി പ്രസിഡന്റ് ചന്ദ്രന്‍ തെരുവത്ത്, യൂണിറ്റ് സെക്രട്ടറി പ്രസാദ് വഞ്ചിപുര എന്നിവര്‍ ചര്‍ച്ചകള്‍ക്കുള്ള മറുപടി പറഞ്ഞു. ശ്രീധരന്‍ രക്തസാക്ഷി പ്രമേയവും, ഷമീര്‍ അനുശോചന പ്രമേയവും, ഇന്ത്യയില്‍ സെക്കുലറിസം നിലനിര്‍ത്തുക എന്ന പ്രമേയം ഷാജി അന്‍സിലും അവതരിപ്പിച്ചു.

ഏരിയ കമ്മിറ്റി അംഗങ്ങളായ മുസ്തഫ, ജയന്‍, സത്യവാന്‍, അഫ്‌സല്‍ നിസാര്‍, സരസന്‍, പ്രസാദ്, മേഖല രക്ഷാധികാരി അംഗം റഫീഖ് പാലത്ത്, കേന്ദ്ര കമ്മറ്റി അംഗം പ്രദീപ് ആറ്റിങ്ങല്‍, അഷ്റഫ് എന്നിവര്‍ സമ്മേളനത്തെ അഭിവാദ്യം ചെയ്തു സംസാരിച്ചു. പ്രസിഡന്റ് ഷമീര്‍, വൈസ് പ്രസിഡന്റ് സിദ്ദിഖ്, സെക്രട്ടറി അഷറഫ്, ജോയിന്റ് സെക്രട്ടറി മുഹമ്മദ് അബ്ദുല്‍ സലിം, ട്രഷറര്‍ ബാലന്‍ എന്നിവരെ യൂണിറ്റിന്റെ പുതിയ ഭാരവാഹികളായും, പ്രസാദ് വഞ്ചിപ്പുര, ഷാജി അന്‍സില്‍ എന്നിവരെ യൂണിറ്റ് എക്‌സിക്യു്ട്ടീവ് അംഗങ്ങളായും സമ്മേളനം തെരഞ്ഞെടുത്തു. യൂണിറ്റിന്റെ പുതിയ സെക്രട്ടറി അഷ്‌റഫ് സമ്മേളനത്തിന് നന്ദി പറഞ്ഞു.

കേളി ബദിയ ഏരിയ വാദിലബന്‍ യൂണിറ്റിന്റെ പുതിയ ഭാരവാഹികള്‍