കേളി സനയ്യ അറബയിൻ ബ്രിഡ്ജ് യൂണിറ്റിന്റെ പുതിയ ഭാരവാഹികൾ
റിയാദ് : കേളി കലാസാംസ്‌കാരിക വേദിയുടെ പതിനൊന്നാമത് കേന്ദ്രസമ്മേളനത്തിന്റെ ഭാഗമായി സനയ്യ അറബയിന്‍ ഏരിയയിലെ ബ്രിഡ്ജ് യൂണിറ്റ് സമ്മേളനം കോവിഡ് മാനദണ്ഡങ്ങള്‍ പാലിച്ചു കൊണ്ട് നടന്നു. ഓഗസ്റ്റില്‍ നടക്കുന്ന കേന്ദ്ര സമ്മേളനത്തിന് മുന്നോടിയായി ജനുവരി മുതല്‍ ഏപ്രില്‍ മാസം വരെ യൂണിറ്റ് സമ്മേളനങ്ങളും, മെയ് മുതല്‍ ജൂലൈ വരെ ഏരിയ സമ്മേളനങ്ങളും നടക്കും.
രക്തസാക്ഷി ധീരജ് നഗറില്‍ നടന്ന യൂണിറ്റ് സമ്മേളനത്തില്‍ യൂണിറ്റ് കമ്മറ്റി അംഗം മൊയ്തീന്‍കുട്ടി സ്വാഗതവും, യൂണിറ്റ് പ്രസിഡന്റ് ഗഫൂര്‍ അധ്യക്ഷതയും വഹിച്ചു. സനയ്യ അറബയിന്‍ ഏരിയ കമ്മിറ്റി അംഗം മെഹ്റൂഫ് സമ്മേളനം ഉദ്ഘാടനം ചെയ്തു. യൂണിറ്റ് സെക്രട്ടറി അബ്ദുള്‍ നാസര്‍ പ്രവര്‍ത്തന റിപ്പോര്‍ട്ടും, ട്രഷറര്‍ സഫറുള്ള വരവ്-ചെലവും, കേളി കേന്ദ്ര കമ്മറ്റി അംഗം പ്രദീപ് ആറ്റിങ്ങല്‍ സംഘടനാ റിപ്പോര്‍ട്ടും അവതരിപ്പിച്ചു. കേളി സെക്രട്ടറിയേറ്റ് അംഗം ഷമീര്‍ കുന്നുമ്മല്‍, യൂണിറ്റ് സെക്രട്ടറി അബ്ദുള്‍ നാസര്‍ എന്നിവര്‍ ചര്‍ച്ചക്കുള്ള മറുപടി പറഞ്ഞു.
കേളി വൈസ് പ്രസിഡന്റ് പ്രഭാകരന്‍ കണ്ടോന്താര്‍, ഏരിയ രക്ഷാധികാരി സെക്രട്ടറി സുകേഷ്‌കുമാര്‍, ഏരിയാ രക്ഷാധികാരി സമിതി അംഗങ്ങളായ വിജയകുമാര്‍, സുരേന്ദ്രന്‍, ഏരിയ സെക്രട്ടറി അബ്ദുള്‍ ഗഫൂര്‍, പ്രസിഡന്റ് അജിത്, ഏരിയ കമ്മറ്റി അംഗങ്ങളായ രാജന്‍ പി.കെ, വിജയന്‍. ബി, ഷാജി കുമാര്‍, എന്നിവര്‍ സമ്മേളനത്തെ അഭിവാദ്യം ചെയ്തു സംസാരിച്ചു. സത്താര്‍, ഷാജഹാന്‍, ഇര്‍ഫാന്‍, ജ്യോതി എന്നിവര്‍ വിവിധ പ്രമേയങ്ങള്‍ അവതരിപ്പിച്ചു. പ്രസിഡന്റ് ജ്യോതി, വൈസ് പ്രസിഡന്റ് ഷാജി കുമാര്‍, സെക്രട്ടറി അബ്ദുള്‍ നാസര്‍, ജോയിന്റ് സെക്രട്ടറി ആര്‍.സാബു, ട്രഷറര്‍ ഗഫൂര്‍ പി.കെ, ജോയിന്റ് ട്രഷറര്‍ ഷാജഹാന്‍, കമ്മറ്റി അംഗം അബ്ദുല്‍ സത്താര്‍ എന്നിവരെ പുതിയ ഭാരവാഹികളായി സമ്മേളനം തെരഞ്ഞെടുത്തു. യൂണിറ്റിന്റെ പുതിയ സെക്രട്ടറി അബ്ദുള്‍ നാസര്‍ സമ്മേളനത്തിന് നന്ദി പറഞ്ഞു.
Content Highlights: keli
Also Watch
RELATED STORIES
.jpg?$p=1990e2a&f=1x1&w=100&q=0.8)
.jpg?$p=298ab5c&f=1x1&w=100&q=0.8)
IN CASE YOU MISSED IT
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..