കേളി സുർത്ത തവാരി യൂണിറ്റിന്റെ പുതിയ ഭാരവാഹികൾ
റിയാദ് : കേളി കലാസാംസ്‌കാരിക വേദിയുടെ 13-ാമത് കേന്ദ്രസമ്മേളനത്തിന്റെ ഭാഗമായി സുലൈ ഏരിയയിലെ സുര്‍ത്ത തവാരി യൂണിറ്റ് സമ്മേളനം കോവിഡ് മാനദണ്ഡങ്ങള്‍ പാലിച്ചു കൊണ്ട് നടന്നു. ആഗസ്റ്റ് മാസം നടക്കുന്ന കേന്ദ്ര സമ്മേളനത്തിന് മുന്നോടിയായി ജനുവരി മുതല്‍ ഏപ്രില്‍ മാസം വരെ യൂണിറ്റ് സമ്മേളനങ്ങളും, മെയ് മുതല്‍ ജൂലൈ വരെ ഏരിയ സമ്മേളനങ്ങളും നടക്കും.
രക്തസാക്ഷി സനൂപ് നഗറില്‍ നടന്ന യൂണിറ്റ് സമ്മേളനത്തില്‍ യൂണിറ്റ് കമ്മറ്റി അംഗം ആരിഫ് വൈശ്യം വീട്ടില്‍ സ്വാഗതവും, യൂണിറ്റ് പ്രസിഡന്റ് ഉദയ ഭാസ്‌കരന്‍ അധ്യക്ഷതയും വഹിച്ചു. സുലൈ ഏരിയ രക്ഷാധികാരി സമിതി അംഗം ബാലകൃഷ്ണന്‍ സമ്മേളനം ഉദ്ഘാടനം ചെയ്തു. യൂണിറ്റ് സെക്രട്ടറി ഹാഷിം പ്രവര്‍ത്തന റിപ്പോര്‍ട്ടും, ട്രഷറര്‍ റിജേഷ് രയരോത്ത് വരവ്-ചെലവും, കേളി ട്രഷറര്‍ സെബിന്‍ ഇക്ബാല്‍ സംഘടനാ റിപ്പോര്‍ട്ടും അവതരിപ്പിച്ചു. കേളി സെക്രട്ടറിയേറ്റ് അംഗം ഷമീര്‍ കുന്നുമ്മല്‍, ഹാഷിം എന്നിവര്‍ ചര്‍ച്ചക്കുള്ള മറുപടി പറഞ്ഞു.
സുലൈ ഏരിയ സെക്രട്ടറി കാഹിം ചേളാരി, ഏരിയ രക്ഷാധികാരി സമിതി അംഗങ്ങളായ അനിരുദ്ധന്‍, കൃഷ്ണന്‍ കുട്ടി, ഏരിയാ കമ്മറ്റി അംഗങ്ങളായ ഗോപിനാഥ്, അര്‍ഷിദ്, ഇസ്മായില്‍ എന്നിവര്‍ സമ്മേളനത്തെ അഭിവാദ്യം ചെയ്തു സംസാരിച്ചു. അര്‍ഷിദ്, ഉമേഷ്, ഉണ്ണികൃഷ്ണന്‍, ആരിഫ് എന്നിവര്‍ വിവിധ പ്രമേയങ്ങള്‍ അവതരിപ്പിച്ചു. പ്രസിഡന്റ് ഉദയ ഭാസ്‌കര്‍, വൈസ് പ്രസിഡന്റ് ഉമേഷ്, സെക്രട്ടറി ഹാഷിം.എ, ജോയിന്റ് സെക്രട്ടറി സത്യപ്രമോദ്, ട്രഷറര്‍ റിജേഷ്, ജോയന്റ് ട്രഷറര്‍ ജയമോന്‍, കമ്മറ്റി അംഗങ്ങളായി ആരിഫ്.വി.വി, ഷമീര്‍ ഖാന്‍.ജെ എന്നിവരെ പുതിയ ഭാരവാഹികളായി സമ്മേളനം തെരഞ്ഞെടുത്തു. യൂണിറ്റിന്റെ പുതിയ സെക്രട്ടറി ഹാഷിം സമ്മേളനത്തിന് നന്ദി പറഞ്ഞു.
Content Highlights: keli
Also Watch
RELATED STORIES
.jpg?$p=1990e2a&f=1x1&w=100&q=0.8)
.jpg?$p=298ab5c&f=1x1&w=100&q=0.8)
IN CASE YOU MISSED IT
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..