എസ്.പി.ബാലസുബ്രഹ്മണ്യം | ഫോട്ടോ: വി. രമേഷ് മാതൃഭൂമി
കുവൈത്ത് സിറ്റി: പ്രശസ്ത ചലച്ചിത്ര പിന്നണി ഗായകനും തികഞ്ഞ മനുഷ്യ സ്‌നേഹിയുമായിരുന്ന എസ്.പി ബാലസുബ്രഹ്മണ്യത്തിന്റെ നിര്യാണത്തില്‍ കേരള ആര്‍ട്ട് ലവേഴ്‌സ് അസോസിയേഷന്‍, കല കുവൈത്ത് അനുശോചനം രേഖപ്പെടുത്തി.
ഗായകന്‍, സംഗീത സംവിധായകന്‍, നടന്‍, ഡബ്ബിംഗ് ആര്‍ട്ടിസ്റ്റ് എന്നീ നിലകളില്‍ ബഹുമുഖ പ്രതിഭയാണ് എസ്.പി.ബി. അരനൂറ്റാണ്ടിലേറെ നീണ്ട സംഗീത ജീവിതത്തില്‍ പതിനാറ് ഭാഷകളിലായി 40,000ത്തിലധികം ഗാനങ്ങള്‍ പാടിയ എസ്.പി.ബി നിരവധി റെക്കോര്‍ഡുകളും സ്വന്തമാക്കി. ഏറ്റവും കൂടുതല്‍ ഗാനങ്ങള്‍ റെക്കോര്‍ഡ് ചെയ്ത പിന്നണി ഗായകനെന്ന ഗിന്നസ് റെക്കോര്‍ഡാണു അതില്‍ പ്രധാനം. മലയാള ചലച്ചിത്ര പിന്നണി ഗാനരംഗത്തും നിരവധി ഗാനങ്ങള്‍ ആലപിച്ച അദ്ദേഹം മലയാളികളുടെയും പ്രിയങ്കരനായ ഗായകനായിരുന്നു. 6 തവണ ദേശീയ പുരസ്‌കാരം അദ്ദേഹത്തെ തേടിയെത്തിയിട്ടുണ്ട്. 2011 ല്‍ രാജ്യം പത്മഭൂഷണ്‍ നല്‍കി ആദരിച്ചു. കലാരംഗത്ത് ഇനിയുമൊട്ടേറെ സംഭാവനകള്‍ അദ്ദേഹത്തിനു നല്‍കാനുണ്ടായിരുന്നു. അദ്ദേഹത്തിന്റെ വിയോഗത്തില്‍ സുഹൃത്തുക്കളുടെയും ബന്ധുമിത്രാദികളുടെയും സഹപ്രവര്‍ത്തകരുടെയൊപ്പം വേദനയില്‍ പങ്കുചേരുന്നുവെന്ന് കല കുവൈറ്റ് പ്രസിഡണ്ട് ജ്യോതിഷ് ചെറിയാന്‍, ജനറല്‍ സെക്രട്ടറി സി.കെ നൗഷാദ് എന്നിവര്‍ അനുശോചന സന്ദേശത്തിലൂടെ പറഞ്ഞു.
Also Watch
RELATED STORIES
IN CASE YOU MISSED IT
.jpg?$p=e1effa9&f=1x1&w=100&q=0.8)
.jpg?$p=cc29bd4&q=0.8&f=16x11&w=104)
.jpg?$p=c521eaf&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..