ഗാന്ധി ജയന്തി ദിനത്തില്‍ അനുസ്മരണ പരിപാടി സംഘടിപ്പിച്ച് ഐ.വൈ.സി.സി


അനുസ്മരണ പരിപാടിയിൽ നിന്ന്‌

മനാമ: രാഷ്ട്രപിതാവ് മഹാത്മാഗാന്ധിയുടെ ജന്‍മദിന ആഘോഷ ഭാഗമായി ഐ വൈ സി സി അനുസ്മരണ പരിപാടി സംഘടിപ്പിച്ചു. കോവിഡ് മാനദണ്ഡം പാലിച്ചു കൊണ്ട് നടന്ന പരിപാടിയില്‍ ഐ വൈ സി സി പ്രസിഡന്റ് അനസ് റഹിം അധ്യക്ഷത വഹിച്ചു. സെക്രട്ടറി എബിയോന്‍ അഗസ്റ്റിന്‍ സ്വാഗതം പറഞ്ഞു.
സമകാലിക സാഹചര്യത്തില്‍ മഹാത്മാഗാന്ധിയുടെ ആശയങ്ങള്‍ക്ക് പ്രസക്തി വര്‍ധിച്ചു വരികയാണ് എന്നും ഗാന്ധിയന്‍ സിദ്ധാന്തങ്ങള്‍ പിന്തുടരുവാന്‍ ഭരണാധികാരികള്‍ തയാറായെങ്കിലേ രാജ്യത്തിന് വിജയം ഉണ്ടാകൂ എന്നും യോഗം പ്രസിഡന്റ് അനസ് റഹിം പറഞ്ഞു. രാജ്യത്തെ വര്‍ഗീയ ധ്രുവീകരണം നടത്തി തങ്ങളുടെ രാഷ്ട്രീയ നേട്ടത്തിനായി വിനിയോഗിക്കുമ്പോള്‍ നഷ്ടം സംഭവിക്കുന്നത് രാജ്യം നാളിതുവരെ കാത്ത് സൂക്ഷിച്ചു വന്നിരുന്ന മഹത്തായ പൈതൃകമാണ്.
വിവിധ മത ജാതി ഭാഷ വര്‍ണ്ണ വിഭാഗങ്ങളെ തോളോട് തോള്‍ ചേര്‍ത്ത് മുന്നോട്ട് കൊണ്ട് പോയത് കൊണ്ടാണ് ഇന്ത്യക്ക് നേട്ടങ്ങള്‍ ഉണ്ടാക്കുവാന്‍ സാധിച്ചത്. ഗാന്ധിയന്‍ ആദര്‍ശങ്ങളില്‍ നിന്നുള്ള വ്യതിയാനങ്ങളില്‍ നിന്നും രാജ്യത്തെ സംരക്ഷിക്കേണ്ട കാലഘട്ടത്തിന്റെ ആവശ്യം ഇന്ത്യയുടെ നിലനില്‍പ്പിന് അത്യന്താപേക്ഷിതമാണ് എന്ന് അനുസ്മരണ പ്രഭാഷണം നടത്തിയവര്‍ അഭിപ്രായപ്പെട്ടു.
ഐ വൈ സി സി മുതിര്‍ന്ന അംഗം ഷഫീക്ക് കൊല്ലം, വൈസ് പ്രസിഡന്റ് ഫാസില്‍ വട്ടോളി, ഹരി ഭാസ്‌കരന്‍, ബെന്‍സി എന്നിവര്‍ സംസാരിച്ചു. ട്രഷറര്‍ നിതീഷ് ചന്ദ്രന്‍ നന്ദി പറഞ്ഞു. ഗാന്ധി ജയന്തി ആഘോഷ ഭാഗമായി ഓണ്‍ലൈന്‍ ക്വിസും ഐവൈസി സി സംഘടിപ്പിക്കുന്നുണ്ട്. ടൂബ്‌ളി സല്‍മാബാദ് ഏരിയയുടെ നേതൃത്വത്തില്‍ തൊഴിലാളി ക്യാമ്പുകളില്‍ മധുര വിതരണവും നടത്തി.

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
supreme court

1 min

ഗുജറാത്ത് കലാപം: എ.സി. മുറിയിലിരിക്കുന്നവര്‍ക്ക് യാഥാര്‍ഥ്യമറിയില്ല - സുപ്രീംകോടതി

Jun 25, 2022


satheesan

രാഹുലിന്റെ ഓഫീസിലെ ഗാന്ധി ചിത്രത്തെക്കുറിച്ച്‌ ചോദ്യം; മര്യാദക്കിരുന്നോണം, ഇറക്കിവിടുമെന്ന് സതീശന്‍

Jun 25, 2022


vijay babu

3 min

സമ്മതപ്രകാരമുള്ള ബന്ധത്തെ ബലാത്സംഗമായി മാറ്റുന്നതിനെതിരേ ജാഗ്രത വേണം -ഹൈക്കോടതി

Jun 23, 2022

Most Commented