തൃശ്ശൂർ ജില്ലയിലുള്ള മറ്റത്തൂർ പഞ്ചായത്തിലെ നിർധനരായ കുടുംബത്തിന് വേണ്ടി ബഹ്റൈൻ കേരളീയ സമാജം നിർമിച്ച വീട്
മനാമ; ബഹ്റൈന്‍ കേരളീയ സമാജത്തിന്റെ ചാരിറ്റി പ്രവര്‍ത്തനങ്ങളില്‍ സവിശേഷ ശ്രദ്ധ ആകര്‍ഷിച്ച ഭവന പദ്ധതിയില്‍ 26 മത്തെ ഭവനത്തിന്റെ താക്കോല്‍ ദാനം വിദ്യാഭ്യാസ മന്ത്രി പ്രൊഫ: രവീന്ദ്രനാഥ് ജനുവരി 6 നു രാവിലെ 11.30 ന് നിര്‍വ്വഹിക്കുമെന്നു സമാജം പ്രസിഡന്റ് പി വി രാധാകൃഷ്ണ പിള്ള പത്രക്കുറിപ്പില്‍ അറിയിച്ചു.
ബഹ്റൈന്‍ കേരളീയ സമാജത്തിന്റെ സാമൂഹിക ഉത്തരവാദിത്ത്വത്തിന്റെ ഭാഗമായി കേരളത്തില്‍ നിര്‍മിച്ചു കൊണ്ടിരിക്കുന്ന ഭവന പദ്ധതിയില്‍ ഇരുപത്തിയാറാമത്തെ വീടാണ് നിര്‍മിച്ചു കൈമാറുന്നത്. തൃശ്ശൂര്‍ ജില്ലയിലുള്ള മറ്റത്തൂര്‍ പഞ്ചായത്തിലെ നിര്‍ധനരായ കുടുംബത്തിന് വേണ്ടി ബഹ്റൈന്‍ കേരളീയ സമാജം ബാഡ്മിന്റണ്‍ വിങ് മുന്‍ സെക്രട്ടറി ഷാനില്‍ അബ്ദുള്‍ റഹ്മാന്റെ നേതൃത്വത്തില്‍ ഉള്ള കമ്മിറ്റിയാണ് വീട് നിര്‍മാണത്തിന് ഉള്ള സാമ്പത്തിക സഹായം സമാഹരിച്ചത്.
നിര്‍ധന കുടുംബത്തിന് അടച്ചുറപ്പുള്ള വീട് നിര്‍മ്മിച്ച് നല്‍കുക വഴി മാതൃകാപരമായ സേവനമാണ് ബഹ്റൈന്‍ കേരളീയ സമാജം ബാഡ്മിന്റണ്‍ വിങ് നിര്‍വഹിച്ചിരിക്കുന്നത് എന്ന് സമാജം ആക്ടിങ് ജനറല്‍ സെക്രട്ടറി വറുഗീസ് ജോര്‍ജ്ജ് അഭിപ്രായപ്പെട്ടു. കോവിഡ് പ്രോട്ടോക്കോള്‍ പാലിച്ചു കൊണ്ട് നടക്കുന്ന ലളിതമായ ചടങ്ങില്‍ സമാജം സാഹിത്യ വിഭാഗം സെക്രട്ടറി ഫിറോസ് തിരുവത്ര, മറ്റത്തൂര്‍ പഞ്ചായത്ത് പ്രസിഡന്റ് അശ്വതി വിപി തുടങ്ങിയവര്‍ പങ്കെടുക്കും.
Also Watch
RELATED STORIES
IN CASE YOU MISSED IT
.jpg?$p=58db1bc&f=1x1&w=100&q=0.8)
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..