സൗദിയിലെ പ്രശസ്ത ബ്രോഡ്കാസ്റ്റര്‍ ഗലേബ് കമല്‍ അന്തരിച്ചു


ജാഫറലി പാലക്കോട്

ഗലേബ് കമൽ

റിയാദ്: മുതിര്‍ന്ന സൗദി ടെലിവിഷന്‍ ജേര്‍ണലിസ്റ്റും പ്രശസ്ത ബ്രോഡ്കാസ്റ്ററുമായ ഗലേബ് കമല്‍ (81) അന്തരിച്ചു. റിയാദ് മിലിട്ടറി സിറ്റിയിലെ ആശുപത്രിയില്‍ ചികിത്സയിലിരിക്കെയാണ് മരണം. ദീര്‍ഘനാളായി നെഞ്ചുസംബന്ധമായ അസുഖങ്ങളാല്‍ ബുദ്ധിമുട്ടിയിരുന്ന കമലിനെ ജോര്‍ദാനില്‍ നിന്ന് എയര്‍ ആംബുലന്‍സില്‍ സൗദി അറേബ്യയിലേക്ക് മാറ്റിയതിന് ശേഷം ആരോഗ്യനില വഷളായിരുന്നു.

സൗദി റേഡിയോ, ടെലിവിഷന്‍ എന്നിവയുടെ സ്ഥാപകരില്‍ ഒരാളാണ് കമല്‍. 1941-ല്‍ സൈലത്ത് അല്‍-സുഹറില്‍ ജനിച്ച അദ്ദേഹം സൗദി ടെലിവിഷന്‍ ചാനല്‍ 1-ന്റെ ഏറ്റവും പഴയ സംപ്രേക്ഷണകരില്‍ ഒരാളാണ്. ഉജജ്വലവും പ്രശസ്തവുമായ ബ്രോഡ്കാസ്റ്റിംഗ് മീഡിയ ട്രാക്ക് റെക്കോര്‍ഡ് അദ്ദേഹത്തിനുണ്ടായിരുന്നു. ഹിജ്റ വര്‍ഷം 1384-ല്‍ ജിദ്ദ റേഡിയോയില്‍ ചേര്‍ന്ന് പത്രപ്രവര്‍ത്തന ജീവിതം ആരംഭിച്ച അദ്ദേഹം പിന്നീട് 1401 എ.എച്ച് സൗദി ടെലിവിഷനിലേക്ക് മാറി. പ്രധാനമായും റിയാദിലും ജിദ്ദ, മദീന, അമ്മാന്‍ എന്നിവിടങ്ങളിലും അദ്ദേഹം നിരവധി സ്ഥാനങ്ങള്‍ വഹിച്ചു.

നാല് പതിറ്റാണ്ടിലേറെ നീണ്ട സേവനത്തിന് ശേഷം, കമല്‍ ഹിജ്റ 1420-ല്‍ വിരമിച്ചു. തുടര്‍ന്ന് അക്കാലത്ത് മാധ്യമ കാര്യങ്ങളുടെ ഡെപ്യൂട്ടി മന്ത്രിയായിരുന്ന അബ്ദുല്ല അല്‍-ജാസറിന്റെ മാധ്യമ ഉപദേഷ്ടാവായി കുറച്ചുകാലം പ്രവര്‍ത്തിച്ചു.

സൗദി ബ്രോഡ്കാസ്റ്റിംഗ് മാധ്യമ പ്രവര്‍ത്തകനായിരുന്നു കമല്‍. സൗദി ടെലിവിഷന്‍ ചാനല്‍ 1 ന്റെ ഏറ്റവും പഴയ പ്രക്ഷേപകരില്‍ ഒരാളായി അദ്ദേഹം കണക്കാക്കപ്പെടുന്നു. സൗദി റേഡിയോയുടെയും ടെലിവിഷന്റെയും സ്ഥാപകരയ മജീദ് അല്‍-ഷിബ്ല്, അബ്ദുള്‍ റഹ്മാന്‍ യാഗൂര്‍, സുലൈമാന്‍ അല്‍-ഇസ്സ, ഹുസൈന്‍ അല്‍-നജജാര്‍ തുടങ്ങി നിരവധിപേരുടെ പേരിനൊപ്പം എഴുതിചേര്‍ക്കാവുന്നതാണ് ഇദ്ദേഹത്തെയും. മുത്തലാഖ് അല്‍-ദിയാബി, യഹ്യ കാത്തൂഹ്, സുലൈമാന്‍ അല്‍-ഇസ, അബ്ദുള്‍ റഹ്മാന്‍ യഗ്മൂര്‍, മജീദ് അല്‍-ഷിബ്ല്, അബ്ബാസ് ഗസാവി തുടങ്ങിയ സൗദിയിലെ പ്രമുഖ മാധ്യമ പ്രവര്‍ത്തകരോടൊപ്പം പ്രവര്‍ത്തിക്കാന്‍ അവസരം ലഭിച്ചതിന്റെ ബഹുമാന സൂചകമായാണ് കമലിനെ 'വിട്ടുപോയവരുടെ സുഹൃത്ത്' എന്ന് വിളിക്കാറുണ്ട്.

നിരവധി ജനപ്രിയ ടെലിവിഷന്‍ പ്രോഗ്രാമുകളുടെ അവതാരകനായിരുന്നു കമല്‍. സമാനതകളില്ലാത്ത വാക്ചാതുര്യത്തിന് പേരുകേട്ട അദ്ദേഹം, അവതരണവും ബുദ്ധിമുട്ടുള്ള സംഭാഷണ സെഷനുകള്‍ കൈകാര്യം ചെയ്യാനുള്ള കഴിവും കൊണ്ട് വ്യത്യസ്തനായിരുന്നു, അത് എത്ര നിസ്സാരമാണെങ്കിലും വിശദാംശങ്ങളൊന്നും അവഗണിക്കാതെ അവതരണത്തില്‍ കൃത്യത പുലര്‍ത്താനുള്ള അസാധാരണ കഴിവ് അദ്ദേഹത്തിനുണ്ടായിരുന്നു.

കിരീടാവകാശി മുഹമ്മദ് ബിന്‍ സല്‍മാന്റെ പ്രൈവറ്റ് ഓഫീസ് ഡയറക്ടര്‍ ബദര്‍ അല്‍ അസക്കര്‍ ഉള്‍പ്പെടെ സര്‍ക്കാര്‍ ഉദ്യോഗസ്ഥരും മുതിര്‍ന്ന മാധ്യമ പ്രവര്‍ത്തകരും സോഷ്യല്‍ മീഡിയ ഉപയോക്താക്കളും ഉള്‍പ്പെടെ നിരവധി പ്രമുഖര്‍ മരണത്തില്‍ അനുശോചനം രേഖപ്പെടുത്തി.

റേഡിയോ, ടെലിവിഷന്‍ രംഗത്തെ മുന്‍നിരക്കാരില്‍ ഒരാളും മാധ്യമരംഗത്ത് സുവര്‍ണ്ണ തലമുറയെ നമുക്കായി സൃഷ്ടിച്ചുതന്നവരില്‍ ഒരാളുമായ ഗലേബ് കമാലിന് ദൈവം കരുണ ചെരിയട്ടെ എന്ന് അല്‍-അസാക്കര്‍ ട്വീറ്റ് ചെയ്തു. സൗദി ടെലിവിഷന്‍ കമലിന്റെ കരിയറിനെ കേന്ദ്രീകരിച്ച് സമഗ്രമായ ഒരു റിപ്പോര്‍ട്ട് സംപ്രേഷണം ചെയ്യുകയും അദ്ദേഹം അവതരിപ്പിച്ച അവതാരകനായ ജനപ്രിയ പ്രോഗ്രാമുകളെക്കുറിച്ചും സംപ്രേഷണം ചെയ്തു.

Content Highlights: galeb kamal passed away


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

22:40

പരാജയങ്ങളെ വിജയങ്ങളാക്കി പോരാടിയെത്തിയത് സിവിൽ സർവ്വീസിൽ | കളക്ടർ കൃഷ്ണ തേജ സംസാരിക്കുന്നു

Sep 28, 2022


11:48

ബ്രിട്ടന്‍, യു.കെ, ഇംഗ്ലണ്ട്... ഇതൊക്കെ രാജ്യങ്ങളാണോ? കണ്‍ഫ്യൂഷന്‍ തീര്‍ക്കാം | Inside Out

Sep 27, 2022


pfi

1 min

തീരുമാനം അംഗീകരിക്കുന്നു: പോപ്പുലര്‍ ഫ്രണ്ട് പിരിച്ചുവിട്ടതായി സംസ്ഥാന സെക്രട്ടറി

Sep 28, 2022

Most Commented