ഡോ. അനൂപ് അബ്ദുല്ലക്കുള്ള ഉപഹാരം ഫ്രന്റ്‌സ് വനിതാവിഭാഗം മനാമ ഏരിയ പ്രസിഡന്റ് റഷീദ സുബൈർ കൈമാറുന്നു
മനാമ: ഫ്രണ്ട്‌സ് സോഷ്യല്‍ അസോസിയേഷന്‍ വനിതാ വിഭാഗം മനാമ ഏരിയ ബോധവത്ക്കരണ ക്ലാസ് സംഘടിപ്പിച്ചു. 'കോവിഡാനന്തര ആരോഗ്യ പരിരക്ഷ' എന്ന വിഷയത്തില്‍ അമേരിക്കന്‍ മിഷന്‍ ഹോസ്പിറ്റലിലെ ഇന്റേണല്‍ മെഡിസിന്‍ ഫിസിഷ്യന്‍, സ്‌പെഷ്യലിസ്റ്റ് ഡോ. അനൂപ് അബ്ദുല്ല ക്ലാസെടുത്തു.
കോവിഡ് ലോകമാകെയുള്ള മനുഷ്യരെ മാനസികമായും ശാരീരികമായും വല്ലാതെ തളര്‍ത്തിക്കൊണ്ടിരിക്കുകയാണെന്നും പ്രവാസികളെയാണ് അതേറ്റവും കൂടുതല്‍ ബാധിച്ചിരിക്കുന്നതെന്നും അദ്ദേഹം പറഞ്ഞു. കോവിഡ് വന്ന ശേഷം മാസങ്ങളോളം ക്ഷീണം അനുഭവപ്പെടുന്നു. ഉറക്കക്കമില്ലായ്മയാണ് അതില്‍ പ്രധാനം. ഇത് പിന്നീട് മാനസിക ആരോഗ്യത്തെ ബാധിക്കുന്നുവെന്നും ഇതിനൊക്കെയുള്ള പരിഹാരം സാവധാനത്തിലുള്ള വ്യായാമമുറകളിലൂടെ മനസ്സിനെ പോസിറ്റീവ് എനര്‍ജ്ജിയിലേക്ക് തിരികെ കൊണ്ട് വരികയാണ് വേണ്ടതെന്നും അദ്ദേഹം കൂട്ടിച്ചേര്‍ത്തു.
പരിപാടിയില്‍ പങ്കെടുത്തവരുടെ സംശയങ്ങള്‍ക്കുള്ള മറുപടി അദ്ദേഹം നല്‍കി. ഏരിയ പ്രസിഡന്റ് റഷീദ സുബൈര്‍ അധ്യക്ഷത വഹിച്ച പരിപാടിയില്‍ പ്രോഗ്രാം കണ്‍വീനര്‍ നൂറ ഷൗക്കത്തലി സ്വാഗതം പറഞ്ഞു. സെക്രട്ടറി ഫസീല ഹാരിസ് നന്ദിയും അമല്‍ സുബൈര്‍ പ്രാര്‍ത്ഥന ഗീതം ആലപിക്കുകയും ചെയ്തു. ഡോക്ടര്‍ക്കുള്ള ഉപഹാരം ഫ്രന്റ്‌സ് ഏരിയ പ്രസിഡന്റ് റഷീദ സുബൈര്‍ കൈമാറി.
Also Watch
RELATED STORIES
IN CASE YOU MISSED IT
.jpg?$p=58db1bc&f=1x1&w=100&q=0.8)
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..