ദോഹ: കോവിഡിന്റെ പശ്ചാതലത്തില്‍ തൊഴില്‍ നഷ്ടപ്പെട്ട് നാട്ടിലേക്ക് തിരിക്കുന്ന പ്രവാസികള്‍ക്കും ഓണ്‍ അറൈവല്‍ വിസയില്‍ ഖത്തറിലെത്തിയവര്‍ക്കും നാട്ടിലേക്ക് മടങ്ങാന്‍ സൗജന്യ എയര്‍ ടിക്കറ്റ് അനുവദിക്കണമെന്ന് കള്‍ച്ചറല്‍ ഫോറം സെക്രട്ടറിയേറ്റ് ആവശ്യപ്പെട്ടു.
എംബസികളുടെ കീഴിലുള്ള ഇന്ത്യന്‍ കമ്മ്യൂണിറ്റി ക്ഷേമ ഫണ്ടും കേന്ദ്ര- സംസ്ഥാന സര്‍ക്കാരുകളുടെ പ്രത്യേക ഫണ്ടുകളും ഇതിനായി വിനിയോഗിക്കണം. വിവിധ സേവനങ്ങള്‍ക്കായി എംബസികള്‍ പ്രവാസികളില്‍ നിന്ന് ഈടാക്കുന്ന തുക ക്ഷേമഫണ്ടിലുണ്ട്. ഇത്തരം പ്രതിസന്ധി ഘട്ടങ്ങളില്‍ ഈ ഫണ്ട് ഉപയോഗിക്കാന്‍ ബന്ധപ്പെട്ടവര്‍ തയ്യാറാകണം.
കേരളത്തിലെ മുഴുവന്‍ എയര്‍പോര്‍ട്ടിലേക്കും ദോഹയില്‍ നിന്നും പ്രത്യേക വിമാന സര്‍വീസ് ആരംഭിക്കണം. ഇപ്പോള്‍ പ്രഖ്യാപിച്ചത് തിരുവനന്തപുരം , കൊച്ചി സര്‍വീസുകളാണ്. ഖത്തറിലെ മലയാളി പ്രവാസികളില്‍ നല്ലൊരു ശതമാനം മലബാറില്‍ നിന്നുള്ളവരാണ്.
വിമാനമിറങ്ങിയ ശേഷം പ്രായമായവര്‍ക്കും രോഗികള്‍ക്കും ദീര്‍ഘ ദൂരം റോഡ് യാത്ര സുരക്ഷിതമല്ലെന്നതു കൂടി പരിഗണിച്ച് മലബാറിലെ വിമാനത്താവളങ്ങളിലേക്ക് കൂടി ഉടന്‍ വിമാന സര്‍വീസ് ആരംഭിക്കണമെന്നും കള്‍ച്ചറല്‍ ഫോറം സെക്രട്ടറിയേറ്റ് ആവശ്യപ്പെട്ടു.
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
Also Watch
RELATED STORIES
IN CASE YOU MISSED IT
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..