-
മനാമ: ബഹ്റൈന് കേരളീയ സമാജത്തിന്റെ ആഭിമുഖ്യത്തില്‍ കോവിഡ് ദുരിതാശ്വാസ പ്രവര്‍ത്തനങ്ങളില്‍ ഏറെ ശ്രദ്ധേയമായി മാറിയ ചാര്‍ട്ടേര്‍ഡ് വിമാന സര്‍വീസിന് വമ്പിച്ച പ്രതികരണമാണ് ലഭിച്ചു കൊണ്ടിരിക്കുന്നതെന്നും മൂന്നോളം ഫ്‌ളൈറ്റിനാവശ്യമായ ബുക്കിങ്ങുകള്‍ ഇതിനകം ലഭിച്ചു കഴിഞ്ഞതായും മറ്റൊരു അറിയിപ്പ് ഉണ്ടാകുന്നതുവരെ പുതിയ ബുക്കിങ്ങുകള്‍ സ്വീകരിക്കുന്നതല്ല എന്നും ബഹ്റൈന് കേരളീയ സമാജം പ്രസിഡന്റ് പി.വി.രാധാകൃഷ്ണപിള്ളയും ജനറല്‍ സെക്രട്ടറി വര്‍ഗ്ഗീസ് കാരക്കലും അറിയിച്ചു.
കൂടുതല്‍ ചാര്‍ട്ടേര്‍ഡ് ഫ്‌ളൈറ്റുകളുടെ അനുമതിക്കായും എയര്‍ ഇന്ത്യ എക്‌സ്പ്രസിന്റെ വിമാന സര്‍വ്വീസുകള്‍ പുന:സ്ഥാപിക്കാനുമായി വ്യോമയാന, വിദേശ കാര്യ വകുപ്പുകളുമായി നിരന്തരം ചര്‍ച്ച നടത്തികൊണ്ടിരിക്കുകയാണെന്നും പി.വി. രാധാകൃഷ്ണപിള്ള പറഞ്ഞു.
കൂടുതല്‍ വിമാനങ്ങള്‍ക്ക് അനുമതി ലഭിച്ചാല്‍ വിവരങ്ങള്‍ പൊതുജനത്തെ അറിയിക്കുകയും നിര്‍ത്തിവച്ച ബുക്കിങ്ങ് പുനരാരംഭിക്കുകയും ചെയ്യുന്നതാണ്. സോഷ്യല്‍ ഡിസ്റ്റന്‍സിങ് അടക്കം മുഴുവന്‍ സാമൂഹികാരോഗ്യ നിയമങ്ങളും പാലിച്ച് രജിസ്‌ട്രേഷന്‍ നടപടികള്‍ പൂര്‍ത്തീകരിക്കാന്‍ സഹായിച്ച സമാജം എക്‌സിക്യൂട്ടിവ് അംഗങ്ങളെയും വളണ്ടിയര്‍ കമ്മിറ്റിയടക്കമുള്ള സബ്ബ് കമ്മിറ്റികളെയും അനുമോദിക്കുന്നതായും വാര്‍ത്താകുറിപ്പില്‍ സൂചിപ്പിച്ചു.
Also Watch
RELATED STORIES
.jpg?$p=58db1bc&f=1x1&w=100&q=0.8)
IN CASE YOU MISSED IT
.jpg?$p=298ab5c&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..