കോവിഡ് ബാധിച്ച് ബഹ്റൈനില്‍ 21 പേര്‍ മരിച്ചു, bahrain

29 May 2021, 04:05 AM IST

പ്രതീകാത്മക ചിത്രം| photo: Joseph Prezioso | AFP

മനാമ: ബഹ്റൈനില്‍ കോവിഡ് 19 രോഗബാധ മൂലം വെള്ളിയാഴ്ച 21 പേര്‍ മരിച്ചു. പതിനഞ്ചു സ്വദേശികളും ആറു പ്രവാസികളുമാണ് മരിച്ചതെന്ന് ആരോഗ്യമന്ത്രാലയം സ്ഥിരീകരിച്ചു.

മറ്റു ആരോഗ്യപ്രശ്‌നങ്ങള്‍ക്ക് ഐസൊലേഷന്‍ വാര്‍ഡില്‍ ചികിത്സയിലായിരുന്ന ഇവരുടെ നില ഗുരുതരമായി തുടരുകയായിരുന്നു. ഇതോടെ കോവിഡ് 19 ബാധിച്ചു മരിച്ചവരുടെ എണ്ണം രാജ്യത്തു 921 ആയി.

നിലവില്‍ 26,862 പേര്‍ ചികിത്സയിലുണ്ട്. 233 പേരൊഴികെ ബാക്കിയുള്ളവരുടെ ആരോഗ്യനില തൃപ്തികരമാണെന്ന് ആരോഗ്യമന്ത്രാലയം അറിയിച്ചു. ഇതുവരെയായി 2,01,683 പേര്‍ രോഗമുക്തരായി വിട്ടയക്കപ്പെട്ടിട്ടുണ്ട്.