കോവിഡ് ബാധിച്ച് ബഹ്റൈനില്‍ രണ്ടു പേര്‍ മരിച്ചു, bahrain covid death

11 October 2020, 11:23 PM IST

പ്രതീകാത്മക ചിത്രം

മനാമ: ബഹ്റൈനില്‍ കോവിഡ് 19 ബാധിതരായി ശനിയാഴ്ച രണ്ടു പേര്‍ മരിച്ചു. 70 വയസ്സുള്ള സ്വദേശിയും 38 വയസ്സുള്ള പ്രവാസിയും മരിച്ചതായി ആരോഗ്യമന്ത്രാലയം സ്ഥിരീകരിച്ചു.

മറ്റു ആരോഗ്യപ്രശ്‌നങ്ങള്‍ക്കും ഐസൊലേഷന്‍ വാര്‍ഡില്‍ ചികിത്സയിലായിരുന്ന ഇവരുടെ നില ഗുരുതരമായി തുടരുകയായിരുന്നു.

ഇതോടെ കോവിഡ് 19 ബാധിച്ചു മരിച്ചവരുടെ എണ്ണം രാജ്യത്തു 273 ആയി. നിലവില്‍ 4181 പേര്‍ ചികിത്സയിലുണ്ട്. 60 പേരൊഴികെ ബാക്കിയുള്ളവരുടെ ആരോഗ്യനില തൃപ്തികരമാണെന്ന് ആരോഗ്യമന്ത്രാലയം അറിയിച്ചു. ഇതുവരെയായി 70,406 പേര്‍ രോഗമുക്തരായി വിട്ടയക്കപ്പെട്ടിട്ടുണ്ട്.