ഐ വി എസ് സെന്റർ പുതിയ ഓഫീസ് ഉദ്ഘാടനം ചെയ്യാനെത്തിയ ഇന്ത്യൻ അംബാസഡർ പിയുഷ് ശ്രീവാസ്തവ, ഐ വി എസ് ജീവനക്കാരോടൊപ്പം.
മനാമ:ബഹ്റൈനിലെ ഇന്ത്യന്‍ സമൂഹം തങ്ങളുടെ ചിരകാലാഭിലാഷം സാധിച്ച നിര്‍വൃതിയിലാണ്. മനാമയില്‍ പ്രവര്‍ത്തിച്ചിരുന്ന ഇന്ത്യന്‍ എംബസ്സിയുടെ ഔട്‌സോഴ്‌സിങ് കേന്ദ്രം ഐ വി എസ് സെന്റര്‍, മനാമയില്‍നിന്നു ഏറെ സൗകര്യപ്രദമായ ദാനമാളിലേക്കു മാറ്റി സ്ഥാപിച്ചു. വ്യാഴാഴ്ച നടന്ന ലളിതമായ ചടങ്ങില്‍ ഐ വി എസ് ബഹ്റൈന്‍ ചെയര്‍മാന്‍ ഫൈസല്‍ ഖാലിദ് കാനു, സി ഇ ഓ ശിവം ധാക്കര്‍ എന്നിവരുടെ സാന്നിധ്യത്തില്‍ ഇന്ത്യന്‍ അംബാസിഡര്‍ പിയുഷ് ശ്രീവാസ്തവ പുതിയ ആസ്ഥാനത്തിന്റെ ഉദ്ഘാടനം നിര്‍വഹിച്ചു.
പാര്‍ക്കിംഗ് ഉള്‍പ്പെടെയുള്ള സൗകര്യങ്ങള്‍ ഉള്ളതിനാല്‍ ഓഫീസ് മാറ്റിസ്ഥാപിച്ചതില്‍ താന്‍ ഏറെ സന്തുഷ്ടനാണെന്നു അംബാസഡര്‍ പ്രതികരിച്ചു. എല്ലാവര്‍ക്കും വളരെ വേഗത്തില്‍ എത്തിപ്പെടാനുള്ള സൗകര്യവും, ഓഫീസിനടുത്തുതന്നെ ബാങ്ക് എ ടി എം, സൂപ്പര്‍മാര്‍ക്കറ്റ് തുടങ്ങിയവയും ഉള്ളത് സാധാരണക്കാര്‍ക്ക് ഏറെ സൗകര്യപ്രദം തന്നെയാണ്. ഇന്ത്യന്‍ എംബസ്സിയില്‍ ചെയ്തിരുന്ന പാസ്‌പോര്‍ട്ട് സംബന്ധമായ നടപടികളും മറ്റു കോണ്‍സുലാര്‍ സേവനങ്ങളും നിലവില്‍ ഈ ഓഫീസ് വഴിയാണ് ചെയ്യുന്നത്.
ശനിയാഴ്ച മുതല്‍ വ്യാഴാഴ്ച വരെയുള്ള ദിവസങ്ങളില്‍ രാവിലെ 8 മുതല്‍ ഒരു മണി വരെയും ഉച്ച കഴിഞ്ഞു രണ്ടു മുതല്‍ അഞ്ചു മണിവരെയുമാണ് പ്രവര്‍ത്തന സമയം. നിലവിലെ കോവിഡ് സാഹചര്യത്തില്‍ മുന്‍കൂട്ടിയുള്ള രെജിസ്‌ട്രേഷന്‍ ആവശ്യമാണെന്ന് ഐ വി എസ് ജനറല്‍ മാനേജര്‍ മുഹമ്മദ് ഉസ്മാന്‍ പറഞ്ഞു. ദാനമാളിലെ പാര്‍ക്കിംഗ് ഏരിയയില്‍ ഗേറ്റ് നമ്പര്‍ ഒന്നിന് സമീപത്താണ് പുതിയ ഓഫീസ് പ്രവര്‍ത്തനമാരംഭിച്ചിരിക്കുന്നത്. ഫോണ്‍ നമ്പര്‍: 13633433, 66391616. ഇമെയില്‍: info.bahrain@ivsglobal.in.
RELATED STORIES
.jpg?$p=e2b8920&f=1x1&w=100&q=0.8)
IN CASE YOU MISSED IT
.jpg?$p=1a21421&f=1x1&w=100&q=0.8)
.jpg?$p=d0aeedf&f=1x1&w=100&q=0.8)
.jpg?$p=9b0a6c9&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..