-
മനാമ: അദ്‌ലിയയിലെ റസ്റ്റോറന്റ് ജീവനക്കാരിക്ക് ബഹ്‌റൈന്‍ പലിശവിരുദ്ധ സമിതിയുടെ ഇടപെടല്‍ കാരണം പാസ്‌പോര്‍ട്ട് തിരികെ ലഭിച്ചു. പാസ്‌പോര്‍ട്ട് പണയമായി നല്‍കി 300 ദിനാര്‍ പലിശയ്ക്കായി വാങ്ങിയിരുന്നു. ഇതില്‍ 90 ദിനാറോളം പലിശയായും പകുതിയിലധികം തുക മുതല്‍ പൈസയായി നല്‍കുകയും ചെയ്തു. കഴിഞ്ഞ കുറച്ച്
മാസങ്ങളായി കോവിഡ് കാരണം റസ്റ്റോറന്റുകള്‍ അടഞ്ഞു കിടന്നിരുന്നതിനാല്‍ ജോലിയോ ശമ്പളമോ ലഭിക്കാതെ ഫ്‌ളാറ്റ് വാടക പോലും നല്‍കാന്‍ കഴിയാത്ത അവസ്ഥയിലാണ് യുവതി സമിതിക്ക് പരാതി നല്കിയത്. സമിതിയുടെ ശക്തമായ ഇടപെടല്‍ കാരണം പലിശക്കാരന്‍ പാസ്‌പോര്‍ട്ട് തിരികെ നല്‍കുകയായിരുന്നു. പ്രവാസി കമ്മീഷന്‍ അംഗവും, പലിശവിരുദ്ധ സമിതി ഉപദേശക സമിതി അംഗവുമായ കണ്ണൂര്‍ സുബൈര്‍, സമിതി ചെയര്‍മാന്‍ ജമാല്‍ ഇരിങ്ങല്‍, സെക്രട്ടറി ദിജീഷ്, സമിതി അംഗങ്ങളായ നാസര്‍ മഞ്ചേരി, അസ്‌കര്‍ പൂഴിത്തല തുടങ്ങിയവരുടെ സാന്നിധ്യത്തില്‍ കണ്ണൂര്‍ സുബൈര്‍ പാസ്‌പോര്‍ട്ട് പരാതിക്കാരിക്ക് കൈമാറി. കോവിഡ് പശ്ചാത്തലത്തില്‍ പലിശയുമായി ബന്ധപ്പെട്ട് പാസ്‌പോര്‍ട്ട് പണയമായി നല്‍കിയ നിരവധി കേസുകളാണ് സമിതിക്ക് ലഭിച്ചു കൊണ്ടിരിക്കുന്നത്.
Also Watch
RELATED STORIES
IN CASE YOU MISSED IT
.jpg?$p=cc29bd4&q=0.8&f=16x11&w=104)
.jpg?$p=c521eaf&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..