കോവിഡ് 19 രോഗം ബാധിച്ച് ബുധനാഴ്ച സൗദിയില്‍ 9 പേര്‍ മരിച്ചു, 9 Covid death reported in Saudi

07 May 2020, 02:04 AM IST

റിയാദ്: സൗദി ആരോഗ്യ മന്ത്രാലയ വക്താവ് ഡോക്ടര്‍ മുഹമ്മദ് അല്‍ അബ്ദാലി അറിയിച്ചത് പ്രകാരം ബുധനാഴ്ച കോവിഡ് രോഗം മൂലം സൗദിയില്‍ 9 പേരാണ് മരിച്ചത്. മൊത്തം മരണ സംഖ്യ 209 ആയിട്ടുണ്ട്. 1687 പുതിയ രോഗികള്‍ റിപ്പോര്‍ട്ട് ചെയ്തു. ഇതുവരെ രോഗം റിപ്പോര്‍ട്ട് ചെയ്തത് 31,938 പേരിലാണ്. ഇതില്‍ 24,946 പേര്‍ നിലവില്‍ ചികിത്സയിലുണ്ട്.

ബുധനാഴ്ച 1352 പേരുടെ രോഗം ഭേദമായി. ഇതിനകം മൊത്തം 6783 പേരുടെ രോഗം ഭേദമായിട്ടുണ്ട്. ചികിത്സയിലുള്ളവരില്‍ 137 പേരുടെ നില ഗുരുതരമാണെന്നും ആരോഗ്യ മന്ത്രാലയ വക്താവ് അറിയിച്ചു.

പുതിയ രോഗികളില്‍ 27 ശതമാനം സൗദികളും 73 ശതമാനം വിദേശികളുമാണ്. ഇതില്‍ സ്ത്രീകള്‍ 20 ശതമാനവും പുരുഷന്‍മാര്‍ 80 ശതമാനവുമാണ്. കുട്ടികള്‍ 6 ശതമാനവും പ്രായപൂര്‍ത്തിയായവര്‍ 91 ശതമാനവും ഇതില്‍ വൃദ്ധര്‍ 3 ശതമാനവുമാണ്.

Content Highlights: 9 Covid death reported in Saudi