സിനിമയ്ക്കായി കെട്ടിടങ്ങള്‍ സൗന്ദര്യവത്കരിച്ചു; പുതുമോടിയിൽ തലശ്ശേരിയിലെ തെരുവ്


• തലശ്ശേരി പാണ്ടികശാലയ്ക്കു സമീപത്തെ തെരുവിൽ കെട്ടിടങ്ങളുടെ ചുമരിൽ ചിത്രംവരച്ച് അലങ്കരിച്ചപ്പോൾ

തലശ്ശേരി: തലശ്ശേരി പാണ്ടികശാലയ്ക്കുസമീപത്തെ തെരുവിന്റെ ഇരുവശത്തുമുള്ള കെട്ടിടങ്ങളുടെ ചുമരുകളിൽ ചിത്രം വരച്ച് മോടി കൂട്ടി. പൈതൃകനഗരത്തിലെ തെരുവ് മുഖം മിനുക്കിയതോടെ കാഴ്ചക്കാരുടെ എണ്ണം കൂടി. സെൽഫിയെടുക്കാൻ വിദ്യാർഥികളുൾപ്പെടെ എത്തുകയാണ്. ടൊവിനോ തോമസും കല്യാണി പ്രിയദർശനും പ്രധാന കഥാപാത്രങ്ങളെ അവതരിപ്പിക്കുന്ന തല്ലുമാല സിനിമയുടെ ചിത്രീകരണത്തിനാണ് തെരുവ് സൗന്ദര്യവത്കരിച്ചത്. തലശ്ശേരിയിൽ ചിത്രീകരണം തുടങ്ങിയ സിനിമയുടെ നിർമാണം പുരോഗമിക്കുകയാണ്. വെള്ളിയാഴ്ച മുതൽ കണ്ണൂരിലാണ് ചിത്രീകരണം.

പാണ്ടികശാലയ്ക്കുസമീപം പഴഞ്ചൻ കെട്ടിടങ്ങളാണ് പെയിന്റടിച്ച് മനോഹരമാക്കിയത്. സിനിമ ആർട്ട് ഡയറക്ടർ ഗോകുലിന്റെ നേതൃത്വത്തിൽ പത്തിലേറെ തൊഴിലാളികളാണ് രണ്ടാഴ്ചയോളമെടുത്ത്‌ ചിത്രം വരച്ച് അലങ്കരിച്ചത്. സിനിമയിലെ ഒരു ഗാനചിത്രീകരണമാണ് ഇവിടെ നടക്കുക.

ഖാലിദ് റഹ്‌മാൻ സംവിധാനം ചെയ്യുന്ന സിനിമയുടെ നിർമാണം ആഷിഖ് ഉസ്മാനാണ്. തലശ്ശേരിയുടെ പൈതൃകടൂറിസത്തിന്റെ സാധ്യതയും ഒപ്പം എം.എൽ.എ. എ.എൻ.ഷംസീറിന്റെ അഭിപ്രായവും മാനിച്ചാണ് പാണ്ടികശാലയ്ക്കുസമീപത്ത് തെരുവ് അലങ്കരിച്ച് സിനിമ ചിത്രീകരിക്കാൻ തീരുമാനിച്ചതെന്ന് ലൊക്കേഷൻ മാനേജർ വിജീഷ് കൂത്തുപറമ്പ് പറഞ്ഞു.

സിനിമ ചിത്രീകരച്ചതിനുശേഷം ചിത്രങ്ങൾ അവിടെ തന്നെ തുടരും. കടൽപ്പാലത്തിനു സമീപത്തായി പുതുതായി കടലോര നടപ്പാത നിർമിച്ചതോടെ നിരവധിപേർ കടൽക്കാഴ്ച കാണാൻ ഇവിടെ എത്തുന്നുണ്ട്. സമീപത്തായി തെരുവും അലങ്കരിച്ചതോടെ കടൽപ്പാതയിൽ എത്തുന്നവർ തെരുവിലുമെത്തുകയാണ്.

പഴയ പോർട്ട് ഓഫീസ് മുതൽ കടൽപ്പാലംവരെയാണ് നടപ്പാത നിർമിച്ചത്. ഇരിപ്പിടവും അലങ്കാരവിളക്കുകളും സ്ഥാപിച്ചിട്ടുണ്ട്. പിയർറോഡ് നവീകരിച്ചതിനുശേഷമാണ് നടപ്പാത നിർമിച്ചത്. നഗരത്തിലെ പ്രധാന വിനോദസഞ്ചാരകേന്ദ്രമായി ഇവിടം മാറുകയാണ്.

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Sreejith Ravi

1 min

കുട്ടികള്‍ക്ക് മുന്നില്‍ നഗ്നതാ പ്രദര്‍ശനം; നടന്‍ ശ്രീജിത്ത് രവി പോക്‌സോ കേസില്‍ അറസ്റ്റില്‍

Jul 7, 2022


Sreejith Ravi

1 min

ആദ്യകേസ് കെട്ടിച്ചമച്ചതാണെന്ന് ശ്രീജിത്ത് രവി, വീണ്ടും സമാനകേസില്‍ പിടിയില്‍

Jul 7, 2022


Swapna Suresh

1 min

സ്വപ്‌ന സുരേഷിനെ എച്ച്ആര്‍ഡിഎസ് പിരിച്ചുവിട്ടു

Jul 6, 2022

Most Commented