നന്ദനയുടെ കണ്ണീര് കണ്ട് സുരേഷ് ഗോപി പറഞ്ഞു, ഇൻസുലിൻ പമ്പ് ഞാൻ വാങ്ങിത്തരും; ഒടുവിൽ വാക്ക് പാലിച്ചു, Suresh gopi, insulin pump, Nandana, thiruvananthapuram

04 August 2022, 01:57 PM IST

ഇന്ത്യയിൽ ലഭ്യമല്ലാത്ത ഈ ഉപകരണം, ആറുലക്ഷം രൂപ വിലവരുന്ന ഇൻസുലിൻ പമ്പ് അമേരിക്കയിൽനിന്നാണ് വരുത്തിച്ചത്‌.

• അമേരിക്കയിൽനിന്നു വരുത്തിച്ച ഇൻസുലിൻ പമ്പ് നന്ദനയ്ക്ക് സുരേഷ്‌ഗോപിയുടെ ഭാര്യ രാധിക കൈമാറുന്നു

തിരുവനന്തപുരം: കൽപ്പറ്റ കോട്ടത്തറയിൽനിന്ന് ബുധനാഴ്ച തലസ്ഥാനത്ത് എത്തിയ നന്ദനയെ ചേർത്തുപിടിച്ചപ്പോൾ സുരേഷ്‌ഗോപിയുടെ കൈയിൽ അവളുടെ വേദനയ്ക്കുള്ള പരിഹാരവുമുണ്ടായിരുന്നു. ഡോ. ജ്യോതിദേവ് കേശവദേവിന്റെ ഡയബറ്റിക് സെന്റർ അപൂർവമായ സ്‌നേഹസംഗമത്തിനാണ് സാക്ഷ്യംവഹിച്ചത്. സുരേഷ്ഗോപി വാങ്ങിനൽകിയ ‘ഇൻസുലിൻ പമ്പ്’ എന്ന ഉപകരണം ശരീരത്തിൽ ഘടിപ്പിച്ച് തന്റെ രോഗാവസ്ഥയിൽ ആശ്വാസം കണ്ടാണ് നന്ദന മടങ്ങിയത്.

കൽപ്പറ്റയിൽ ഓട്ടോഡ്രൈവറായ മനോജിന്റെയും അനുപമയുടെയും മകൾ നന്ദന ടൈപ്പ്-ഒന്ന് പ്രമേഹരോഗിയാണ്. ദിവസവും പലതവണ ശരീരത്തിൽ സൂചിയിറക്കി പ്രമേഹനില പരിശോധിക്കേണ്ട അവസ്ഥയിലായിരുന്നു. ഇൻസുലിൻ പമ്പ് എന്ന ഉപകരണം ശരീരത്തിൽ പിടിപ്പിച്ചാൽ ഈ പ്രശ്‌നത്തിനു പരിഹാരം കാണാം. കഴിഞ്ഞ വയനാട് സന്ദർശനത്തിനിടെ നടൻ സുരേഷ്ഗോപിയെ കാണാൻ നന്ദനയുടെ മാതാപിതാക്കൾ എത്തിയിരുന്നു. ഇവരുടെ കണ്ണീർ കണ്ട് സുരേഷ്ഗോപി അന്ന് വാക്കുകൊടുത്തതാണ്- 'നന്ദനയ്ക്ക് ഇൻസുലിൻ പമ്പ് ഞാൻ വാങ്ങി നൽകാം'. ഇന്ത്യയിൽ ലഭ്യമല്ലാത്ത ഈ ഉപകരണം അമേരിക്കയിൽനിന്നാണ് വരുത്തിച്ചത്‌. ആറുലക്ഷം രൂപ വിലവരുന്ന ഇൻസുലിൻ പമ്പ് സുരേഷ് ഗോപിയുടെ ഭാര്യ രാധിക നന്ദനയ്ക്കു കൈമാറി. ഡോ. ജ്യോതിദേവിന്റെ നേതൃത്വത്തിൽ ബുധനാഴ്ചതന്നെ ഇൻസുലിൻ പമ്പ് കുട്ടിയുടെ ശരീരത്തിൽ ഘടിപ്പിച്ചു.

Content Highlights: Suresh gopi donate insulin pump to Nandana

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)