ആ വേദന മുകേഷ് കണ്ടു; ഇരുമ്പുകൂട്ടില്‍ ഞെരിഞ്ഞമര്‍ന്ന മരങ്ങള്‍ക്ക് മോചനം, ഇനി വളരാം പച്ചവിരിക്കാം


മരങ്ങളിലെ ട്രീ ഗാര്‍ഡുകള്‍ നീക്കാന്‍ നിര്‍ദേശം

മരം വളർന്നപ്പോൾ ട്രീ ഗാർഡ്, മരത്തെ ശ്വാസം മുട്ടിക്കുന്നത് വ്യക്തമാക്കാൻ മുകേഷ് കോടതിക്ക് നൽകിയ ചിത്രങ്ങളിലൊന്ന്, മുകേഷ് ജെയിൻ.

മട്ടാഞ്ചേരി: ഇരുമ്പുകൊണ്ടുള്ള ട്രീ ഗാര്‍ഡുകള്‍ മരങ്ങളെ ചുറ്റിവരിഞ്ഞ് അവയെ വേദനിപ്പിക്കുന്ന കാഴ്ച മുകേഷ് ജെയിനിന്റെ മനസ്സില്‍ വലിയ മുറിവാണുണ്ടാക്കിയത്. നാടെങ്ങും നടന്ന് ഇത്തരം കാഴ്ചകള്‍ അദ്ദേഹം ക്യാമറയില്‍ പകര്‍ത്തി.

ഒടുവില്‍ മരങ്ങളുടെ വേദനയുമായി കോടതിക്കു മുമ്പാകെയും എത്തി. ഇതേത്തുടര്‍ന്ന് സംസ്ഥാനത്ത് ട്രീ ഗാര്‍ഡ് മൂലം വളര്‍ച്ച തടസ്സപ്പെട്ട മരങ്ങള്‍ കണ്ടെത്തി അവയില്‍നിന്ന് ട്രീ ഗാര്‍ഡുകള്‍ നീക്കാന്‍ അഡീഷണല്‍ പ്രിന്‍സിപ്പല്‍ ചീഫ് കണ്‍സര്‍വേറ്റര്‍ ഉത്തരവിറക്കിയിരിക്കുകയാണ്.

മരങ്ങള്‍ നടുമ്പോള്‍ അവയെ സംരക്ഷിക്കാന്‍ സ്ഥാപിക്കുന്ന ട്രീ ഗാര്‍ഡുകളും ടയറുമൊക്കെ പിന്നീട് മരങ്ങള്‍ക്ക് ദുരിതമായി മാറുകയാണെന്ന് സമൂഹത്തോട് വിളിച്ചുപറയുകയായിരുന്നു മട്ടാഞ്ചേരിയിലെ ജീവകാരുണ്യ പ്രവര്‍ത്തകന്‍ മുകേഷ് ജെയിന്‍. റോഡരികില്‍ നില്‍ക്കുന്ന മരങ്ങളെ ട്രീ ഗാര്‍ഡുകള്‍ എങ്ങനെയാണ് ദ്രോഹിക്കുന്നതെന്ന് കോടതിയെ ബോധ്യപ്പെടുത്താന്‍ അദ്ദേഹത്തിനായി.

അങ്ങനെയാണ് ഹൈക്കോടതി പ്രശ്നത്തില്‍ ഇടപെട്ടത്. കോടതി വീഡിയോ കോണ്‍ഫറന്‍സിലൂടെ പ്രശ്നം അഡീഷണല്‍ പ്രിന്‍സിപ്പല്‍ ചീഫ് ഫോറസ്റ്റ് കണ്‍സര്‍വേറ്ററുടെ ശ്രദ്ധയില്‍പ്പെടുത്തി. പ്രശ്നത്തിന് പരിഹാരം കാണണമെന്നും കോടതി നിര്‍ദേശിച്ചു.

ഈ ഉത്തരവിന്റെ പകര്‍പ്പ് ചീഫ് കണ്‍സര്‍വേറ്റര്‍ മുകേഷ് ജെയിനിന് അയച്ചുകൊടുക്കുകയും ചെയ്തു. ഓരോ മാസവും ഇതു സംബന്ധിച്ച റിപ്പോര്‍ട്ട് നല്‍കാനും അദ്ദേഹം വനം വകുപ്പ് ഉദ്യോഗസ്ഥരോട് നിര്‍ദേശിച്ചിട്ടുണ്ട്.

പരിസ്ഥിതി ദിനാചരണത്തിന്റെ ഭാഗമായൊക്കെ നടുന്ന മരങ്ങള്‍ക്കാണ് സാധാരണ ട്രീ ഗാര്‍ഡുകള്‍ വയ്ക്കുന്നത്. അതിനുശേഷം ആരും അവയെ പരിപാലിക്കില്ല. മരം വളര്‍ന്ന് വലുതാകുമ്പോള്‍, ട്രീ ഗാര്‍ഡുകള്‍ വലിയ പ്രശ്നമായി മാറും. മരങ്ങളുടെ ശിഖരങ്ങളുടെ വളര്‍ച്ചയെ ഇത് തടസ്സപ്പെടുത്തുന്നതായും മുകേഷ് ചൂണ്ടിക്കാട്ടുന്നു. ഇലകളുടെ വളര്‍ച്ചയെ പോലും ഇത് ബാധിക്കുന്നു.

മരങ്ങളെ നശിപ്പിക്കുന്ന ട്രീ ഗാര്‍ഡുകള്‍ നീക്കണമെന്നാണ് അദ്ദേഹം ആവശ്യപ്പെട്ടത്. പൊതു സ്ഥലത്തു നിന്ന പല മരങ്ങളില്‍നിന്ന് ട്രീ ഗാര്‍ഡുകള്‍ മുകേഷ് തന്നെ മാറ്റുകയും ചെയ്തിരുന്നു. കോടതിയുടെയും വനം വകുപ്പിന്റെയും ഇടപെടലുകളില്‍ സന്തോഷമുള്ളതായി മുകേഷ് ജെയിന്‍ പറഞ്ഞു.

content highlights: mukesh jain's effort bearts fruit, tree guards from grown up tress will be removed

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Sreejith Ravi

1 min

കുട്ടികള്‍ക്ക് മുന്നില്‍ നഗ്നതാ പ്രദര്‍ശനം; നടന്‍ ശ്രീജിത്ത് രവി പോക്‌സോ കേസില്‍ അറസ്റ്റില്‍

Jul 7, 2022


Sreejith Ravi

1 min

ആദ്യകേസ് കെട്ടിച്ചമച്ചതാണെന്ന് ശ്രീജിത്ത് രവി, വീണ്ടും സമാനകേസില്‍ പിടിയില്‍

Jul 7, 2022


Swapna Suresh

1 min

സ്വപ്‌ന സുരേഷിനെ എച്ച്ആര്‍ഡിഎസ് പിരിച്ചുവിട്ടു

Jul 6, 2022

Most Commented